Jona 1
1
O Jona našol taro GOSPOD
1O lafi e GOSPODESO avilo e Jonase, e Amitajese čhavese: 2“Ušti thaj dža ano baro foro Niniva. Odori zurale upozori e manušen, golese so šundem baše lenđe bilačhe buća.”
3Al o Jona manglja te našol taro GOSPOD thaj lija te džal ani phuv o Taršiš. Ulilo tele dži ki Jopa, a odori arakhlja brodo savo džala ano Taršiš. Kana poćinda bašo drom, ulilo ano brodo thaj pojdisada premalo Taršiš, te bi našola taro GOSPOD.
4Tegani o GOSPOD bičhalda zurali balval po more thaj vazdija pe gasavi bari oluja kaj o brodo sasa ano opasnost te phađol. 5Sa e mornara darajle thaj savore molisajle pe devlenđe. Sa o pharipe čhudije ano more te bi o brodo avola polokho. Al o Jona ulilo ano teluno kotor e brodoso, odori pašlilo thaj zurale zasuta.
6O kapetano avilo paše leste thaj phenda: “Sar šaj te sove? Ušti thaj moli tut ćire devlese! Šaj gova dol ka dićhol pe amende thaj ka ikalol amen taro meripe.”
7Tegani e mornara vaćarde jekh averese: “Ajde te čhuda i kocka, te dikha baše kaste avilo amenđe kava bilačhipe.”
Gija čhudije i kocka thaj voj sikada po Jona.
8Tegani von pučlje le: “Vaćar amenđe baše kaste arakhlja amen kava bilačhipe? Savi bući ćere? Katar san? Andar savi phuv thaj tare savo narodo san?”
9O Jona phenda: “Me sem Jevrejo thaj slaviv e GOSPODE, e nebeskone Devle, savo ćerda o more thaj i phuv.”
10Kana dodžanglje lestar kaj našol taro GOSPOD, but darajle thaj pučlje le: “Sose gova ćerdan?”
11O more lija te avol sa po nemirno thaj e mornara pučlje le: “So te ćera tusa te bi o more smirila pe amenđe?”
12O Jona phenda lenđe: “Vazden man thaj čhuden man ano more, tegani o more ka smiril pe. Džanav kaj me sem bango baše gova so dolda tumen kaja zurali oluja.”
13E manuša manglje te veslin premali obala, al naštine, golese so o more sasa sa po nemirno.
14Tegani lije te den vika premalo GOSPOD: “GOSPODE, moli tut, ma de te mudardiva golese so ka mudara kale manuše! Ma dikh amen sar banđen so ka čhora nedužno rat, golese so tu, GOSPODE, ćerdan sar so mangljan.”
15Pale gova lije e Jona, čhudije le ano more thaj o more smirisajlo. 16Golese e manuša but darajle taro GOSPOD, pa ande lese čhindi žrtva thaj dije zavetura lese.
17Tegani o GOSPOD bičhalda jekhe bare mačhe te gutil e Jona, thaj o Jona trin đive thaj trin raća sasa ano vođi e mačheso.
Currently Selected:
Jona 1: GSP
Highlight
Share
Copy
Want to have your highlights saved across all your devices? Sign up or sign in
