2. Samuilo 5
5
O David postanisada caro pe sa o Izrael thaj pi Juda
(1. Dnev 11,1–3)
1Sa e izraelska plemenura avile ko David ano Hevron thaj phende: “Amen sam ćiro rat. 2Angleder, dži kana o Saul sasa amaro caro, tu sana anglo Izrael kana džala ano maripe. O GOSPOD phenda tuće: ‘Tu ka ave pastiri mingre narodose ano Izrael thaj tu ka ave vladari pe leste.’”
3Kana sa e starešine avile ko caro o David ano Hevron, vov phanglja lencar savez anglo GOSPOD thaj von pomazisade le bašo caro pe sa o Izrael.
4E Davide sesa tranda (30) berš kana postanisada caro. Vladisada saranda (40) berš. 5Ano Hevron, pi Juda, vladisada efta berš thaj šov čhon, a ano Jerusalim vladisada tranda thaj trin (33) berš pe sa o Izrael thaj i Juda.
O David osvojil o Jerusalim
(1. Dnev 11,4–9)
6O caro o David thaj lese manuša pojdisade po Jerusalim, te čalaven pe Jevusejcura save živisade odori.
E Jevusejcura phende e Davidese: “Ni ka de ane kava foro! Čak bi e kore thaj e banđe šajine te sprečin tut!” Dije gođi: “Ni ka šaj o David te avol akate.”
7Al o David ipak osvojisada i tvrđava o Sion, so si akana e Davideso foro.
8Gova đive o David phenda: “Ko manđol te pobedil e Jevusejcuren, nek džal maškare tunelura e pajese, thaj nek avol dži kola kore thaj banđe dušmanura.”
Golese phenol pe: “E kore thaj e banđe ni ka den ani palata.”
9O David prelija i tvrđava thaj dija la alav “e Davideso foro.” Tegani lija te vazdol e duvara trujal leste, taro Mil pa sa dži andre. 10O David lija te avol sa po zuralo, golese so lesa sasa o GOSPOD, o Dol pe vojske.
11O Hiram, o caro taro Tir, bičhalda glasnikuren ko David, a lencar i e thule kašta taro kedar, e stolaren thaj e zidaren, thaj von vazdije i palata e Davidese. 12Gija o David dikhlja kaj o GOSPOD zurada le sar caro e Izraeleso thaj so but vazdija leso carstvo, baše piro narodo o Izrael.
13Kana o David đelo andaro Hevron, lija andaro Jerusalim vadži romnjen thaj romnjen-ropkinjen, pa bijandile lese vadži čhave thaj čheja. 14Kava si e alava e čhavenđe save bijandile lese ano Jerusalim: O Šamua, o Šovav, o Natan, o Solomon, 15o Jivhar, o Elišua, o Nefeg, o Jafija, 16o Elišama, o Eljada thaj o Elifelet.
Maripe e Filistejcurencar
(1. Dnev 14,8–17)
17Kana šunde e Filistejcura kaj si o David pomazime bašo caro pe sa o Izrael, pojdisade sa pe vojskasa te roden le. Al o David dodžanglja gova thaj đelo ane piri tvrđava, 18a e Filistejcura avile thaj rasporedisajle ki dolina Refaim. 19O David pučlja e GOSPODE: “Te čalavav li pe Filistejcura? Ka de li len ane mingre vasta?”
A o GOSPOD phenda: “Čalav pe lende, golese so sigurno ka predav len ane ćire vasta.”
20Gija o David đelo dži o Vaal-Peracim thaj odori pobedisada e Filistejcuren. Golese phenda: “Sar so o paj peravol sa angle peste, gija o GOSPOD angle mande perada me dušmanuren.”
Golese gova than akharde Vaal-Peracim.#5,20 Vaal-Peracim Kava značil: “O Gospod peravol.”
21E Filistejcura odori ačhade pe idoluren, pa o David thaj lese manuša lije len.
22E Filistejcura avile dujto drom thaj rasporedisajle ki dolina Refaim, 23pa o David palem pučlja e GOSPODE.
A o GOSPOD phenda lese: “Ma dža angle lende, nego dža pale lengo dumo thaj čalav pe lende paše balsamese kašta. 24Kana ka šune o phiripe maškare balsamese kašta, sigate dža ano napad, golese so gova ka značil kaj o GOSPOD džal angle tute te čalavol pi filistejsko vojska.”
25O David ćerda sar so o GOSPOD zapovedisada lese, pa gija mudarda e Filistejcuren tari Geva dži o Gazer.
