Rimljanenđe 12
12
Sar o vernici valjani te živinen
1Adalese molinava tumen, phraljalen, palo milosrđe savo mothovđa amenđe o Devel, te anen tumare telija sar dživdi žrtva, sveto hem ugodno e Devlese. Adavai pravo način sar te služini pe e Devlese. 2Ma prilagodinen tumen akale svetose, nego muken e Devlese te menjini tumen ađahar so ka del tumen nevo razmisliba, te šaj džanen soi lesiri volja, soi šukar, ugodno hem savršeno.
3Pali milost savi o Devel dinđa man, vaćerava svakonese tumendar: Ma mislinen tumendar bolje nego so valjani te mislinen, nego mislinen tumendar trezveno, pali mera oti vera savi o Devel odredinđa svakonese tumendar. 4Adalese so, sar so isi amen but udovija ano jekh telo, a sa o udovija nane len isto uloga, 5ađahar hem amen, iako injam but, injam jekh telo ano Hrist, hem sare pripadinaja jekh averese. 6Ađahar, isi amen različita darija pali milost savi priminđam e Devlestar. Kas isi daro te prorokujini, nek koristini le pali mera oti pli vera. 7Kas isi daro te kandel, nek kandel; kas isi daro te sikaj, nek sikaj; 8kas isi daro te utešini, nek utešini; kas isi daro te del, nek ovel darežljivo; kas isi daro te upravini, nek upravini odgovorno; kas isi daro te mothoj milosrđe, nek ćerel adava radosno.
9O mangipe nek ovel čačikano, a na dujemujengoro. Mrzinen o bišukaripe, zorale ićeren tumen ko okova soi šukar. 10Volinen jekh avere sar phraljen, poštujinen jekh avere više nego tumen. 11Ma oven lenja, nego revno hem gorljivo služinen e Gospodese. 12Zbog i nada savi isi tumen, oven radosna, kad injen ano nevolje, oven strpljiva, a ani molitva oven istrajna. 13Delinen okova so isi tumen e Devlesere manušencar kolai ani potreba, hem oven gostoljubiva.
14Blagoslovinen okolen kola progoninena tumen, blagoslovinen, a ma den armanja. 15Radujinen tumen okolencar kola radujinena pe, roven okolencar kola rovena. 16Oven složna maškara tumende; ma oven barikane, nego družinen tumen okolencar kolen avera dikhena da hari vredinena. Ma mislinen da sa džanen!
17Nikase ma irinen bišukaripe zako bišukaripe. Dikhen te ćeren okova soi šukar anglo jaćha sa e manušenđe. 18Te šaj – kobori đi tumende – živinen ano mir sa e manušencar. 19Ma osvetinen tumen korkore, mle manglalen, nego ačhaven than e Devlesere holjaće. Adalese so ano Sveto lil pisini: “I osvetai mli, me ka irinav lenđe” – vaćeri o Gospod. 20Umesto adava:
“Tei to neprijatelji bokhalo, de le te hal,
hem tei žedno, de le te pijel.
Adalese so, te ćerđan ađahar,
ka čhore lese jagalo žaro upro šero – ka lađare le.”
21Ma muk o bišukaripe te pobedini tut, nego tu pobedin o bišukaripe šukaripnaja.
Currently Selected:
Rimljanenđe 12: RAB
Highlight
Share
Copy
Want to have your highlights saved across all your devices? Sign up or sign in
