1. Korinćanenđe 16
16
Čediba o dobrovoljni prilog
1So tičini pe oto čediba o prilog zako e Devlesere manuša, ćeren isto sar so phenđum e khanđirjenđe ani Galatija. 2Svako nedelja nek svako tumendar ačhaj ki strana nešto pare okolestar so zaradinđa. Ađahar naka valjani te čedel pe pare kad ka avav. 3A kad ka avav, ka bičhalav mle preporuke okolencar kolen tumen ka izabirinen te legaren tumaro daro ano Jerusalim. 4Te valjanđa hem me te putujinav, on ka džan mancar.
E Pavlesere završna lafija hem pozdravija
5A kora tumende ka avav kad ka nakhav maškari Makedonija. Adalese so, maškari Makedonija samo ka nakhav, 6a kora tumende šaj hem te ačhovav zako nesavo vreme, ili čak hem te nakhavav o jevend, te šaj spreminen man zako drom kaj god ka džav. 7Adalese so akava puti na mangava samo te dikhav tumen ano nakhiba, adalese so nadinav man da, te o Gospod dinđa, ka ačhovav kora tumende nesavo vreme. 8Ano Efes ka ačhovav đi ko Pentekost, 9adalese so phravdili maje bari prilika zaki bari buti, iako isi man but protivnici.
10Te alo o Timotej, dikhen te ovel bizi dar maškara tumende, adalese so hem ov ćerela e Gospodesiri buti sar hem me. 11Adalese, niko ma te dikhel le po tele. Ano mir spreminen le zako drom te avel kora mande, adalese so adžićerava le te avel e phraljencar.
12So tičini pe oto phral o Apolos, but hrabrinđum le te avel kora tumende e phraljencar, ali ov nisar na inele voljno te avel akana. Ali, ka avel kad ka mothoj pe lese prilika.
13Džangale pazinen, zorale terđoven ani vera, oven hrabra, oven zorale! 14Sa ćeren ano mangipe.
15Džanen da e Stefanesiri porodica prva kola obratinde pe ani Ahaja hem da posvetinde pe zako služiba e Devlesere manušenđe. Adalese molinava tumen, phraljalen, 16hem tumen te pokorinen tumen esavkenđe hem sarijenđe kola olencar sarađujinena hem trudinena pe. 17Radujinav man zako e Stefanesoro, e Fortunatesoro hem e Ahaikesoro aviba, adalese so on nadoknadinde maje adava so tumen na injen akate. 18Adalese so on umirinde mlo duho hem tumaro. Adalese ceninen esavke manušen.
19Pozdravinena tumen o khanđirja tari Tikori Azija. Pozdravinena tumen but ano Gospod o Akila hem i Priska e khanđirjaja savi čedela pe olenđe ano čher. 20Pozdravinena tumen sa o phralja. Pozdravinen jekh avere svetone čumudipnaja.
21Me, o Pavle, pisinava o pozdrav mle vasteja.
22Te neko na volini e Gospode, nek ovel prokleto! Marana ta!#16,22 Marana ta! Adava ko aramejski značini “Ava, Gospode!”
23I milost e Gospodesiri e Isusesiri tumencar.
24Mloi mangipe sarijencar tumencar ano Hrist Isus. Amen.
Currently Selected:
1. Korinćanenđe 16: RAB
Highlight
Copy
Compare
Share
Want to have your highlights saved across all your devices? Sign up or sign in
