Acts 5
5
Ananias ma Sapphira
1Gai e dahi daane dono ingoo go Ananias, madali dono bodu go Sapphira, ne hagao gi daha dahi alahenua. 2Gai gilaau ma dono bodu ne buni bolo e dugu dahi baasi sseene ne maua laa, gai ga kave donu huu hanu e gaavange gi de gau tala.
3Aagai Peter ga hai ange, “Ananias, gu aha gu dugu ange ai naa goe Satan gi usuusu ina adu goe gi hadu muna ange gi de Hagasaalunga Dabu, gai koe ga dugu ai naa dahi luu baasi de hagaoanga o de alahenua naa? 4E dee niiou de alahenua i mua dau hagao gi daha? Gai e dee niiou hogi ssauaa e hai ai de hagaoanga? Gai gu aha gu maanadu ai naa goe i oo lodo de hai de hegau baubau nei? Koe tee hadu muna ange gi dangada, aagai koe ne hadu muna ange donu gi de Maadua.”
5Gai de masavaa huu a Ananias ne langona ai muna laa, aagai ia gu magau ga baguu gi lalo. Aagai dangada alodahi ne langona mee gu hai laa gu maatagu mmao. 6Gai denga dama daane ga loomai ga saabini dono angaanga ga kave ga danu.
7Gai dua huu e dolu aoaa duumaa, gai de bodu o Ananias gu humai hogi, aagai ia tigi iloo mee gu hai laa. 8Gai Peter ne ssili ange gi de ia, “Daalaa mai de muna abodonu, aanei donu huu sseene ne maua i dooluu alahenua?”
De hine laa ne hai ange, “Uaa, aanei donu huu.”
9Gai Peter ga hai ange gi de ia, “Gu aha gooluu gu hagabuni ai naa e hagatale de Hagasaalunga o Tagi Maolunga? Tilo, iainei gai dangada ne danumia doo bodu gu tuu donu i gaogao de haitoga, gai gilaadeu e kave naa hogi goe ga danu.”
10De masavaa laa donu huu gai de hine laa gu magau ga baguu gi lalo i gaogao luu vae o Peter. Gai denga dama daane gu ulu mai ga gidee e gilaadeu de hine laa gu magau. Gai gilaadeu ga kave ia ga danu i gaogao o dono bodu. 11Gai de nohoanga dabu ma dangada alodahi ne langona laa e gilaadeu hegau ne hai laa gu maatagu mmao.
Denga hagailonga ma mee hagalele mouli
12Gai ne lagolago hagailonga ma mee hagalele mouli a de gau tala ne hai i magavaa o dangada. Gai gilaadeu alodahi ne hagabuni i de lodo daudahi ga nnoho i de mommee iai laa de Velanda o Solomon. 13Gai teai ange dangada ne llodo e hagabuni ange gi gilaadeu, aagai dangada gu hagadubu hogi gilaadeu. 14Gai gu kii ange hogi de soa daane ma haahine gu hagadonusia Tagi Maolunga. 15Deelaa ai, dangada gu gaamai de gau mmagi gi gaogao denga haiava ga hagadaakodo ai i honga olaadeu moenga ma honga hagahala, gi hanange ai de ada o Peter gi honga o hanu gilaadeu i de masavaa oona e seesee mai ai laa kilaa. 16Gai dangada soa mai i denga aduhale i luu baasi o Jerusalem ne gaamai denga magi, ma gilaadeu iai denga hagasaalunga baubau; gai gilaadeu alodahi gu odi i de ieiangi.
De vaivai haia o de gau tala
17Gai tangada haimeedabu maolunga ne hidi age aama gilaadeu alodahi madali ia (go de hagabuulinga o denga Sadducee), gilaadeu gu kona mmao de llodo gaiaa, 18gai gilaadeu ga poo de gau tala ga hhao gi lo te hale pono. 19Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange, 20“Goodou hulo gi lo te temple mage daalaa ange ai gi dangada muna o de mouli.”
21Gai ga langona huu e gilaadeu muna laa, gai gilaadeu ga hulo ga ulu gi lo te buibui o de temple i de ao de mee ga agoago ai.
Aagai ga dae mai huu tangada haimeedabu maolunga ma gilaadeu alodahi madali ia, gai gilaadeu ga hagahi de hagabuulinga hagasaele, go de hagabuulinga o dagi o de gau Israel, ga hai hanu gi hulo gi gaamai de gau tala i de hale pono. 22Aagai de masavaa huu o denga daane hebagi ne hulo ai gi de hale pono, gai gilaadeu tee gidee de gau tala. Gai gilaadeu ga aahe mai 23ga hai ange, “Gimaadeu ne hulo ga gidee bolo de hale pono e pono ma e makaga, gai de gau hagaloosi e tuu i gaogao denga haitoga. Aagai de masavaa amaadeu ne hhuge ai de haitoga, gai gu deai donu dangada i lodo!” 24Gai ga langona huu e tagi o de gau hagaloosi o de temple ma de gau haimeedabu maolunga alaadeu muna, gai gilaadeu gu dee tonu ange gi tagodo laa, gai gilaadeu ne hagasaele be dee hee tagodo laa.
25Aagai dahi dangada gu humai ga tala ange gi gilaadeu, ga hai ange, “Denga daane oodou ne hhao laa gi lo te hale pono e tuu i lo te buibui o de temple ma e agoago ange ai dangada.” 26Gai tagi laa ma hanu ono daane ne hulo ga gaamai de gau laa. Gai gilaadeu tee hai gi de mahi gilaadeu, go hiidinga gilaadeu e maatagu dangada kana maga gilaadeu i hadu.
27Gai ga tae mai huu de gau tala, ga tuu i mada i mua o de hagabuulinga hagasaele, gai tangada haimeedabu maolunga ga ssili ange gi gilaadeu, ga hai ange, 28“Tee hai adu e gimaadeu goodou gi dee aahe ange gi agoago i de ingoo naa? Gai tilo, goodou gu hagadohu Jerusalem alodahi i oodou agoago, gai goodou ga hagabuu mai ai ssala gi gimaadeu, i hiidinga de magau o taane naa.” #Mat 27.25
29Aagai Peter ma de gau tala ange laa ga pasa ange, ga hai ange, “E heohi donu demaadeu hagallongo ange gi de Maadua, e dee go dangada. 30De Maadua o odaadeu dubuna madagidagi gu hagamouli age Iesu, de ia oodou ne daa laa ga daudau i de laagau lui. 31Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala. 32Gai gimaadeu ni dangada e daalaa hagadonu dagodo o mee nei. Gai e bei ai hogi de Hagasaalunga Dabu, go ia a de Maadua gu gaavange gi dangada alodahi e daudali i ono lodo.”
33De masavaa a de hagabuulinga hagasaele ne langona ai muna laa, gai gilaadeu gu llili donu ma de llodo e daa gilaadeu gi maakau. 34Aagai e dahi Pharisee i magavaa o de hagabuulinga hagasaele laa, dono ingoo go Gamaliel, ia se dangada e agoagona de hainga ma de hagadubu i daho dangada alodahi, ia ne duu age ga hai gi hulo de gau tala gi duaahaho i dahi damaa masavaa, 35gai ia ga hai ange gi de hagabuulinga hagasaele, “Denga daane o Israel, goodou dagidiiloo oodou mee gu dai hai ange naa gi denga daane naa. 36Hanu masavaa gu hulo gai Theudas ne humai ga hagadaba bolo ia se daane dau, gai daha de haalau daane ne daudali ange i de ia. Aagai ia ne daia ga magau, dangada ne daudali ange i de ia gu mavaevae saele, gai de hegau laa tee maua gi sula. 37Gai muli mai gai Judas taane Galilee ne humai hogi i laangi ne dau ai dangada, ga hai hanu gi daudali ange i de ia. Ia ne magau hogi, gai dangada ne daudali ange laa i de ia gu mavaevae saele. 38Gai iainei, au e hai adu gi goodou, goodou gi dee poo ange gi denga daane naa, gai dugua gilaadeu gi hulo. Go hiidinga noo de mee nei be go de hegau nei ne daamada mai i daho dangada, gai e dee maua naa donu gi sula. 39Aagai noo se mee mai i daho de Maadua, gai goodou e dee maua donu i de hai gi dee sula. Gai goodou e gidee naa bolo goodou e hai baasi ange donu gi de Maadua!”
Gai de hagabuulinga hagasaele ne daudali i muna a Gamaliel. 40Gai gilaadeu ne hagahi de gau tala gi ulu mai, gai gilaadeu ga hagailiili gilaadeu, ga hai ange gilaadeu gi dee aahe ange gi agoago i de ingoo o Iesu, ma de dugu gilaadeu gi hulo.
41Gai de gau tala ga hulo gee mai i daho de hagabuulinga hagasaele, gu malangilangi i delaadeu hagaduasala ina i hiidinga o de ingoo o Iesu. 42Gai gilaadeu tee helui donu delaadeu agoago ma de tala i de temple aama hale o dangada bolo Iesu go de Klisdo donu.
Currently Selected:
Acts 5: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 5
5
Ananias ma Sapphira
1Gai e dahi daane dono ingoo go Ananias, madali dono bodu go Sapphira, ne hagao gi daha dahi alahenua. 2Gai gilaau ma dono bodu ne buni bolo e dugu dahi baasi sseene ne maua laa, gai ga kave donu huu hanu e gaavange gi de gau tala.
3Aagai Peter ga hai ange, “Ananias, gu aha gu dugu ange ai naa goe Satan gi usuusu ina adu goe gi hadu muna ange gi de Hagasaalunga Dabu, gai koe ga dugu ai naa dahi luu baasi de hagaoanga o de alahenua naa? 4E dee niiou de alahenua i mua dau hagao gi daha? Gai e dee niiou hogi ssauaa e hai ai de hagaoanga? Gai gu aha gu maanadu ai naa goe i oo lodo de hai de hegau baubau nei? Koe tee hadu muna ange gi dangada, aagai koe ne hadu muna ange donu gi de Maadua.”
5Gai de masavaa huu a Ananias ne langona ai muna laa, aagai ia gu magau ga baguu gi lalo. Aagai dangada alodahi ne langona mee gu hai laa gu maatagu mmao. 6Gai denga dama daane ga loomai ga saabini dono angaanga ga kave ga danu.
7Gai dua huu e dolu aoaa duumaa, gai de bodu o Ananias gu humai hogi, aagai ia tigi iloo mee gu hai laa. 8Gai Peter ne ssili ange gi de ia, “Daalaa mai de muna abodonu, aanei donu huu sseene ne maua i dooluu alahenua?”
De hine laa ne hai ange, “Uaa, aanei donu huu.”
9Gai Peter ga hai ange gi de ia, “Gu aha gooluu gu hagabuni ai naa e hagatale de Hagasaalunga o Tagi Maolunga? Tilo, iainei gai dangada ne danumia doo bodu gu tuu donu i gaogao de haitoga, gai gilaadeu e kave naa hogi goe ga danu.”
10De masavaa laa donu huu gai de hine laa gu magau ga baguu gi lalo i gaogao luu vae o Peter. Gai denga dama daane gu ulu mai ga gidee e gilaadeu de hine laa gu magau. Gai gilaadeu ga kave ia ga danu i gaogao o dono bodu. 11Gai de nohoanga dabu ma dangada alodahi ne langona laa e gilaadeu hegau ne hai laa gu maatagu mmao.
Denga hagailonga ma mee hagalele mouli
12Gai ne lagolago hagailonga ma mee hagalele mouli a de gau tala ne hai i magavaa o dangada. Gai gilaadeu alodahi ne hagabuni i de lodo daudahi ga nnoho i de mommee iai laa de Velanda o Solomon. 13Gai teai ange dangada ne llodo e hagabuni ange gi gilaadeu, aagai dangada gu hagadubu hogi gilaadeu. 14Gai gu kii ange hogi de soa daane ma haahine gu hagadonusia Tagi Maolunga. 15Deelaa ai, dangada gu gaamai de gau mmagi gi gaogao denga haiava ga hagadaakodo ai i honga olaadeu moenga ma honga hagahala, gi hanange ai de ada o Peter gi honga o hanu gilaadeu i de masavaa oona e seesee mai ai laa kilaa. 16Gai dangada soa mai i denga aduhale i luu baasi o Jerusalem ne gaamai denga magi, ma gilaadeu iai denga hagasaalunga baubau; gai gilaadeu alodahi gu odi i de ieiangi.
De vaivai haia o de gau tala
17Gai tangada haimeedabu maolunga ne hidi age aama gilaadeu alodahi madali ia (go de hagabuulinga o denga Sadducee), gilaadeu gu kona mmao de llodo gaiaa, 18gai gilaadeu ga poo de gau tala ga hhao gi lo te hale pono. 19Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange, 20“Goodou hulo gi lo te temple mage daalaa ange ai gi dangada muna o de mouli.”
21Gai ga langona huu e gilaadeu muna laa, gai gilaadeu ga hulo ga ulu gi lo te buibui o de temple i de ao de mee ga agoago ai.
Aagai ga dae mai huu tangada haimeedabu maolunga ma gilaadeu alodahi madali ia, gai gilaadeu ga hagahi de hagabuulinga hagasaele, go de hagabuulinga o dagi o de gau Israel, ga hai hanu gi hulo gi gaamai de gau tala i de hale pono. 22Aagai de masavaa huu o denga daane hebagi ne hulo ai gi de hale pono, gai gilaadeu tee gidee de gau tala. Gai gilaadeu ga aahe mai 23ga hai ange, “Gimaadeu ne hulo ga gidee bolo de hale pono e pono ma e makaga, gai de gau hagaloosi e tuu i gaogao denga haitoga. Aagai de masavaa amaadeu ne hhuge ai de haitoga, gai gu deai donu dangada i lodo!” 24Gai ga langona huu e tagi o de gau hagaloosi o de temple ma de gau haimeedabu maolunga alaadeu muna, gai gilaadeu gu dee tonu ange gi tagodo laa, gai gilaadeu ne hagasaele be dee hee tagodo laa.
25Aagai dahi dangada gu humai ga tala ange gi gilaadeu, ga hai ange, “Denga daane oodou ne hhao laa gi lo te hale pono e tuu i lo te buibui o de temple ma e agoago ange ai dangada.” 26Gai tagi laa ma hanu ono daane ne hulo ga gaamai de gau laa. Gai gilaadeu tee hai gi de mahi gilaadeu, go hiidinga gilaadeu e maatagu dangada kana maga gilaadeu i hadu.
27Gai ga tae mai huu de gau tala, ga tuu i mada i mua o de hagabuulinga hagasaele, gai tangada haimeedabu maolunga ga ssili ange gi gilaadeu, ga hai ange, 28“Tee hai adu e gimaadeu goodou gi dee aahe ange gi agoago i de ingoo naa? Gai tilo, goodou gu hagadohu Jerusalem alodahi i oodou agoago, gai goodou ga hagabuu mai ai ssala gi gimaadeu, i hiidinga de magau o taane naa.” #Mat 27.25
29Aagai Peter ma de gau tala ange laa ga pasa ange, ga hai ange, “E heohi donu demaadeu hagallongo ange gi de Maadua, e dee go dangada. 30De Maadua o odaadeu dubuna madagidagi gu hagamouli age Iesu, de ia oodou ne daa laa ga daudau i de laagau lui. 31Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala. 32Gai gimaadeu ni dangada e daalaa hagadonu dagodo o mee nei. Gai e bei ai hogi de Hagasaalunga Dabu, go ia a de Maadua gu gaavange gi dangada alodahi e daudali i ono lodo.”
33De masavaa a de hagabuulinga hagasaele ne langona ai muna laa, gai gilaadeu gu llili donu ma de llodo e daa gilaadeu gi maakau. 34Aagai e dahi Pharisee i magavaa o de hagabuulinga hagasaele laa, dono ingoo go Gamaliel, ia se dangada e agoagona de hainga ma de hagadubu i daho dangada alodahi, ia ne duu age ga hai gi hulo de gau tala gi duaahaho i dahi damaa masavaa, 35gai ia ga hai ange gi de hagabuulinga hagasaele, “Denga daane o Israel, goodou dagidiiloo oodou mee gu dai hai ange naa gi denga daane naa. 36Hanu masavaa gu hulo gai Theudas ne humai ga hagadaba bolo ia se daane dau, gai daha de haalau daane ne daudali ange i de ia. Aagai ia ne daia ga magau, dangada ne daudali ange i de ia gu mavaevae saele, gai de hegau laa tee maua gi sula. 37Gai muli mai gai Judas taane Galilee ne humai hogi i laangi ne dau ai dangada, ga hai hanu gi daudali ange i de ia. Ia ne magau hogi, gai dangada ne daudali ange laa i de ia gu mavaevae saele. 38Gai iainei, au e hai adu gi goodou, goodou gi dee poo ange gi denga daane naa, gai dugua gilaadeu gi hulo. Go hiidinga noo de mee nei be go de hegau nei ne daamada mai i daho dangada, gai e dee maua naa donu gi sula. 39Aagai noo se mee mai i daho de Maadua, gai goodou e dee maua donu i de hai gi dee sula. Gai goodou e gidee naa bolo goodou e hai baasi ange donu gi de Maadua!”
Gai de hagabuulinga hagasaele ne daudali i muna a Gamaliel. 40Gai gilaadeu ne hagahi de gau tala gi ulu mai, gai gilaadeu ga hagailiili gilaadeu, ga hai ange gilaadeu gi dee aahe ange gi agoago i de ingoo o Iesu, ma de dugu gilaadeu gi hulo.
41Gai de gau tala ga hulo gee mai i daho de hagabuulinga hagasaele, gu malangilangi i delaadeu hagaduasala ina i hiidinga o de ingoo o Iesu. 42Gai gilaadeu tee helui donu delaadeu agoago ma de tala i de temple aama hale o dangada bolo Iesu go de Klisdo donu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.