Acts 6
6
De hili o gau bale e dogohidu
1Gai de masavaa huu ne kii ange ai de soa dangada gu hagadonusia, gai denga daina e pasa Greek laa ne nnanu i denga daina e pasa Hebrew laa, i hiidinga gilaadeu e dee tilo danuaa ange alaadeu haahine gu maakau olaadeu bodu i de masavaa e duha ai gai i laangi alodahi. 2Gai tinoangahulu ma dogolua ga hagahi dangada alodahi gu hagadonusia, ga hai ange, “E dee heohi demaadeu dugu muna a de Maadua, gai gimaadeu ga duha denga gai. 3Deenei ai, denga daina, goodou hilihilia e dogohidu daane i oodou magavaa e hai hegau i de muna abodonu, gai e hoohonu i de Hagasaalunga ⌊Dabu⌋ ma de heiangi, gai gidaadeu ga dugu ange gilaadeu gi haia de hegau nei. 4Gai gimaadeu ga hagaduu ngae e dalodalo ma de agoago muna a de Maadua.”
5Aagai dangada alodahi gu malangilangi i muna nei. Gai gilaadeu ga hili Stephen, ia se daane e honu i de gai ma de Hagasaalunga Dabu, madali a Philip, ma Procorus, ma Nicanor, ma Timon, ma Parmenas, ma Nicolaus taane Antioch gu daumaha laa bei de gau Ssuu. 6Gai gilaadeu ne gaamai denga daane laa gi daho de gau tala, gai gilaadeu ga dalodalo ma de dugu ange olaadeu lima gi olaadeu elunga.
7Gai muna a de Maadua gu hagadagadaga age, gai gu kii ange de soa dangada gu hagadonusia i Jerusalem, gai gu soa hogi dangada haimeedabu gu gaavee de gai.
De boogia o Stephen
8Gai Stephen gu honu i de abodonu ma ssauaa o de Maadua, gai ia ga hai denga mee hagalele mouli ma hagailonga i magavaa o dangada. 9Gai hanu dangada o synagogue e hagaingoo ange laa go synagogue o de gau ilaage, ma de gau Cyrene, ma de gau Alexandria, ma dangada mai i Cilicia aama Asia, ne hagadaumee ange gi Stephen. 10Aagai gilaadeu tee maua i de hai baasi ange gi de heiangi aama de Hagasaalunga oona e basa ai laa.
11Gai gilaadeu ga hagabasa hanu dangada hadu muna gi hagataba, “Gimaadeu gu langona ia e tala mee e hai baasi ange gi Moses aama de Maadua.”
12Gai gilaadeu ga hagabasa dangada, ma denga dagi aama de gau sisi, gai gilaadeu ga poo Stephen ga kave gi mada i mua o de hagabuulinga hagasaele. 13Gai gilaadeu ga hai hanu dangada tala hagadonu hadu muna gi hagabaubau ina ia gi hagataba, “Taane nei e dee modu donu de basa ma e hai baasi ange gi de temple dabu nei aama hainga a Moses; 14gimaadeu gu langona ia e hagadaba bolo Iesu taane Nazareth e oha naa de mommee nei, ma de sui denga dahulinga a Moses gu gaamai gi gidaadeu.”
15Gai de masavaa huu a dangada alodahi i de hagabuulinga hagasaele laa ne haaina ai ia, aagai gilaadeu gu gidee bolo luoono mada gu bei luu mada o tangada de langi.
Currently Selected:
Acts 6: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 6
6
De hili o gau bale e dogohidu
1Gai de masavaa huu ne kii ange ai de soa dangada gu hagadonusia, gai denga daina e pasa Greek laa ne nnanu i denga daina e pasa Hebrew laa, i hiidinga gilaadeu e dee tilo danuaa ange alaadeu haahine gu maakau olaadeu bodu i de masavaa e duha ai gai i laangi alodahi. 2Gai tinoangahulu ma dogolua ga hagahi dangada alodahi gu hagadonusia, ga hai ange, “E dee heohi demaadeu dugu muna a de Maadua, gai gimaadeu ga duha denga gai. 3Deenei ai, denga daina, goodou hilihilia e dogohidu daane i oodou magavaa e hai hegau i de muna abodonu, gai e hoohonu i de Hagasaalunga ⌊Dabu⌋ ma de heiangi, gai gidaadeu ga dugu ange gilaadeu gi haia de hegau nei. 4Gai gimaadeu ga hagaduu ngae e dalodalo ma de agoago muna a de Maadua.”
5Aagai dangada alodahi gu malangilangi i muna nei. Gai gilaadeu ga hili Stephen, ia se daane e honu i de gai ma de Hagasaalunga Dabu, madali a Philip, ma Procorus, ma Nicanor, ma Timon, ma Parmenas, ma Nicolaus taane Antioch gu daumaha laa bei de gau Ssuu. 6Gai gilaadeu ne gaamai denga daane laa gi daho de gau tala, gai gilaadeu ga dalodalo ma de dugu ange olaadeu lima gi olaadeu elunga.
7Gai muna a de Maadua gu hagadagadaga age, gai gu kii ange de soa dangada gu hagadonusia i Jerusalem, gai gu soa hogi dangada haimeedabu gu gaavee de gai.
De boogia o Stephen
8Gai Stephen gu honu i de abodonu ma ssauaa o de Maadua, gai ia ga hai denga mee hagalele mouli ma hagailonga i magavaa o dangada. 9Gai hanu dangada o synagogue e hagaingoo ange laa go synagogue o de gau ilaage, ma de gau Cyrene, ma de gau Alexandria, ma dangada mai i Cilicia aama Asia, ne hagadaumee ange gi Stephen. 10Aagai gilaadeu tee maua i de hai baasi ange gi de heiangi aama de Hagasaalunga oona e basa ai laa.
11Gai gilaadeu ga hagabasa hanu dangada hadu muna gi hagataba, “Gimaadeu gu langona ia e tala mee e hai baasi ange gi Moses aama de Maadua.”
12Gai gilaadeu ga hagabasa dangada, ma denga dagi aama de gau sisi, gai gilaadeu ga poo Stephen ga kave gi mada i mua o de hagabuulinga hagasaele. 13Gai gilaadeu ga hai hanu dangada tala hagadonu hadu muna gi hagabaubau ina ia gi hagataba, “Taane nei e dee modu donu de basa ma e hai baasi ange gi de temple dabu nei aama hainga a Moses; 14gimaadeu gu langona ia e hagadaba bolo Iesu taane Nazareth e oha naa de mommee nei, ma de sui denga dahulinga a Moses gu gaamai gi gidaadeu.”
15Gai de masavaa huu a dangada alodahi i de hagabuulinga hagasaele laa ne haaina ai ia, aagai gilaadeu gu gidee bolo luoono mada gu bei luu mada o tangada de langi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.