Acts 27
27
De malanga o Paul ga hano gi Rome
1Gai de masavaa huu ne modu ai bolo gimaadeu ga maalanga e hulo gi Italy, gai gilaadeu ga dugu ange a Paul ma hanu dangada gu noonoodia laa gi Julius, ia se dagi niio de lau, mai i de hagabuulinga hebagi o Caesar. 2Gai gimaadeu ga kage i dahi vaga o Adramyttium, gu dai malanga laa e hano gi denga daulangaa o denga vaga i de ungaamee go Asia, gai gimaadeu ne dele ga hulo. Gai Aristarchus, dahi daane Macedonia mai i Thessalonica, ne hano madali gimaadeu.
3De laangi i ono dua gai gimaadeu ne tau i Sidon; gai Julius ne abodonu ange gi a Paul, ga dugu ange ia gi hano gi daho ono soa, gai gilaadeu ga bale ange ai ia. 4Gai gimaadeu ne malanga hogi ga hulo gee mai i kilaa, gai gimaadeu ne dele laa gaogao Cyprus i de mommee luungagi, go hiidinga de madangi gu humai i madaa moni. 5Gai gimaadeu ne dele ga hulo laa gaogao o Cilicia ma Pamphylia ga hulo gu tae gi Myra i Lycia. 6Gai tagi o de lau ne gidee dahi vaga o Alexandria i kilaa gu baba ange e hano gi Italy, gai ia ga hai gimaadeu gi kage ange gi de vaga laa. 7Gai gimaadeu ne damaa dele donu huu i hanu laangi, gai ne hai ngadaa donu demaadeu tau i Cnidus. Gai ga dee maua huu e gimaadeu i de hagassoe e hulo, i hiidinga o de madangi, gai gimaadeu ne dele laa lalo i de mommee luungagi i gaogao o Crete, i de baasi gee o Salmone. 8Gai ne kona de hai ngadaa de hagabaa age o de vaga gi de agau e dele ai, gai gimaadeu ne hulo ga tae gi de mommee e hagaingoo ange laa go denga Daulanga Danuaa, se mommee e baa ange gi de aduhale go Lasea.
9Gai ne lagolago laangi ne too, gai gu hagamanavasaa donu i de dele, go hiidinga gu ui de masavaa o de hagahiikai#27.9 de masavaa o de hagahiikai: de hagahiikai e basa ai nei i kinei go de masavaa o taonga a de gau Ssuu e hagabinga ange laa go de Laangi o de Tala Haisala e hai laa i de malama go Mailaba (September) aabe go Seedaa (October).. Gai a Paul ne basa ange gi gilaadeu, 10ga hai ange, “Denga daane, au e iloo bolo taadeu hanonga nei e hai ngadaa naa donu; gai e dee go de vaga donu huu ma ono goloa, gai odaadeu mouli e hai ngadaa donu hogi.” 11Aagai tagi o de lau ne daudali i muna a de giabini o de vaga ma tangada niiona de vaga, ia tee daudali i muna a Paul gu tala ange. 12Gai go hiidinga taulanga laa e dee danuaa ange gi de masavaa hagamagalili, deelaa ai, de baasi soa o dangada ne hagataba bolo gilaadeu ga hagatale de hulo gi tae gi Phoenix, se mommee iai dahi daulanga i Crete, e huli gi dai ngaage ma dai ngaiho.
De madangi mmahi i de moana
13Gai de masavaa huu ne dahuli ai de madangi ga humai i ngaage, gai denga daane ne maanadu bolo gu maua i de hai gi bei delaadeu hagatau, gai gilaadeu ga hhudi age de ataula, ga dele laa gaogao de agau o Crete ga hulo ai. 14Aagai tee mmule donu, gai gu salulu mai de madangi mmahi gi honga de modu laa; go de madangi e hagaingoo ange laa go de Madangi i Dua Ngaiho. 15Gai de vaga gu dee maua i de dele e hagasoe ange gi lo te madangi. Gai gimaadeu ga dugu donu huu de vaga gi ilihia saele i de madangi. 16Gai gimaadeu ne dahedahea ga tae gi dahi mommee luungagi, i gaogao de modu e hagaingoo ange laa go Cauda. Gai ne momo ange huu gimaadeu tee maua i de hai gi makaga de boose o de vaga. 17Gai dua huu delaadeu dada age de boose ga nnoa, gai denga daane ga hai denga daula ga nnoa ai de vaga e daohi ai. Go hiidinga gilaadeu ne manavasaa kana hagailia age de vaga ga gasa age gi Syrtis,#27.17 Syrtis i muna Greek se mommee iai gelegele balabala, gai aabulu ai mee alodahi e too ange aagena. gai gilaadeu ga dugu iho denga saiolo ga dugu ange de madangi gi ilihia saele de vaga. 18Gai ga kona donu de ssau de madangi, gai gilaadeu ga daamada de maga denga goloa o de vaga gi honga tai i de laangi i ono dua. 19Gai dua huu e dolu laangi gai gilaadeu ga tili hogi hanu goloa hai hegau o de vaga. 20Gai ga daulooloa huu demaadeu dee gidee de laa ma denga heduu, gai gu kona hogi de mmahi de madangi, gai gu deai donu semaadeu tali bolo gimaadeu e ola.
21Gai ga daulooloa huu tee gaimee o dangada, gai a Paul ga duu age i olaadeu mada i mua, ga hai ange, “Denga daane, noo goodou ne daudali i agu muna, ga tee malanga mai i Crete, gai de vaga tee maoha donu aabe ne tili ono goloa. 22Gai au e dangidangi adu goodou gi lo taane; go hiidinga e deai naa donu se goodou e magau, aagai go de vaga donu huu e maoha. 23Anaboo gai tangada de langi o de Maadua, go dogu Maadua, go de ia oogu e daumaha ange nei aagena, ne humai ga duu i ogu gaogao, 24ga hai mai, ‘Paul, aude madagu, koe e duu naa donu i mada i mua o Caesar. Gai tilo, de Maadua e hagaola hogi mouli o dangada alodahi i honga de vaga madali goe.’ 25Deenei ai, denga daane, goodou gi lodo mmahi, go hiidinga au e hagadonusia donu muna a de Maadua; ia e hai naa donu gi bei ana muna gu tala mai gi de au. 26Gai gidaadeu ga hai gi gasa age de vaga gi dahi modu.”
27Gai de madaangahulu ma haa huu laangi, gai gimaadeu goi dahedahea huu i honga tai go Adria. Aagai lo te boo huu gai de gau hai moni ga maanadu bolo gimaadeu gu baa ange gi de henua. 28Gai gilaadeu ga haide de gelo, gai gu se madavalu sugilima, gai gimaadeu ne damaa dele adu ange, gai gilaadeu ga haide ange hogi, gai gu se madaono sugilima de gelo. 29Gai gilaadeu ne maatagu kana baabaagia age de vaga gi honga hadu. Gai gilaadeu ga tili e haa ataula i muli moni, ma de dalodalo gi moolau de ao de mee. 30Gai denga daane hai moni ne hagatale de hulo gee mai i de vaga; gilaadeu ne hagasege iho dahi boose gi honga tai, e dagodo be gilaadeu ga tili dahi ataula i madaa moni. 31Gai a Paul ne hai ange gi tagi o de lau ma denga daane hebagi, “Noo denga daane nei e dee nnoho i honga de vaga, gai goodou e dee maua donu gi ola.” 32Gai denga daane hebagi ga duuduu daula e nnoa ai laa de boose laa, ga tili gi dahea.
33Gai ga daiao huu de mee, gai a Paul ga dangidangi ange gilaadeu alodahi gi gaimee, ia ne hai ange, “Gu madaangahulu ma haa laangi tee paba ai oodou lodo ma tee gaimee; goodou tee gai dahi mee daudahi. 34Gai au e dangidangi adu goodou gi gaimee gi mmahi ai goodou, go hiidinga e deai donu se ngaangaaulu daudahi e doo i de biho o dahi dangada.” 35Gai de masavaa aana e tala ange ai muna nei gi gilaadeu, gai ia ga poo mai hanu pelaoaa ga dalodalo ga hagaahe ange de abodonu gi de Maadua i madamada o denga daane laa alodahi, gai ia ga tohi hanu ga daamada de gai. 36Aagai dangada alodahi gu lodo mmahi hogi, gai gilaadeu gu gaimee. 37Gai se 276 dangada alodahi i honga de vaga laa. 38Gai ga boobosu huu gilaadeu, gai gilaadeu ga tili denga grain gi honga tai e hagamaamaane ai de vaga.
De maoha o de vaga
39De masavaa ne ao ai de mee, gai gilaadeu tee madea de henua laa, aagai gilaadeu ne gidee bolo e dahi palo i kilaa ma dahi olo. Gai gilaadeu ne hagasaele de hai alaadeu e maua ai i de hai gi gasa age de vaga gi kilaa. 40Gai gilaadeu ne duuduu denga ataula ga tili gi lausedi, gai ga hagatanga daula e noonooa ai laa denga hoe pale. Gai gilaadeu ga hagatuu age denga saiolo i madaa moni ga dele age ai gi de henua. 41Gai de vaga laa gu gasa age gi honga dahi olo, se mommee e hedae ai luu mee mmilo. Gai madaa moni ne gasa age ga makaga, gai muli moni gu maoha i de hagailiilihia i denga beau nnui.
42Gai denga daane hebagi ne nnoho e daa gi maakau denga daane gu noonoodia laa, i hiidinga gilaadeu e manavasaa kana kau age gilaadeu ga hulo, gai gilaadeu gu ola. 43Aagai tagi o de lau ne lodo e hagaola a Paul, deelaa ai, ia ne buibui gilaadeu gi dee haia de hegau laa. Gai ia ne hai ange gi dangada alodahi e maua laa i de kau, gilaadeu gi llele gi kau age gi de henua, 44gai dangada e doe gi kau age i denga baabaa o de vaga, aabe go honga hanu mee maoha mai i de vaga. Deelaa ai, dangada alodahi ne ola ga kau age gi de henua.
Currently Selected:
Acts 27: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 27
27
De malanga o Paul ga hano gi Rome
1Gai de masavaa huu ne modu ai bolo gimaadeu ga maalanga e hulo gi Italy, gai gilaadeu ga dugu ange a Paul ma hanu dangada gu noonoodia laa gi Julius, ia se dagi niio de lau, mai i de hagabuulinga hebagi o Caesar. 2Gai gimaadeu ga kage i dahi vaga o Adramyttium, gu dai malanga laa e hano gi denga daulangaa o denga vaga i de ungaamee go Asia, gai gimaadeu ne dele ga hulo. Gai Aristarchus, dahi daane Macedonia mai i Thessalonica, ne hano madali gimaadeu.
3De laangi i ono dua gai gimaadeu ne tau i Sidon; gai Julius ne abodonu ange gi a Paul, ga dugu ange ia gi hano gi daho ono soa, gai gilaadeu ga bale ange ai ia. 4Gai gimaadeu ne malanga hogi ga hulo gee mai i kilaa, gai gimaadeu ne dele laa gaogao Cyprus i de mommee luungagi, go hiidinga de madangi gu humai i madaa moni. 5Gai gimaadeu ne dele ga hulo laa gaogao o Cilicia ma Pamphylia ga hulo gu tae gi Myra i Lycia. 6Gai tagi o de lau ne gidee dahi vaga o Alexandria i kilaa gu baba ange e hano gi Italy, gai ia ga hai gimaadeu gi kage ange gi de vaga laa. 7Gai gimaadeu ne damaa dele donu huu i hanu laangi, gai ne hai ngadaa donu demaadeu tau i Cnidus. Gai ga dee maua huu e gimaadeu i de hagassoe e hulo, i hiidinga o de madangi, gai gimaadeu ne dele laa lalo i de mommee luungagi i gaogao o Crete, i de baasi gee o Salmone. 8Gai ne kona de hai ngadaa de hagabaa age o de vaga gi de agau e dele ai, gai gimaadeu ne hulo ga tae gi de mommee e hagaingoo ange laa go denga Daulanga Danuaa, se mommee e baa ange gi de aduhale go Lasea.
9Gai ne lagolago laangi ne too, gai gu hagamanavasaa donu i de dele, go hiidinga gu ui de masavaa o de hagahiikai#27.9 de masavaa o de hagahiikai: de hagahiikai e basa ai nei i kinei go de masavaa o taonga a de gau Ssuu e hagabinga ange laa go de Laangi o de Tala Haisala e hai laa i de malama go Mailaba (September) aabe go Seedaa (October).. Gai a Paul ne basa ange gi gilaadeu, 10ga hai ange, “Denga daane, au e iloo bolo taadeu hanonga nei e hai ngadaa naa donu; gai e dee go de vaga donu huu ma ono goloa, gai odaadeu mouli e hai ngadaa donu hogi.” 11Aagai tagi o de lau ne daudali i muna a de giabini o de vaga ma tangada niiona de vaga, ia tee daudali i muna a Paul gu tala ange. 12Gai go hiidinga taulanga laa e dee danuaa ange gi de masavaa hagamagalili, deelaa ai, de baasi soa o dangada ne hagataba bolo gilaadeu ga hagatale de hulo gi tae gi Phoenix, se mommee iai dahi daulanga i Crete, e huli gi dai ngaage ma dai ngaiho.
De madangi mmahi i de moana
13Gai de masavaa huu ne dahuli ai de madangi ga humai i ngaage, gai denga daane ne maanadu bolo gu maua i de hai gi bei delaadeu hagatau, gai gilaadeu ga hhudi age de ataula, ga dele laa gaogao de agau o Crete ga hulo ai. 14Aagai tee mmule donu, gai gu salulu mai de madangi mmahi gi honga de modu laa; go de madangi e hagaingoo ange laa go de Madangi i Dua Ngaiho. 15Gai de vaga gu dee maua i de dele e hagasoe ange gi lo te madangi. Gai gimaadeu ga dugu donu huu de vaga gi ilihia saele i de madangi. 16Gai gimaadeu ne dahedahea ga tae gi dahi mommee luungagi, i gaogao de modu e hagaingoo ange laa go Cauda. Gai ne momo ange huu gimaadeu tee maua i de hai gi makaga de boose o de vaga. 17Gai dua huu delaadeu dada age de boose ga nnoa, gai denga daane ga hai denga daula ga nnoa ai de vaga e daohi ai. Go hiidinga gilaadeu ne manavasaa kana hagailia age de vaga ga gasa age gi Syrtis,#27.17 Syrtis i muna Greek se mommee iai gelegele balabala, gai aabulu ai mee alodahi e too ange aagena. gai gilaadeu ga dugu iho denga saiolo ga dugu ange de madangi gi ilihia saele de vaga. 18Gai ga kona donu de ssau de madangi, gai gilaadeu ga daamada de maga denga goloa o de vaga gi honga tai i de laangi i ono dua. 19Gai dua huu e dolu laangi gai gilaadeu ga tili hogi hanu goloa hai hegau o de vaga. 20Gai ga daulooloa huu demaadeu dee gidee de laa ma denga heduu, gai gu kona hogi de mmahi de madangi, gai gu deai donu semaadeu tali bolo gimaadeu e ola.
21Gai ga daulooloa huu tee gaimee o dangada, gai a Paul ga duu age i olaadeu mada i mua, ga hai ange, “Denga daane, noo goodou ne daudali i agu muna, ga tee malanga mai i Crete, gai de vaga tee maoha donu aabe ne tili ono goloa. 22Gai au e dangidangi adu goodou gi lo taane; go hiidinga e deai naa donu se goodou e magau, aagai go de vaga donu huu e maoha. 23Anaboo gai tangada de langi o de Maadua, go dogu Maadua, go de ia oogu e daumaha ange nei aagena, ne humai ga duu i ogu gaogao, 24ga hai mai, ‘Paul, aude madagu, koe e duu naa donu i mada i mua o Caesar. Gai tilo, de Maadua e hagaola hogi mouli o dangada alodahi i honga de vaga madali goe.’ 25Deenei ai, denga daane, goodou gi lodo mmahi, go hiidinga au e hagadonusia donu muna a de Maadua; ia e hai naa donu gi bei ana muna gu tala mai gi de au. 26Gai gidaadeu ga hai gi gasa age de vaga gi dahi modu.”
27Gai de madaangahulu ma haa huu laangi, gai gimaadeu goi dahedahea huu i honga tai go Adria. Aagai lo te boo huu gai de gau hai moni ga maanadu bolo gimaadeu gu baa ange gi de henua. 28Gai gilaadeu ga haide de gelo, gai gu se madavalu sugilima, gai gimaadeu ne damaa dele adu ange, gai gilaadeu ga haide ange hogi, gai gu se madaono sugilima de gelo. 29Gai gilaadeu ne maatagu kana baabaagia age de vaga gi honga hadu. Gai gilaadeu ga tili e haa ataula i muli moni, ma de dalodalo gi moolau de ao de mee. 30Gai denga daane hai moni ne hagatale de hulo gee mai i de vaga; gilaadeu ne hagasege iho dahi boose gi honga tai, e dagodo be gilaadeu ga tili dahi ataula i madaa moni. 31Gai a Paul ne hai ange gi tagi o de lau ma denga daane hebagi, “Noo denga daane nei e dee nnoho i honga de vaga, gai goodou e dee maua donu gi ola.” 32Gai denga daane hebagi ga duuduu daula e nnoa ai laa de boose laa, ga tili gi dahea.
33Gai ga daiao huu de mee, gai a Paul ga dangidangi ange gilaadeu alodahi gi gaimee, ia ne hai ange, “Gu madaangahulu ma haa laangi tee paba ai oodou lodo ma tee gaimee; goodou tee gai dahi mee daudahi. 34Gai au e dangidangi adu goodou gi gaimee gi mmahi ai goodou, go hiidinga e deai donu se ngaangaaulu daudahi e doo i de biho o dahi dangada.” 35Gai de masavaa aana e tala ange ai muna nei gi gilaadeu, gai ia ga poo mai hanu pelaoaa ga dalodalo ga hagaahe ange de abodonu gi de Maadua i madamada o denga daane laa alodahi, gai ia ga tohi hanu ga daamada de gai. 36Aagai dangada alodahi gu lodo mmahi hogi, gai gilaadeu gu gaimee. 37Gai se 276 dangada alodahi i honga de vaga laa. 38Gai ga boobosu huu gilaadeu, gai gilaadeu ga tili denga grain gi honga tai e hagamaamaane ai de vaga.
De maoha o de vaga
39De masavaa ne ao ai de mee, gai gilaadeu tee madea de henua laa, aagai gilaadeu ne gidee bolo e dahi palo i kilaa ma dahi olo. Gai gilaadeu ne hagasaele de hai alaadeu e maua ai i de hai gi gasa age de vaga gi kilaa. 40Gai gilaadeu ne duuduu denga ataula ga tili gi lausedi, gai ga hagatanga daula e noonooa ai laa denga hoe pale. Gai gilaadeu ga hagatuu age denga saiolo i madaa moni ga dele age ai gi de henua. 41Gai de vaga laa gu gasa age gi honga dahi olo, se mommee e hedae ai luu mee mmilo. Gai madaa moni ne gasa age ga makaga, gai muli moni gu maoha i de hagailiilihia i denga beau nnui.
42Gai denga daane hebagi ne nnoho e daa gi maakau denga daane gu noonoodia laa, i hiidinga gilaadeu e manavasaa kana kau age gilaadeu ga hulo, gai gilaadeu gu ola. 43Aagai tagi o de lau ne lodo e hagaola a Paul, deelaa ai, ia ne buibui gilaadeu gi dee haia de hegau laa. Gai ia ne hai ange gi dangada alodahi e maua laa i de kau, gilaadeu gi llele gi kau age gi de henua, 44gai dangada e doe gi kau age i denga baabaa o de vaga, aabe go honga hanu mee maoha mai i de vaga. Deelaa ai, dangada alodahi ne ola ga kau age gi de henua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.