Acts 28
28
De tau i Malta
1De masavaa omaadeu ne loage ai gi de henua, gai gimaadeu gu iloo bolo de ingoo o de modu laa go Malta. 2Gai dangada o de henua laa ne kona donu de abodonu mai gi gimaadeu. Gilaadeu ne haula dahi ahi e hagamahanahana ai gimaadeu, go hiidinga gu daamada de pala de langi ma de hagamagalili. 3Paul ne hano ga hagabudu hanu lahhie e velo ange gi lo te ahi, gai dahi labodo hagammau ne sao mai, i hiidinga de vvela o de ahi laa, ga kadi dono lima ga pigi ai. 4Gai ga gidee huu e dangada o de henua laa de labodo e daudau laa i dono lima, gai gilaadeu ga hagataba, “Taane nei se daane daa dangada donu. Ia ne ola mai i de moana, gai de hagamodu heohi e dee dugu ange donu ia gi mouli.” 5Gai a Paul ga luuluu de labodo laa gu doo ange gi lo te ahi. Gai ia tee beaha donu. 6Gai dangada ne tali gi hua dono lima aabe go de moolau dono magau; aagai gilaadeu ne tali ange i dahi masavaa looloa, gai teai donu mee ne hai ange gi de ia. Gai gilaadeu ga sui alaadeu maanadu ga hagataba bolo ia go dahi diinonga.
7Gai de mommee omaadeu iai laa e baa ange gi de alahenua o tagi o de modu laa, dono ingoo go Publius. Ia ne abodonu mai ma de tilo danuaa mai gimaadeu i e dolu laangi. 8De masavaa laa gai tamana o Publius e vvela dono angaanga ma de hanohano. Gai a Paul ne hano gi ono daha, gai dua dono dalodalo, ga dugu luoono lima gi ono elunga, gai ia gu ieiangi. 9Dua de hai mee nei, gai dangada alodahi e mmagi i de modu laa gu loomai hogi gi daho Paul, gai gilaadeu gu ieiangi hogi olaadeu magi. 10Gai dangada o de modu laa ne ngadi gaamai hanu mee lagolago gi gimaadeu. Gai de masavaa omaadeu ne maalanga ai e hulo gee i kilaa, gai gilaadeu ga hhao demaadeu vaga i mee alodahi omaadeu e hagadanuaa ai.
De maalanga i Malta e hulo gi Rome
11Dua e dolu malama, gai gimaadeu ne kage i dahi vaga e daula laa i de modu laa i de masavaa hagamagalili; de vaga nei se moni niio de gau Alexandria. Madaa moni e hagadagodo ange gi biho o luu diinonga go Castor ma Pollux, gilaau se maasanga. 12Gai gimaadeu ne hulo ga tau i Syracuse ga nnoho ai i e dolu laangi. 13Gai gimaadeu ne dele mai i kilaa ga hulo ga sula i Rhegium. Gai de laangi i ono dua ne ssau mai de madangi i ngaage, gai de laangi mai ange laa gai gimaadeu ne sula i Puteoli. 14Gai gimaadeu ne hedae ange gi hanu daina i kilaa, gai gilaadeu ga dangidangi mai gimaadeu gi nnoho i olaadeu daha i e hidu laangi. Gai gimaadeu ga hulo ai loo ga tae gi Rome. 15Gai ga langona huu e denga daina bolo gimaadeu gu dai tae adu, gai gilaadeu ga loomai ga hedae mai gi gimaadeu i de Mommee Hagao Mee o Appius, ma denga Hale Gaainga e Dolu. Gai ga gidee huu e Paul gilaadeu, gai ia ga hagaahe ange de abodonu gi de Maadua, gai gu maamaane ono lodo.
De dae o Paul gi Rome
16Gai de masavaa huu omaadeu ne tae ai gi Rome, gai gu dugu ange a Paul gi noho donu huu i de ia, madali taane hebagi e hagaloosia ange laa ia.
17Dua e dolu laangi gai Paul ne aalu dagi o de gau Ssuu gi loomai gi ono daha. De masavaa olaadeu ne tae mai ai, gai ia ga hai ange gi gilaadeu, “Ogu daina, tigi ai donu agu mee ne hai e baasi ange ai gi odaadeu dangada, aabe go dahulinga a odaadeu dubuna madagidagi; aagai gilaadeu ne poo au i Jerusalem ga gaavange gi de gau Rome. 18Aagai dua huu de hai ssiilingaa muna, gai de gau Rome ne llodo e dugu au gi hano, i hiidinga gilaadeu tee gidee dahi mee daudahi e heohi ai dogu daa gi magau. 19Aagai de gau Ssuu tee llodo, deelaa ai, au ne dangidangi i de hagamodu ogu muna i mada i mua o Caesar. Gai au e dee hagabaubau naa donu dogu huaahenua.#Acts 25.11 20Deenei de hiidinga aagu ne aalu adu ai naa goodou e pasa gidaadeu. Gai go de tali hagalodolodo o de gau Ssuu ne hidi mai ai nei dogu noodia i denga daula baalanga.”
21Gai denga daane laa ne hai ange gi de ia, “Gimaadeu tigi gidee donu dahi leda mai i Judea, e tala mai ai oo dagodo. Gai tigi ai hogi odaadeu daina ne loomai i kilaa e tala mai hanu longo moou, aabe ne hagabaubau ina goe. 22Aagai gimaadeu e llodo e hagallongo au hagasaele. Go hiidinga gimaadeu gu iloo bolo gu soa dangada i mommee alodahi e hagabaubau ina de hagabuulinga naa.”
23Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu. 24Hanu gilaadeu ne hagadonusia ana mee ne tala ange gi gilaadeu, aagai hanu tee hagadonusia. 25Deelaa ai, gilaadeu gu dee buni, gai gu mavaevae ga hulo gee mai i kilaa, i dua de tala a Paul muna hagaodi nei: “E heohi donu muna a de Hagasaalunga Dabu gu tala ange laa gi odaadeu dubuna madagidagi i daho de pelaabisi go Isaiah:
26‘Hannoo hai ange gi de huaadangada nei,
Goodou e langona, gai e dee maua gi tonu ange;
goodou e gidee, aagai e dee madea.
27Go hiidinga de huaadangada naa e makaga olaadeu lodo,
olaadeu dalinga gu longoduli,
gai gu pono olaadeu ganomada.
Kana gidee naa e gilaadeu i olaadeu ganomada
ma de langona i olaadeu dalinga,
ga tonu ange i olaadeu lodo,
ga daahuli olaadeu lodo,
gai au ga hagaieiangi gilaadeu.’ #Isa 6.9-10
28Deenei ai, au e lodo goodou gi iloo bolo de hagaola a de Maadua gu agoago ange hogi gi denga Gentile, gai gilaadeu e hagallongo naa donu!” [29Gai ga lava huu i de tala a Paul muna nei, gai de gau Ssuu ga hulo gee mai i ono daha, ga hagadaumee i olaadeu magavaa.]#28.29 Hanu beebaa Greek ange laa e dee dagodo ai de gubu nei.
30Gai a Paul ne hagao dahi hale moona i kilaa ga noho ai i e lua ngadau, ma de abodonu ange gi dangada alodahi ne loomai gi ono daha. 31Gai ia ne lodo mmahi i de agoago i dagodo o de nohoanga hodooligi o de Maadua aama dagodo o Tagi Maolunga go Iesu Klisdo — gai teai donu mee ne buibui ina ia.
Currently Selected:
Acts 28: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 28
28
De tau i Malta
1De masavaa omaadeu ne loage ai gi de henua, gai gimaadeu gu iloo bolo de ingoo o de modu laa go Malta. 2Gai dangada o de henua laa ne kona donu de abodonu mai gi gimaadeu. Gilaadeu ne haula dahi ahi e hagamahanahana ai gimaadeu, go hiidinga gu daamada de pala de langi ma de hagamagalili. 3Paul ne hano ga hagabudu hanu lahhie e velo ange gi lo te ahi, gai dahi labodo hagammau ne sao mai, i hiidinga de vvela o de ahi laa, ga kadi dono lima ga pigi ai. 4Gai ga gidee huu e dangada o de henua laa de labodo e daudau laa i dono lima, gai gilaadeu ga hagataba, “Taane nei se daane daa dangada donu. Ia ne ola mai i de moana, gai de hagamodu heohi e dee dugu ange donu ia gi mouli.” 5Gai a Paul ga luuluu de labodo laa gu doo ange gi lo te ahi. Gai ia tee beaha donu. 6Gai dangada ne tali gi hua dono lima aabe go de moolau dono magau; aagai gilaadeu ne tali ange i dahi masavaa looloa, gai teai donu mee ne hai ange gi de ia. Gai gilaadeu ga sui alaadeu maanadu ga hagataba bolo ia go dahi diinonga.
7Gai de mommee omaadeu iai laa e baa ange gi de alahenua o tagi o de modu laa, dono ingoo go Publius. Ia ne abodonu mai ma de tilo danuaa mai gimaadeu i e dolu laangi. 8De masavaa laa gai tamana o Publius e vvela dono angaanga ma de hanohano. Gai a Paul ne hano gi ono daha, gai dua dono dalodalo, ga dugu luoono lima gi ono elunga, gai ia gu ieiangi. 9Dua de hai mee nei, gai dangada alodahi e mmagi i de modu laa gu loomai hogi gi daho Paul, gai gilaadeu gu ieiangi hogi olaadeu magi. 10Gai dangada o de modu laa ne ngadi gaamai hanu mee lagolago gi gimaadeu. Gai de masavaa omaadeu ne maalanga ai e hulo gee i kilaa, gai gilaadeu ga hhao demaadeu vaga i mee alodahi omaadeu e hagadanuaa ai.
De maalanga i Malta e hulo gi Rome
11Dua e dolu malama, gai gimaadeu ne kage i dahi vaga e daula laa i de modu laa i de masavaa hagamagalili; de vaga nei se moni niio de gau Alexandria. Madaa moni e hagadagodo ange gi biho o luu diinonga go Castor ma Pollux, gilaau se maasanga. 12Gai gimaadeu ne hulo ga tau i Syracuse ga nnoho ai i e dolu laangi. 13Gai gimaadeu ne dele mai i kilaa ga hulo ga sula i Rhegium. Gai de laangi i ono dua ne ssau mai de madangi i ngaage, gai de laangi mai ange laa gai gimaadeu ne sula i Puteoli. 14Gai gimaadeu ne hedae ange gi hanu daina i kilaa, gai gilaadeu ga dangidangi mai gimaadeu gi nnoho i olaadeu daha i e hidu laangi. Gai gimaadeu ga hulo ai loo ga tae gi Rome. 15Gai ga langona huu e denga daina bolo gimaadeu gu dai tae adu, gai gilaadeu ga loomai ga hedae mai gi gimaadeu i de Mommee Hagao Mee o Appius, ma denga Hale Gaainga e Dolu. Gai ga gidee huu e Paul gilaadeu, gai ia ga hagaahe ange de abodonu gi de Maadua, gai gu maamaane ono lodo.
De dae o Paul gi Rome
16Gai de masavaa huu omaadeu ne tae ai gi Rome, gai gu dugu ange a Paul gi noho donu huu i de ia, madali taane hebagi e hagaloosia ange laa ia.
17Dua e dolu laangi gai Paul ne aalu dagi o de gau Ssuu gi loomai gi ono daha. De masavaa olaadeu ne tae mai ai, gai ia ga hai ange gi gilaadeu, “Ogu daina, tigi ai donu agu mee ne hai e baasi ange ai gi odaadeu dangada, aabe go dahulinga a odaadeu dubuna madagidagi; aagai gilaadeu ne poo au i Jerusalem ga gaavange gi de gau Rome. 18Aagai dua huu de hai ssiilingaa muna, gai de gau Rome ne llodo e dugu au gi hano, i hiidinga gilaadeu tee gidee dahi mee daudahi e heohi ai dogu daa gi magau. 19Aagai de gau Ssuu tee llodo, deelaa ai, au ne dangidangi i de hagamodu ogu muna i mada i mua o Caesar. Gai au e dee hagabaubau naa donu dogu huaahenua.#Acts 25.11 20Deenei de hiidinga aagu ne aalu adu ai naa goodou e pasa gidaadeu. Gai go de tali hagalodolodo o de gau Ssuu ne hidi mai ai nei dogu noodia i denga daula baalanga.”
21Gai denga daane laa ne hai ange gi de ia, “Gimaadeu tigi gidee donu dahi leda mai i Judea, e tala mai ai oo dagodo. Gai tigi ai hogi odaadeu daina ne loomai i kilaa e tala mai hanu longo moou, aabe ne hagabaubau ina goe. 22Aagai gimaadeu e llodo e hagallongo au hagasaele. Go hiidinga gimaadeu gu iloo bolo gu soa dangada i mommee alodahi e hagabaubau ina de hagabuulinga naa.”
23Gai gilaadeu ne hagailonga dahi laangi e loomai ai gi daho Paul. Gai ne soa donu ne loomai gi dono hale e noho ai laa. Gai Paul ga agoago ange gi gilaadeu, mai i taiao ga dae ai gi de ahiahi, ga tala hagadonu ange gi gilaadeu dagodo o de nohoanga hodooligi o de Maadua, ma de hagatale de usuusu ange gilaadeu i de hainga a Moses aama muna a denga pelaabisi, i dagodo o Iesu. 24Hanu gilaadeu ne hagadonusia ana mee ne tala ange gi gilaadeu, aagai hanu tee hagadonusia. 25Deelaa ai, gilaadeu gu dee buni, gai gu mavaevae ga hulo gee mai i kilaa, i dua de tala a Paul muna hagaodi nei: “E heohi donu muna a de Hagasaalunga Dabu gu tala ange laa gi odaadeu dubuna madagidagi i daho de pelaabisi go Isaiah:
26‘Hannoo hai ange gi de huaadangada nei,
Goodou e langona, gai e dee maua gi tonu ange;
goodou e gidee, aagai e dee madea.
27Go hiidinga de huaadangada naa e makaga olaadeu lodo,
olaadeu dalinga gu longoduli,
gai gu pono olaadeu ganomada.
Kana gidee naa e gilaadeu i olaadeu ganomada
ma de langona i olaadeu dalinga,
ga tonu ange i olaadeu lodo,
ga daahuli olaadeu lodo,
gai au ga hagaieiangi gilaadeu.’ #Isa 6.9-10
28Deenei ai, au e lodo goodou gi iloo bolo de hagaola a de Maadua gu agoago ange hogi gi denga Gentile, gai gilaadeu e hagallongo naa donu!” [29Gai ga lava huu i de tala a Paul muna nei, gai de gau Ssuu ga hulo gee mai i ono daha, ga hagadaumee i olaadeu magavaa.]#28.29 Hanu beebaa Greek ange laa e dee dagodo ai de gubu nei.
30Gai a Paul ne hagao dahi hale moona i kilaa ga noho ai i e lua ngadau, ma de abodonu ange gi dangada alodahi ne loomai gi ono daha. 31Gai ia ne lodo mmahi i de agoago i dagodo o de nohoanga hodooligi o de Maadua aama dagodo o Tagi Maolunga go Iesu Klisdo — gai teai donu mee ne buibui ina ia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.