Acts 26
26
Paul e tala dono heohi i mada i mua o Agrippa
1Gai Agrippa ga hai ange gi a Paul, “Gu dugu adu goe gi daalaa doo heohi.” Gai a Paul ga haalo dono lima ga daamada de tala dono heohi, ga hai ange, 2“De hodooligi go Agrippa, au e hagadaba bolo au gu manuuia, i de duu i oo mada i mua anailaa nei e tala ai dogu heohi, ange gi mee alodahi a de gau Ssuu e hagabaubau ai au. 3Go hiidinga hogi koe e donu ange gi dahulinga alodahi a de gau Ssuu, ma mee olaadeu e hagadaumee mai ai. Deenei ai, au e dangidangi adu koe gi golomagi ina oo lodo ma gi hagalaangona agu muna.
4De gau Ssuu alodahi e iloo dagodo o dogu mouli mai i dogu gauligi, gai au ne madua age i daho dogu huaahenua i Jerusalem. 5Gai gu daulooloa donu delaadeu iloo, gai e maua donu e gilaadeu de tala hagadonu adu ogu dagodo, bolo au se Pharisee e dau ange gi de hagabuulinga e kona laa alaadeu hainga ange gi amaadeu hai daumaha.#Acts 23.6; Php 3.5 6Gai iainei au e duu i kinei e hagamodu ai ogu muna i hiidinga dagu tali hagalodolodo ange gi denga hagatoo donu a de Maadua ange gi omaadeu dubuna. 7Deenei de mee a denga aamuli e dinoangahulu ma dogolua e tali laa, gai gilaadeu ne llodo mmao gi gidee e gilaadeu, gilaadeu ne hagaduu ngae ga daumaha ange gi de Maadua i de boo ma de laangi. De hodooligi go Agrippa, go hiidinga o de tali hagalodolodo nei oogu gu hagabaubau ina ai nei i daho de gau Ssuu. 8Aagai gu aha gu hagadaba ai dahi i oodou daha bolo e hai ngadaa i daho de Maadua de hagamouli age de gau maakau?
9Au ne hagadonusia hogi bolo au e hai mee alodahi aagu e mau e hai baasi ange ai gi de ingoo o Iesu taane Nazareth.#Acts 8.3; 22.4-5 10Gai au ne hai de hegau nei i Jerusalem. Au ne kave ssauaa mai i daho de gau haimeedabu maolunga, ga tili ange ai dangada soa o de Maadua gi lo te hale pono, gai de masavaa olaadeu ne daa ai ga maakau, gai au ne buni ange donu aagena. 11Au ne hagadaga hogi i denga synagogue alodahi ga hagaduasala gilaadeu, ma de hai gilaadeu gi hagangadi mee ina Iesu. Au ne vaivai hai gilaadeu i aduhale o denga henua gee, i hiidinga dogu kino i gilaadeu.
De tala a Paul de dahuli ono lodo
(Acts 9.1-9; 22.6-16)
12“Au ne hano hogi gi Damascus i ssauaa mai i daho de gau haimeedabu maolunga e hai ai mee nei. 13De hodooligi, au ne gidee hogi i honga de haiava dahi maalama mai i de langi i daha de hualaangi, gai e maalama ange i de maalama o de laa, gai gu hagamaalama de mommee omaadeu ma dangada ne hulo madali au iai laa. 14Gai de masavaa omaadeu alodahi ne too ai gi honga de gelegele, gai au ne langona de leo e basa mai gi de au i muna Aramaic, ‘Saul, Saul, gu aha goe gu vaivai hai ai naa ngau? E hai ngadaa mmao dau badu i doo vae mee duiduia.’
15Gai au ga hai ange, ‘Tagi Maolunga, go koe goai?’
Gai Tagi Maolunga ne hai mai gi de au, ‘Go au donu go Iesu aau e vaivai hai naa. 16Aagai koe hidi duu gi lunga. Go hiidinga au ne hakide adu gi de goe e hili ai goe gi se dangada hai hegau gai gi se dangada e daalaa hagadonu mee aau gu gidee, aama mee aagu gu dai hagaago adu gi de goe. 17Gai au e hagaola naa goe mai i daho de gau Ssuu ma mai i daho denga Gentile, aagu e kave goe gi hano gi gilaadeu, 18gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’
Hegau a Paul ange gi denga Ssuu ma Gentile
19“Deenei ai, de hodooligi go Agrippa, au tee hagangadi mee donu de midi hagaago ange mai i de langi. 20Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.#Acts 9.20, 28-29 21Aanei hiidinga a de gau Ssuu ne poo ai au i lo te buibui o de temple, e daa gi magau. 22Aagai de Maadua ne bale mai au ga dae mai ai gi anailaa nei. Deenei ai, au e duu i kinei e tala hagadonu ange ai gi gilaadeu e maolalo ma gilaadeu e maolunga. Au e tala donu huu mee a denga pelaabisi aama Moses gu tala laa bolo e hai: 23Klisdo e hagaduasala naa, gai go ia taamada o de mouli age mai i de magau, gai ia ga tala ange dagodo o de maalama gi ono dangada go de gau Ssuu aama denga Gentile.” #Isa 42.6; 49.6; 1 Co 15.20
24Gai de masavaa a Paul e tala ai dono heohi, gai Festus ga hai ange i de leo laumalie, “Paul, koe gu senga i de kona de lagolago au mee gu ago!”
25Aagai Paul ne hai ange, “Festus maolunga mmao, au e dee senga, gai au e tala donu de muna abodonu i tee senga. 26Gai de hodooligi e iloo donu dagodo o mee nei, gai au e malangilangi donu i de tala agu muna, go hiidinga au e donu ange bolo mee nei alodahi e odi i dau iloo, go hiidinga mee nei tee hai hagammuni. 27De hodooligi go Agrippa, koe e hagadonusia muna a denga pelaabisi? Au e iloo bolo koe e hagadonusia donu.”
28Gai Agrippa ga hai ange gi a Paul, “E momo ange huu koe gu hai au gi se Christian, i dahi masavaa bodobodo donu huu!”
29Paul ne hai ange, “E dee hilihili donu be se masavaa bodobodo aabe se masavaa daulooloa — gai au e dalodalo ange gi de Maadua bolo e dee go koe donu huu, aagai go dangada alodahi e langona agu muna anailaa nei, gi hagadonusia hogi bei ogu dagodo, deelaa donu huu, goodou gi dee noonoodia i daula baalanga bee nei.”
30Aagai de hodooligi ga hidi age e hano, madali de goobenaa ma Bernice aama dangada alodahi, 31gai de masavaa huu olaadeu ne hulo gee ai i kilaa, gai gilaadeu ga pasa i olaadeu magavaa, ga hagataba, “Taane nei tigi hai donu dahi mee daudahi e heohi ai dono daa gi magau, aabe go dono tili ange gi lo te hale pono.”
32Gai Agrippa ga hai ange gi Festus, “Taane nei ne maua donu gi ola, noo ia tee dangidangi i de hagamodu ono muna i mada i mua o Caesar.”
Currently Selected:
Acts 26: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 26
26
Paul e tala dono heohi i mada i mua o Agrippa
1Gai Agrippa ga hai ange gi a Paul, “Gu dugu adu goe gi daalaa doo heohi.” Gai a Paul ga haalo dono lima ga daamada de tala dono heohi, ga hai ange, 2“De hodooligi go Agrippa, au e hagadaba bolo au gu manuuia, i de duu i oo mada i mua anailaa nei e tala ai dogu heohi, ange gi mee alodahi a de gau Ssuu e hagabaubau ai au. 3Go hiidinga hogi koe e donu ange gi dahulinga alodahi a de gau Ssuu, ma mee olaadeu e hagadaumee mai ai. Deenei ai, au e dangidangi adu koe gi golomagi ina oo lodo ma gi hagalaangona agu muna.
4De gau Ssuu alodahi e iloo dagodo o dogu mouli mai i dogu gauligi, gai au ne madua age i daho dogu huaahenua i Jerusalem. 5Gai gu daulooloa donu delaadeu iloo, gai e maua donu e gilaadeu de tala hagadonu adu ogu dagodo, bolo au se Pharisee e dau ange gi de hagabuulinga e kona laa alaadeu hainga ange gi amaadeu hai daumaha.#Acts 23.6; Php 3.5 6Gai iainei au e duu i kinei e hagamodu ai ogu muna i hiidinga dagu tali hagalodolodo ange gi denga hagatoo donu a de Maadua ange gi omaadeu dubuna. 7Deenei de mee a denga aamuli e dinoangahulu ma dogolua e tali laa, gai gilaadeu ne llodo mmao gi gidee e gilaadeu, gilaadeu ne hagaduu ngae ga daumaha ange gi de Maadua i de boo ma de laangi. De hodooligi go Agrippa, go hiidinga o de tali hagalodolodo nei oogu gu hagabaubau ina ai nei i daho de gau Ssuu. 8Aagai gu aha gu hagadaba ai dahi i oodou daha bolo e hai ngadaa i daho de Maadua de hagamouli age de gau maakau?
9Au ne hagadonusia hogi bolo au e hai mee alodahi aagu e mau e hai baasi ange ai gi de ingoo o Iesu taane Nazareth.#Acts 8.3; 22.4-5 10Gai au ne hai de hegau nei i Jerusalem. Au ne kave ssauaa mai i daho de gau haimeedabu maolunga, ga tili ange ai dangada soa o de Maadua gi lo te hale pono, gai de masavaa olaadeu ne daa ai ga maakau, gai au ne buni ange donu aagena. 11Au ne hagadaga hogi i denga synagogue alodahi ga hagaduasala gilaadeu, ma de hai gilaadeu gi hagangadi mee ina Iesu. Au ne vaivai hai gilaadeu i aduhale o denga henua gee, i hiidinga dogu kino i gilaadeu.
De tala a Paul de dahuli ono lodo
(Acts 9.1-9; 22.6-16)
12“Au ne hano hogi gi Damascus i ssauaa mai i daho de gau haimeedabu maolunga e hai ai mee nei. 13De hodooligi, au ne gidee hogi i honga de haiava dahi maalama mai i de langi i daha de hualaangi, gai e maalama ange i de maalama o de laa, gai gu hagamaalama de mommee omaadeu ma dangada ne hulo madali au iai laa. 14Gai de masavaa omaadeu alodahi ne too ai gi honga de gelegele, gai au ne langona de leo e basa mai gi de au i muna Aramaic, ‘Saul, Saul, gu aha goe gu vaivai hai ai naa ngau? E hai ngadaa mmao dau badu i doo vae mee duiduia.’
15Gai au ga hai ange, ‘Tagi Maolunga, go koe goai?’
Gai Tagi Maolunga ne hai mai gi de au, ‘Go au donu go Iesu aau e vaivai hai naa. 16Aagai koe hidi duu gi lunga. Go hiidinga au ne hakide adu gi de goe e hili ai goe gi se dangada hai hegau gai gi se dangada e daalaa hagadonu mee aau gu gidee, aama mee aagu gu dai hagaago adu gi de goe. 17Gai au e hagaola naa goe mai i daho de gau Ssuu ma mai i daho denga Gentile, aagu e kave goe gi hano gi gilaadeu, 18gi maahuge ai olaadeu mada, ma de hulo gee i de gohu ga daudali i de maalama, aama de hulo gee mai i lalo ssauaa o Satan ga daudali ange i de Maadua, gai ia ga degi ange ai gi olaadeu haisala gai gilaadeu gu dau madali gilaadeu gu vvae gee i de kai i ogu lodo.’
Hegau a Paul ange gi denga Ssuu ma Gentile
19“Deenei ai, de hodooligi go Agrippa, au tee hagangadi mee donu de midi hagaago ange mai i de langi. 20Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.#Acts 9.20, 28-29 21Aanei hiidinga a de gau Ssuu ne poo ai au i lo te buibui o de temple, e daa gi magau. 22Aagai de Maadua ne bale mai au ga dae mai ai gi anailaa nei. Deenei ai, au e duu i kinei e tala hagadonu ange ai gi gilaadeu e maolalo ma gilaadeu e maolunga. Au e tala donu huu mee a denga pelaabisi aama Moses gu tala laa bolo e hai: 23Klisdo e hagaduasala naa, gai go ia taamada o de mouli age mai i de magau, gai ia ga tala ange dagodo o de maalama gi ono dangada go de gau Ssuu aama denga Gentile.” #Isa 42.6; 49.6; 1 Co 15.20
24Gai de masavaa a Paul e tala ai dono heohi, gai Festus ga hai ange i de leo laumalie, “Paul, koe gu senga i de kona de lagolago au mee gu ago!”
25Aagai Paul ne hai ange, “Festus maolunga mmao, au e dee senga, gai au e tala donu de muna abodonu i tee senga. 26Gai de hodooligi e iloo donu dagodo o mee nei, gai au e malangilangi donu i de tala agu muna, go hiidinga au e donu ange bolo mee nei alodahi e odi i dau iloo, go hiidinga mee nei tee hai hagammuni. 27De hodooligi go Agrippa, koe e hagadonusia muna a denga pelaabisi? Au e iloo bolo koe e hagadonusia donu.”
28Gai Agrippa ga hai ange gi a Paul, “E momo ange huu koe gu hai au gi se Christian, i dahi masavaa bodobodo donu huu!”
29Paul ne hai ange, “E dee hilihili donu be se masavaa bodobodo aabe se masavaa daulooloa — gai au e dalodalo ange gi de Maadua bolo e dee go koe donu huu, aagai go dangada alodahi e langona agu muna anailaa nei, gi hagadonusia hogi bei ogu dagodo, deelaa donu huu, goodou gi dee noonoodia i daula baalanga bee nei.”
30Aagai de hodooligi ga hidi age e hano, madali de goobenaa ma Bernice aama dangada alodahi, 31gai de masavaa huu olaadeu ne hulo gee ai i kilaa, gai gilaadeu ga pasa i olaadeu magavaa, ga hagataba, “Taane nei tigi hai donu dahi mee daudahi e heohi ai dono daa gi magau, aabe go dono tili ange gi lo te hale pono.”
32Gai Agrippa ga hai ange gi Festus, “Taane nei ne maua donu gi ola, noo ia tee dangidangi i de hagamodu ono muna i mada i mua o Caesar.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.