Korɛ̃tɩdara 13
13
Pɩpɩɩ kpãkpaanɛ na fʋɔrɛ
1Balãther ha gɩrɛ mɩ‐n pɔnɩ anɩ pa. “Sɔ ɓibi na gʋʋrɛ mɔ̃kɛ sobɔ so jɩdara yenyɔ agɩbo yẽther yɩɛnɩ dɩɩ ha”, thale gɩ khere Thãgbaa sɛbɛra.#Dət 17:6; 19:15 2Balanyɔ pʋɔrɩkɛ mɩ kɔɔ pɔnɩ anɩ pa, mɩ kɔɔ ˈlire so gar, na ninəkɛ ma hanɩ gɩrɛ anɩ pa ga, mɩ maanɛ gɩrɛ dɩ ma‐n so wɩrɛraakɛ kɔɔ maanɩ cʋʋrɛ sopugo, dɩ mɩ‐n sor dakha tɩbɩla fɛʋra ayɩ: Ado mɩ bir na pɔ anɩ pa, na‐n yɩ ma pɩrrɛ fɩɩʋrakaa koe. 3Gɩdonɩ nɩ‐n ƴaalɛ nɩ jɩ gɩrɛ n nɛnanɩ dɩ Kirisiti n mɩana mɩ, ɔrkɛ na yɔɔnɛ narnaˈ, sɩ a‐n nɩnanɛ ɔɔ fãga anɩ thɩ̃thɩɩn. 4Sobɔr gɩ wer, wɩ kɔɔ kpaarɛ thɩrʋra ɔɔ yɔɔra, sɩ a hananɛ yire gɩrɛ dɩɩ the Thãgbaa fãgara. Dɩ sɛrɛ dakha ɔɔ khara sɩ yɔɔ, sɩ sa hananɛ kha yire na ɔr gɩ the Thãgbaa fãgara, dɩ mɛ̃ sa puno sa‐n do nar thɔma. 5Nɩ mɩɛnɛ anɩbara na hɩnɛ ado nɩ har ha pɛrɛra, nɩ jʋrɛ dɩbara na hɩnɛ. Na jɩ gɩ anɩbara dɩ Jeju Kirisiti har anɩ bɩnɔaa? Agado nɛr jʋrɛ dɩbara a yɩɛ dɩɩ do nɩ ˈleeraˈ. 6Sɩ mɩ pɛrɛ haar nɩ jɩɛ jɩ dɩ asɩ dɩbara jʋʋr wer na do sar ˈleeraˈ. 7Sɩ sɩ‐n bɩɛlɛ Thãgba dɩ na‐n cʋʋ dɩkha gɩ puuro fɩɩʋrakaˈ, sɩ ga do sɩ‐n ƴaalɛ sɩ yɩra gɩ ho wɩ yɛ sɛr ˈlaˈ, sɩ asɩ bɩɛl dʋɔn na‐n cʋɛ gɩrɛɛkɛ bʋɔnɔnɩ adorakɛ asɩ ˈli bire ho ˈleere. 8Gɩdonɩ sa hana sobɔ pɩɛr fãga ga, sɩ sobɔrɩ dabɔ ha sɩ hana. 9Sɩ‐n kãkarɛ ɔbɔɔkɛ sɩ hanɩ yɔɔrɛra, sɩ ne wer khɩɩr. Dɩ gɩrɛ sɩ‐n bɩɛlnɩ Thãgbara dʋɔn mɔ̃ na jɩɩnɩ bɔr. 10Gɛr dɔ nɔɔ dɩ ɩ̃ khere nar gɩrɛ sɩ sa ha kha ga, dɩ mɛ̃ ɔbɔɔkɛ sa hanɩ kha ga teena ɩ̃ cʋʋ thɩ̃ɛ na fãga ga. Kɔtɩn kɔɔ ha mɛr hʋɛ ɩ̃ cʋɛ nɩ nɩ khɔ̃ na‐n pɛr, ga do nɩ kʋɛa ga.
11Sɩ gɩrɛ sɛnɩ dʋɔn wɔɔ omɩnaa, na‐n hana daʋ, na‐n yɩrana bɔrɛ ka, na‐n ƴɔla kha haar, na‐n hana kpɩɛr bɩɛl, na‐n tɔɔ kha na ha ɩɩ, dɩ Thãgbaakɛ naʋ na ha ɩɩ n thernɩ, na‐n har kha na nɛrɛ. 12Na‐n fʋɔrɛ kha bɩɛlbɩɛl na ha lõ fʋɔrɛɛkɛ dʋɔnnɩ daphuu. Tɩɩ phuusɔ fɛʋ fʋɔr nɛr. 13Jeju Kirisiti Kɔ̃tɩn na‐n jɛ nɩ bʋɔra, Thãgba n cʋɛ nɩ na‐n jɩ ɔɔ naʋ, Thu Phuu n cʋʋ nɩ kũu kha na ɔr ga‐n pɛr; thale mɩ‐n ƴaal gɩ hana nar fɛʋ.
Currently Selected:
Korɛ̃tɩdara 13: LOBIRI
Highlight
Copy
Compare
Share
Want to have your highlights saved across all your devices? Sign up or sign in
Bible Society of Burkino Faso 1985.
