Mi Nɔnɔle 7
7
Izraɛl nwiinzannu balebanfɛnu nɔ
(Mi N 4:4–33; 1 MNzfs 29:6–9)
1Yian nya lé Moizi nyaa Bale lé sɔkɔn dɔle nya, é nyɔnɔ nwɛɛn a ma yé é a pa é yɛrama, yee valé a ma nyanamapafɛnu faa nya. É yee duo kɛlɛ balebanna valé é ma nyanamapafɛnu faa lɛ; é nyɔnɔ nwɛɛn wo ma yé é a pa é yɛrama. 2’Bɛ zuo Izraɛlnu nwiinzannu lé ke wo tranu lé kɔnzannu nya, wo da balebanfɛnu nya; ka bɛnnu nwiinzannu lé; munu lé wo kɛlɛ wo zilɛzannu nya wo nɔnɔ bléyi va, wo lé. 3Wo go ’wolé balebanfɛnu nya Gakelebale lɛ; wisoogoro suiɛdo lé ban ke wo ta, yee valé dirigɔné vu ta fié, ’bɛ gi léé, wisoogoro do a minwiinzan fié zé nya; yé wo da dirigɔné do minwiinzan do zé nya; wo Bale ban wo nya sɔkɔn ’léé.
4Gakelebale we fe Moizi lɛ yé é léé: 5’I fɛ ’konu si wo lee, yé ’wo kɛlɛ zén‐ékevasɔkɔn lé nyanamapafɛnu nya; ’i wo nɔ Lévinu lɛ do do, wo panyanama yɛrama. 6Moizi wisoogoronu valé dirigɔnénu si yé é wo bɛ pa Lévinu lee. 7É wisoogoro fié valé dirigɔné ziɛn nɔ Gɛɛsɔn benu lɛ wo panyanama yɛrama; 8é wisoogoro ziɛn valé dirigɔné sɔraa nɔ Mérari benu lɛ, wo panyanama yɛrama, ’té Balebanzan Arɔn be Itamaa ɛ ke wo zilɛzan nya. 9Naa, é ’ka a nɔ lɛ Kéat benu lɛ lo; ’bɛnu zé nyanama a é yɛrama. É a lé wo fɛ ’lɛzannu kɔné si wo bɛapa ta.
10Yian wo nyɔnɔ nwɛɛn balebanna ta, ’bɛ yi nya lé wo nwiinzannu da ’wolé balebanfɛnu nya, balebanna ’lɛdɔle we ma; wo nwiinzannu da ’wolé balebanfɛnu nya balebanna ’lɛ. 11Gakelebale lé Moizi lɛ léé: É a lé wo nwiinzannu ’é da do do yi do do ma, yé wo ’wolé balebanfɛ nɔ, balebanna ’lɛdɔle we ma.
12Mian é da é vinin balebanfɛ nya, Juda bɛn gi mi Aminadab be Nasɔn, yee lé. 13Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ bale banfɛ nya; 14’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 15dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 16é boligɔné do nɔ wenyané ’yibofɛ nya; 17yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Aminadab be Nasɔn lé balebanfɛnu lé ke bɛ.
18A yi fiézan nya, Isakaanu nwiinzan, Suaa be Nétanéɛl da ézé balebanfɛnu nya. 19Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 20’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 21dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 22é boligɔné do nɔ wenyané ’yibofɛ nya; 23yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Suaa be Nétanéɛl lé balebanfɛnu lé ke bɛ.
24A yi yaazan nya, Zabulɔnnu nwiinzan Élɔn be Éliab da ézé balebanfɛnu nya. 25Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 26’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 27dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 28é boligɔné do nɔ wenyané ’yibofɛ nya; 29yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Élɔn be Éliab lé balebanfɛnu lé ke bɛ.
30A yi ziɛnzan nya, Rubɛnnu nwiinzan Sédéuu be Élisuu da ézé balebanfɛnu nya. 31Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 32’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 33dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 34é boligɔné do nɔ wenyané ’yibofɛ nya; 35yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Sédéuu be Élisuu lé balebanfɛnu lé ke bɛ.
36A yi soruzan nya, Siméɔnnu nwiinzan Surisadai be Sélumiɛl da ézé balebanfɛnu nya. 37Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 38’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 39dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 40é boligɔné do nɔ wenyané ’yibofɛ nya; 41yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Surisadai be Sélumiɛl lé balebanfɛnu lé ke bɛ.
42A yi suiɛdozan nya, Gadnu nwiinzan Déuɛl be Éliazaf da ézé balebanfɛnu nya. 43Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 44’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 45dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 46é boligɔné do nɔ wenyané ’yibofɛ nya; 47yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Déuɛl be Éliazaf lé balebanfɛnu lé ke bɛ.
48A yi sɔrafiézan nya, Éfraimnu nwiinzan Amiud be Élisama da ézé balebanfɛnu nya. 49Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdɔ wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 50’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 51dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 52é boligɔné do nɔ wenyané ’yibofɛ nya; 53yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Amiud be Élisama lé balebanfɛnu lé ke bɛ.
54A yi sɔraazan nya, Manasénu nwiinzan Pédasuu be Gamliɛl da ézé balebanfɛnu nya. 55Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 56’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 57dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 58é boligɔné do nɔ wenyané ’yibofɛ nya; 59yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Pédasuu be Gamliɛl lé balebanfɛnu lé ke bɛ.
60A yi sɔraziɛnzan nya, Bɛnjamɛnnu nwiinzan Gidéoni be Abidan da ézé balebanfɛnu nya. 61Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 62’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 63dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 64é boligɔné do nɔ wenyané ’yibofɛ nya; 65yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Gidéoni be Abidan lé balebanfɛnu lé ke bɛ.
66A yi vuzan nya, Dannu nwiinzan, Amisadai be Aiézɛɛ da ézé balebanfɛnu nya. 67Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 68’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 69dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 70é boligɔné do nɔ wenyané ’yibofɛ nya; 71yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Amisadai be Aiézɛɛ lé balebanfɛnu lé ke bɛ.
72A yi vu ta dozan nya, Azɛɛnu nwiinzan Okran be Pagiɛl da ézé balebanfɛnu nya. 73Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 74’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 75dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 76é boligɔné do nɔ wenyané ’yibofɛ nya; 77yé fɛnu lé é a nɔ bɔvɔ saraka zé nya, yee lé ke ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Okran be Pagiɛl lé balebanfɛnu lé ke bɛ.
78A yi vu ta fiézan nya, Néfitalinu nwiinzan Énan be Aira da ézé balebanfɛnu nya. 79Fɛnu lé é a nɔ, yee lo: pala lé wa kɛlɛ gɔɔlifu lé éé sikla yɔ suiɛdo wɔlɛ vu sian, a nya, ’bɛ a do; kana lé wa kɛlɛ gɔɔlifu lé éé sikla yɔ yaa wɔlɛ vu sian, a nya, fɛna sauun lé sikla yɛrama, ’bɛ a do; ’té wo fiénu a é fanle burupun zima lé wa vɔɔ nyɔnɔ nya, a nya; yee lé é a nɔ balebanfɛ nya; 80’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ; 81dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya; 82é boligɔné do nɔ wenyané ’yibofɛ nya; 83yé fɛnu lé é a nɔ bɔvɔ saraka zé nya, yee lé ke ’ko: dirigɔné fié koo, ’blagɔné soru koo, boligɔné soru koo, lɛɛ do ’blagɔnéné soru koo, woo lé. Énan be Aira lé balebanfɛnu lé ke bɛ.
84Yian nya lé wo nyɔnɔ nwɛɛn balebanna ta, balebanfɛnu lé Izraɛlnu nwiinzannu a nɔ balebanna ’lɛdɔfɛ nya ’bɛ yi nya, yee lé ke bɛ. Pala vu ta fié lé wa kɛlɛ gɔɔlifu nya koo, kana vu ta fié lé wa kɛlɛ gɔɔlifu nya koo, ’yiminikana vu ta fié lé wa kɛlɛ kyan nya koo, woo lé. 85Gɔɔlifu pala do do faa éé sikla sian yɔ suiɛdo wɔlɛ vu; kana do do faa éé sikla sian yɔ yaa wɔlɛ vu; gɔɔlifu kananu faa zénle ékeva ’léé a sikla baa do wuru fié, fɛna sauun lé sikla yɛrama. 86’Yiminikana vu ta fié lé wa kɛlɛ kyan nya bɛ, ’té lasikɔrɔ ke é fanle wo nya, wo faa do do éé sikla sian vu vu, fɛna sauun lé sikla yɛrama. ’Yiminikananu lé wa kɛlɛ kyan nya, wo faa zénle ékeva ’léé a sikla yɔ suiɛdo. 87Balebanwi lé wa kyɛ blé, wo faa zénle ékeva ’léé lé ke ’ko: dirigɔné a vu ta fié; ’blagɔné a vu ta fié; lɛɛ do ’blané a vu ta fié, é valé balebanfɛnu lé woo wo no yifaama, woo lé. Wo boligɔné vu ta fié nɔ wenyané ’yibofɛ nya. 88Bɔvɔ saraka bowinu ’léé lé ke ’ko: dirigɔné a yɔ do wɔlɛ ziɛn; ’blagɔné a yɔ yaa; boligɔné a yɔ yaa; lɛɛ do ’blané a yɔ yaa. Balebanfɛnu lé wo wo nɔ balebanna ’lɛdɔfɛnu nya, nyɔnɔ nwɛɛnle a ta zuo, wo lé ke bɛ. 89Moizi wɔra zén‐ékevasɔkɔn gi bléyian va, wefele Gakelebale lɛ we ma, mi lé ke we fena nyanai zén mi ta nyanana lé ke gipawe pagikɛsu ta loru, é azan dére ’ma sérubɛn fié méléna. Yé é we fe Gakelebale lɛ.
Currently Selected:
Mi Nɔnɔle 7: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
