Mi Nɔnɔle 33
33
Izraɛlnu lé tawole
(Éz 63:11–14)
1Izraɛlnu lé wo si Éjipiti tɛrɛ la wolé sunyanu ’léé yɛrama, ’té Moizi valé Arɔn a wo ’lɛzannu nya, wo nyanananu lé ke ’ko. 2Moizi wolé tawole ’léé gyɛ sɛbɛ la, wo flinna ma flinna ma, Gakelebale dére yɛrama. Wolé flinnanu lé ke ’ko, wolé tawolenu yɛrama.
3A moné vininzan lé yi vu ta soruzan nya, wo si Ramzɛs yé wo zén ta va. Taboyi ta tu kinile nya, Izraɛlnu zi sia munu faa yuɛ va, ’té Éjipitinu faa éé wo yé. 4Éjipitinu lé né vininnu lé Gakelebale wo gyɛ, Éjipitinu wo faa pa; yé é ziin, Gakelebale wolé balenu lé we ble.
5Izraɛlnu zén tawole va Ramzɛs, yé wo yii Sukɔt; 6wo si Sukɔt yé wo yii Étam, yee lé ke bwi ’wuo nyaana. 7Wo si Étam yé wo yara dɔ Pi‐Aairɔt zia, Baal‐Sɛfɔn yara, yé wo nyana Migidɔl ’lɛ. 8Wo si Pi‐Aairɔt ’lɛ yé wo gié wɛyi méléna, bwi ma zia. Wo tawo yi yaa Étam bwi gi, yé wo nyana Mara. 9Wo si Mara yé wo bɔ Élim. Ana lé ’yi’wuo vu ta fié valé yɔyili yɔ yaa wɔlɛ vu ke, yé wo nyana ’bɛna. 10Wo si Élim yé wo nyana Wɛyi Sɔɔn sɔnɔ. 11Wo si Wɛyi Sɔɔn va yé wo nyana Sɛn bwi la. 12Wo si Sɛn bwi la yé wo nyana Dɔfika. 13Wo si Dɔfika yé wo nyana Alus. 14Wo si Alus yé wo nyana Réfidim, ana lé wo ’ka mini’yi ye lɛ lo. 15Wo si Réfidim, yé wo nyana Sinai bwi la.
16Wo si Sinai bwi la, yé wo yii Kibrɔt‐Ataava. 17Wo si Kibrɔt‐Ataava yé wo yii Asérɔt. 18Wo si Asérɔt yé wo yii Ritima. 19Wo si Ritima yé wo yii Rimɔn‐Pérɛs. 20Wo si Rimɔn‐Pérɛs yé wo yii Libina. 21Wo si Libina yé wo yii Risa. 22Wo si Risa yé wo yii Kéélata. 23Wo si Kéélata yé wo yii Safɛɛ gɔ ma. 24Wo si Safɛɛ gɔ ma yé wo yii Aarada. 25Yé wo si Aarada yé wo yii Makélɔt. 26Wo si Makélɔt yé wo yii Taat. 27Yé wo si Taat yé wo yii Taras. 28Wo si Taras yé wo yii Mitika. 29Wo si Mitika yé wo yii Asimɔn. 30Wo si Asimɔn yé wo yii Mozérɔt. 31Wo si Mozérɔt yé wo yii Béné‐Jaakan. 32Wo si Béné‐Jaakan yé wo yii Ori‐Gigad. 33Wo si Ori‐Gigad yé wo yii Jotibata. 34Wo si Jotibata yé wo yii Abrona. 35Wo si Abrona yé wo yii Esijɔn‐Gébɛɛ. 36Wo si Esijɔn‐Gébɛɛ yé wo yii Tisɛn bwi la, yee lé ke Kadɛs nya. 37Wo si Kadɛs yé wo yii Ori gɔ ma, Édom lé tɛrɛ nyaana. 38Balebanzan Arɔn vo Ori gɔ nwiin, dére lé Gakelebale a fe, a yɛrama, yé wo sile Éjipiti tɛrɛ la zuo lɛɛ yɔ fié ’é ta lé moné soruzan lé yi vinin nya, é ga. 39Arɔn ga aan wo Ori gɔ nwiin, ’té a lɛɛ a yɔ suiɛdo wɔlɛ yaa. 40Kanaan nwiinzan blɛn Arad lé éé nyanaan yirinwana bɛyilazia Kanaan tɛrɛ la, é Izraɛlnu dale we ma.
41Wo si Ori gɔ nwiin, yé wo yii Salmona. 42Wo si Salmona yé wo yii Punɔn. 43Wo si Punɔn yé wo yii Obɔt. 44Wo si Obɔt yé wo yii Ijé‐Abarim, Moab tɛrɛ glɛ la. 45Wo si Ijé‐Abarim, yé wo yii Dibɔn‐Gad. 46Yé wo si Dibɔn‐Gad yé wo yii Alimɔn‐Diblataim. 47Wo si Alimɔn‐Diblataim yé wo yii Abarim gɔnu ma, Nébo yarazia. 48Wo si Abarim gɔ nwiin yé wo yii Moab lé fɛna pɛblɛɛna Jériko yarazia, Juudɛn yuu sɔnɔ. 49Wo yii Juudɛn yuu sɔnɔ, é sia Bɛt‐Jésimɔt fɔɔ yé é bɔ Abɛl‐Sitim ma, Moab lé fɛna pɛblɛɛna.
50Gakelebale we fe Moizi lɛ, ’té wa é nyanale Moab lé fɛna pɛblɛɛna, Jériko yarazia, Juudɛn yuu sɔnɔ. 51É léé: Bé fe Izraɛlnu lɛ léma: Dé ka Juudɛn yuu kini yian nya, yé ka bɔ Kanaan tɛrɛ la, 52’ka ’bɛna tɛrɛ la munu faa bin ka ’lɛ, yé ’ka wolé miyili gɔlɛnu ’wii, yé foliɛwɔlɛ lé wa foli miyilinu nya, ’ka wo sɛrɛ tata, yé ’ka wolé gɔnwiin yobannanu sɛrɛ tata. 53’Ka wolé tɛrɛ si kazé nya, yé ’ka nyana ana kli; naa, maa ana tɛrɛ nɔ ka lɛ, yé é kɛlɛ kazé nya. 54’Ka tɛrɛ guli wo ma ’munnu zunle nya, ka gɔnɔla ma gɔnɔla ma. Munu lé wo ke kiɛre wo gɔnɔla, ’ka ana blɛn nɔ wo lɛ; munu lé wo ke wo gɔnɔla sɛ, ’ka ana sɛné nɔ wo lɛ. Wo va mi do do ’é nyana ana fɛan zo lé é ’ézé ye ’munnu zunle ma, a yɛrama. É kɛlɛ kazé nya ka tranu bɛnnu yɛrama. 55Naa, dé ka ’ka tɛrɛ ’ko ta munu bin lɛ ka ’lɛ lo, wo vamunu lé ka wo voo ka va, wo dan kɛlɛ lɛ bélé léli zo ka yuɛ gi, bélé foroné zo ka sɛe gi; wo dan kɛlɛ lɛ ka nyanézannu nya fɛana lé ka dan nyana lɛ, ana. 56Yé we lé é sɔ kɔɔn an lɛ léé, maa kɛlɛ wo lɛ, maa dan a kɛlɛ lɛ ka lɛ.
Currently Selected:
Mi Nɔnɔle 33: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
