Mi Nɔnɔle 1
1
Wo Izraɛlnu nɔnɔ Sinai bwi la
(Mi N 26; Wg 7:4–8)
1Gakelebale we fe Moizi lɛ Sinai bwi la, zén‐ékevasɔkɔn gi, moné fiézan lé yi vininzan nya, wo fwile Éjipiti tɛrɛ la zuo lɛɛ fiézan nya. É léé: 2’I Izraɛlnu faa nɔnɔ wo gɔnɔla gɔnɔla ma, ’é valé wo tranu gɔnɔ ma gɔnɔ ma. ’I Izraɛl gɔnénu faa nɔnɔ ’wo tɔ ma, 3wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. Bii valé Arɔn, ’ka wo nɔnɔ wo palu ma. 4É a lé bɛn do do gi mi do ’é pa ka va, mi lé é ke é tra lé kɔnzan nya, yee lé.
5Munu lé wo dan pa lɛ ka va, wo tɔnu lé ke ’ko:
Rubɛn gi mi: Sédéuu be Élisuu.
6Siméɔn gi mi: Surisadai be Sélumiɛl.
7Juda gi mi: Aminadab be Nasɔn.
8Isakaa gi mi: Suaa be Nétanéɛl.
9Zabulɔn gi mi: Élɔn be Éliab.
10Jozɛfu benu zé lé ke ’ko: Éfraim gi mi: Amiud be Élisama; Manasé gi mi: Pédasuu be Gamliɛl.
11Bɛnjamɛn gi mi: Gidéoni be Abidan.
12Dan gi mi: Amisadai be Aiézɛɛ.
13Azɛɛ gi mi: Okran be Pagiɛl.
14Gad gi mi: Déuɛl be Éliazaf.
15Néfitali gi mi: Énan be Aira.
16Munu lé wo wo laa léé, ’wo zén ékeva, wo lé ke bɛ; wa ’wo tranu gɔnɔ gi mi blɛnnu nya; wa Izraɛl mi baanu nwiinzannu nya.
17Munu lé wo wo tɔ nɔnɔ bɛ, Moizi valé Arɔn wo si, 18yé wo munu faa laa yé wo zén ékeva moné fiézan lé yi vininzan nya. Wo wo tɔ gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo lé wo lɛɛ yɔ do bɔ, wo wo nɔnɔ wo tɔ ma. 19Moizi munu nɔnɔ Sinai bwi la, Gakelebale a fe a lɛ fɛan zo, a zo.
20Wo Izraɛl lé né vininzan Rubɛn benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 21Rubɛn bɛn gi munu lé wo wo nɔnɔ, wa mi baa yɔ do wɔlɛ yaa wuru fié yɔ soru.
22Wo Siméɔn benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 23Siméɔn bɛn gi munu lé wo wo nɔnɔ, wa mi baa yɔ do wɔlɛ sɔraziɛn mi wuru suiɛdo yɔ soru.
24Wo Gad benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 25Gad bɛn gi munu lé wo wo nɔnɔ, wa mi baa yɔ do wɔlɛ fié mi wuru sɔraa yɔ fié wɔlɛ vu.
26Wo Juda benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 27Juda bɛn gi munu lé wo wo nɔnɔ, wa mi baa yɔ do wɔlɛ vu ta sɔrafié mi wuru yaa.
28Wo Isakaa benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 29Isakaa bɛn gi munu lé wo wo nɔnɔ, wa mi baa yɔ do wɔlɛ sɔrafié mi wuru fié.
30Wo Zabulɔn benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 31Zabulɔn bɛn gi munu lé wo wo nɔnɔ, wa mi baa yɔ do wɔlɛ sɔraa wuru sɔrafié.
32Jozɛfu benu va, wo Éfraim benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 33Éfraim bɛn gi munu lé wo wo nɔnɔ, wa mi baa yɔ do wuru fié yɔ soru.
34Wo Manasé benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 35Manasé bɛn gi munu lé wo wo nɔnɔ, wa mi baa vu ta suiɛdo mi wuru do.
36Wo Bɛnjamɛn benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 37Bɛnjamɛn bɛn gi munu lé wo wo nɔnɔ, wa mi baa vu ta sɔrafié mi wuru sɔrafié.
38Wo Dan benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 39Dan bɛn gi munu lé wo wo nɔnɔ, wa mi baa yɔ do wɔlɛ vu ta do mi wuru yaa yɔ soru.
40Wo Azɛɛ benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 41Azɛɛ bɛn gi munu lé wo wo nɔnɔ, wa mi baa yɔ do mi wuru sɔrafié yɔ soru.
42Wo Néfitali benu tɔnu gyɛ sɛbɛ ta wo gɔnɔla gɔnɔla ma, ’é valé wo tranu gɔnɔ ma gɔnɔ ma. Wo gɔnénu faa nɔnɔ do do wo tɔnu ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. 43Néfitali bɛn gi munu lé wo wo nɔnɔ, wa mi baa yɔ do wɔlɛ suiɛdo mi wuru sɔrafié.
44Munu lé wo wo nɔnɔ, wo lé ke bɛ. Moizi valé Arɔn mi do do si wo tranu gɔnɔ gi yé wo wo pa ’wo va, nyanama ’ko pale we ma. 45Izraɛlnu faa lé wo wo nɔnɔ wo tranu gɔnɔ ma gɔnɔ ma, wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, 46wo faa lé wo wo nɔnɔ, wa mi baa wuru do yɔ soru ’é ta lé baa do wuru sɔrafié yɔ sɔrafié wɔlɛ vu.
47Naa, wo ’ka Lévinu nɔnɔ lɛ wo tranu gɔnɔ yɛrama lo. 48Gakelebale we fe Moizi lɛ yé é léé: 49Té i Lévi bɛn gi munu nɔnɔ lo; té i wo tɔ gyɛ Izraɛlnu va lo. 50Sɔkɔn lé, wenayefɛ ke a gi, ’bé bɛ pa Lévinu lee, yee valé sɔkɔn gi nyanamapafɛnu koo, alé fɛnu faa koo, ’i wo bɛ pa wo lee. Wo ɛ go sɔkɔn valé a gi nyanamapafɛnu faa nya, yé wo ɛ a nyanama paan, yé ’wo ’wolé kɔn dɔ sɔkɔn zi do do. 51Dé sɔkɔn gobléyi bɔ, Lévimunu a si yé wa po pa; dé sɔkɔn bɔ é dɔna Lévinu a fuo yé wa dɔ, yé dé bɛn bié a ma, é a lé wa gyɛ yé é ga. 52Izraɛlnu ’wo nyana ’wolé ban wuo do do, wolé bɛn do do lé drapo sɔnɔ, wo palu ma palu ma. 53Naa, Lévinu ’wo nyana sɔkɔn lé, wenayefɛ ke a gi, a zi, léé, té anlé bliflile é nwa Izraɛl lé nénu lé ke é zénle ékeva, wo ma lo; yé Lévinu ’wo yuɛ pa sɔkɔn lé, wenayefɛ ke a gi, a ta. 54Bélidɔwe faa lé Gakelebale a nɔ Moizi lɛ, Izraɛlnu a nyi si, yé wa kɛlɛ a zo.
Currently Selected:
Mi Nɔnɔle 1: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
