Lévinu 10
10
Bale lé kyɛ Arɔn be fié ble
(Mi N 3:2–4; 2 Sam 6:2–9)
1Arɔn benu Nadab valé Abiu, wo kyɛnyɛsibɔ si do do yé wo kyɛ zén a gi, yé wo lasikɔrɔ pa a ta; yé wo go kyɛ ’ko nya Gakelebale ’lɛ, ’té Bale ’ka ’bɛ fe lɛ wo lɛ ’bɛ zo lo. 2Yé kyɛ si Gakelebale va yé é wo ble; wo ga Gakelebale ’lɛ.
3Moizi lé Arɔn lɛ léé: We ’koan Gakelebale a fe yi la loo? É ’ka a fe lɛ léé, mi lé é bié ’é va, ’é kana ’é lee, yé é ’é tɔ kɛlɛ blɛn munu faa yuɛ va loo? Arɔn ta vo é dɔle. 4Yé Moizi Arɔn ti bwe Uziɛl benu, Misaɛl valé Elsafan laa, yé é lé wo lɛ léé: ’Ka bié, ’ka bwenu gale si fɛna sauun ma baa, yé ’ka go wo nya sɔkɔn dɔna gini ma. 5Wo bié yé wo wo si yé wo go wo nya sɔkɔn dɔna gini ma, ’té wolé varɔ grɔgrɔ a wo ta, Moizi a fe fɛan zo, a zo.
6Arɔn koo, a benu Éléazaa valé Itamaa koo, Moizi lé wo lɛ léé: Té ka sɔkoro si ka ’wuo ma lo, té ka kalé sɔnu fia lo, dé ka da ga yé Gakelebale bli é da fli munu faa ma. Ka bwenu, Izraɛl munu faa, ’é vo wuvɔna, kyɛ lé Gakelebale a vɔ bɛ, a we ma. 7Té ka bɔra zén‐ékevasɔkɔn gi lo, dé ka da ga; naa, Gakelebale ’lɛnyɔnɔ a é zénle ka nwiin. We lé Moizi a fe, wa kɛlɛ.
Wenu lé é a lé Balebanmunu a kɛlɛ
(Lév 6)
8Gakelebale we fe Arɔn lɛ yé é léé: 9Bii valé i benu, dé ka a gona wɔrana zén‐ékevasɔkɔn gi, té ka nwɛ valé migyɛdɔrɔ mini lo, dé ka da ga; é dan kɛlɛ lɛ bélidɔwe lé a glɛ ’ka lo, a nya, ka kulunu zé nya. 10É a lé ka baleban?-?lafɛnu valé fɛ planu dɔɔ; é a lé, fɛ lé a tiri ke, yé fɛ lé a tiri ’ka lo, ka wo dɔɔ; 11yé bélidɔwenu faa lé Gakelebale a pa Moizi ’léé Izraɛl lé nénu zé nya, é a lé ka wo paa wo gi; bɛwemalé wo léé, té ka nwɛ mini lo.
12Arɔn be fié lé wo vo é lee, Éléazaa valé Itamaa, Moizi lé wo valé Arɔnu lɛ léé: Balebanfɛblele lé wa kyɛ ble Gakelebale ’lɛ, a pɔné lé é vo, ’ka ble balebanna sɔnɔ. Té lévɛn ’é kɛlɛ a va lo. Naa, Bale ’lɛfɛ lé. 13’Ka a ble fɛna plɛplɛ na; balebanfɛ lé wa kyɛ blé Gakelebale ’lɛ, a vafɛ ’ko a bii valé i benu dɔna nya. Naa, ’bɛ zo lé Bale a fe an lɛ. 14A tɔn lé wa diaan bɛ fié la koo, a bɛ lé wa nɔ a nwale valé a tuale nya koo, bii valé i benu valé i lunu, ka dan ’bɛ ble lɛ é ziin fɛna plɛplɛ na; naa, bɔvɔ sarakanu lé Izraɛl lé nénu a boo, a vafɛ lé wa nɔ ka lɛ, ’té é ke bii valé i benu dɔna nya, yee lé ke bɛ. 15A bɛ lé wa no a nwale valé a tuale nya, é valé a tɔn lé wa diaan a bɛ fié la Gakelebale ’lɛ, ’bɛ a bii valé i benu zé nya, bélidɔwe lé a glɛ ’ka lo, a nya, Gakelebale a fe fɛan zo, a zo. Wo dan da lɛ yee valé a nyɔnɔ lé wa kyɛ blé, wo nya ékeva.
16Moizi wenyané ’yibo boligɔné nagini, yé bé ye, wa kyɛ ble. Yé a bli fli Arɔn be fié lé wo vo, Éléazaa valé Itamaa, wo ma, 17yé é léé: Mɛmalé ka ’ka wenyané ’yibowi ble lɛ fɛna plɛplɛ na loo? É a bale ’lɛfɛ nya; yé Gakelebale a nɔ ka lɛ léé, ka munu lé wenyané kɔné si, kalé wolé wenyané ’yibole Gakelebale ’lɛ we gi. 18Bé ye, ka ’ka go lɛ wi nyɛ nya fɛna sauun na lo; é a lé ka ble fɛna sauun na, wa fe an lɛ fɛan zo, a zo. 19Arɔn lé Moizi lɛ léé: Wo ’wolé wenyané ’yibo saraka bo kyɔ, yé wo ’wolé balebanwi kyɛ ble Gakelebale ’lɛ; yé we lé é bɔ an ma kyɔ ’ko, dé maa wenyané ’yibowi ble ’bɛ zo, ’bɛ é dan kɛlɛ lɛ é zima Gakelebale yuɛ gii? 20Moizi dére ’ko ’ma yé é dɔ a ta.
Currently Selected:
Lévinu 10: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
