Fwile 37
37
Wo sɔkɔn gifɛnu kɛlɛ
(Fw 25:10–22; Ébr 9:3–5)
1Bɛsaléɛl kyankɛsu kɛlɛ akasiayili nya; a sangi kɛlɛ mɛtrɛ do bɛlaa do, a ’wuola kɛlɛ mɛtrɛ buu do bɛlaa do, yé a nwale loru kɛlɛ mɛtrɛ buu do bɛlaa do. 2É a ta sɔɔla kyan tegele nya, é a gi valé a lala sɔɔla yé é kyanbale diri a lɔlu zi. 3É kyankpɔwɔlɛ sele azé nya, yé é wo vɔ a sun ziɛn ta, a fié a bɛ do la yé a fié a bɛ do la. 4É a siyilinu kɛlɛ akasiayili nya yé é wo ma sɔɔla kyan nya. 5É a siyilinu wɔra kyankpɔwɔlɛnu gi, kyankɛsu bɛ fié ta, kyankɛsu sile we ma. 6É nyanai zén mi la nyanana kɛlɛ kyan tegele nya; a sangi kɛlɛ mɛtrɛ do bɛlaa do, a ’wuola kɛlɛ mɛtrɛ buu do bɛlaa do. 7É sérubɛn foto fié kɛlɛ kyan nya; é wo kɛlɛ, kyan lé wa gyɛ, a nya, nyanai zén mi la nyanana ’wuo fiénu ta; 8sérubɛn do a a ’wuo do la yé sérubɛn do a a ’wuo koɛ ta; sérubɛnnu koo, nyanai zén mi la nyanana koo, a faa kɛlɛ é ke ’léé do. 9Sérubɛnnu ’wo bɛa soi a ta loru yé wo nyanai zén mi la nyanana ta bua a nya, ’té wa wo ke yara ma; sérubɛnnu wo yara dɔ nyanai zén mi la nyanana ta.
10É tablé kɛlɛ akasiayili nya; a sangi kɛlɛ mɛtrɛ do, a ’wuola kɛlɛ mɛtrɛ buu do, yé a wuo vɔle kɛlɛ mɛtrɛ buu do bɛlaa do. 11É a ta sɔɔla kyan tegele nya, yé é kyanbale diri a lɔlu zi. 12É tablé lɔlu dɔ é ta loru bɛnwɔlɛ ziɛn pale ékema zo, yé é kyanbale diri é ziin ’bɛ zi. 13É kyankpɔwɔlɛ ziɛn sele tablé zé nya, yé é kyankpɔwɔlɛ vɔ a sun ziɛn lé ke a gane ziɛn yɛrama, wo ta. 14Kyankpɔwɔlɛnu kɛlɛ tablé lɔlu ma, yé é tablé siyili wɔra wo gi. 15É a siyilinu kɛlɛ akasiayili nya, yé é wo ma sɔɔla kyan nya; wo kɛlɛ tablé sifɛ nya. 16Tablé ma nyanamapafɛnu lé wa plaan tablé ta, alé planu koo, alé gaannénu koo, alé bééné bɔnu koo, alé palaganeanénu koo, ’té woo saraka bo’yi zén‐é wo gi bɛ, é wo kɛlɛ; é wo kɛlɛ kyan tegele nya.
17É fintran kɛlɛ, kyan tegele lé wa gyɛ, a nya; a gane koo, a pun koo, a bɔnu koo, a ma ginninnu koo, a vwinu koo, wo faa kɛlɛ é ke ’léé do. 18A blan suiɛdo kɛlɛ a sannu ta, fintran blan yaa kɛlɛ a san do la, yé fintran blan yaa kɛlɛ a san koɛ la. 19Bɔ yaa lé ke bélé amandé wɔlɛ zo, wa a blan do ma, é ma ginnin do do valé vwi do do nya; bɔ yaa lé ke bélé amandé wɔlɛ zo, wa a blan fiézan ma, é ma ginnin do do valé vwi do do nya; a blan suiɛdo lé é kɛlɛ fintran ma, a zo duo lé é kɛlɛ wo faa zé nya. 20Bɔ ziɛn lé ke bélé amandé wɔlɛ zo, é ’bɛ kɛlɛ fintran pun ma, é ma ginnin do do valé vwi do do nya. 21A blan fié lé é bɔra fintran gi, a ma ginnin do a wo wuo, a ma ginnin do a a blan fié koɛ wuo, yé a ma ginnin do a a blan fié pɔné wuo; blan suiɛdo lé wo bɔra fintran pun gi, wa yee ɛ zo. 22Fintran ma ginninnu valé é blannu a é ke ’léé do; a faa a kyan gyɛle nya, kyan tegele nya. 23Alé bɔné sɔrafié koo, a dirifɛnu koo, a yeezéngifɛ koo, é a kɛlɛ kyan tegele nya. 24Kyan tegele talan do ɛ fintran valé é ma nyanama pafɛnu faa kɛlɛ.
25Balebanna lé woo lasikɔrɔ no a ta, wa kɛlɛ akasiayili nya; a sangi a mɛtrɛ buu do, yé a ’wuola a mɛtrɛ buu do; a sangi valé a ’wuola faa bɔ ékema do, ’é sun nya, yé a wuo nwale loru a mɛtrɛ do. Bélinu a balebanna sun ziɛn ta, ’té woo valé balebanna sun a é vɔle é ke ’léé do. 26A ta loru koo, a sannu faa koo, a bélinu koo, é wo ta sɔɔla kyan tegele nya, yé é kyanbale diri a zi. 27É kyankpɔwɔlɛ fié dɔ a san fiénu ma, kyanbale wuo; é wo dɔ a bɛ fié la, a siyilinu wɔrale wo gi we ma. 28É a siyilinu kɛlɛ akasiayili nya, yé é wo ma sɔɔla kyan nya.
29É nyɔnɔ kɛlɛ, nyɔnɔ ’lɛza lé wa zén‐é mi ta, a nya, yé é lasikɔrɔ ginzan tegele kɛlɛ; é a kɛlɛ lasikɔrɔ kɛlɛzan lé lasikɔrɔ kɛlɛbɛ yɛrama.
Currently Selected:
Fwile 37: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
