Bélidɔwesɛbɛ Fiézan 14
14
Tɔmase kɛlɛle mi kɔlɛ ma
1Ka a Gakelebale, kalé Bale lé nénu nya. Té ka pɔɔ gyɛ ka kɔlɛ ma lo, té ka nwin puiyɛ ka bɛlo la mi gale lé we ma lo. 2Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.
Wi zinzinnu valé wi naanénu
(Lév 11:1–47; Éz 52:11)
3Té ka fɛ naané do kpen ble lo.
4Winu lé ka dan wo ble lɛ, wo lé ke ’ko: diri koo, ’bla koo, boli koo, 5yilédiri koo, plɛn‐an koo, gɔrɔ koo, vɔlɛ koo, balo koo, bwi gi boli koo, wi lé wa laama jiraf koo, woo lé. 6Sɔnéwɔlɛwi faa lé wo sɔnéwɔlɛ blan ke, ’té woo puaan fɛ nya, ’ka wo ble. 7Naa, a lɛ do lé ’bɛnu éé fɛ puaan, té ka bɛnu ble lo, yé a lɛ do lé wo ke sɔnéwɔlɛwi nya yé wo sɔnéwɔlɛ blan ke, té ka bɛnu ble lo. ’Bɛ zo lé nyɔgɔmé koo, gwené koo, wi lé wa laama daman koo, té ka wo ble lo; woo puaan fɛ nya, naa, wo ’ka sɔnéwɔlɛwi nya lo, azama; ’ka wo ye fɛ tiridɔle nya. 8Té ka suru ble lo, é a sɔnéwɔlɛwi nya, naa, é ’ka puaan fɛ nya lo; ’ka a ye fɛ tiridɔle nya. Té ka wo wi ble lo, té ka mane wo gale ma lo.
9’Yi va winu faa lé ka dan wo ble lɛ, wo lé ke ’ko: fɛnu faa lé wo lalabi ke, é valé wo makɔlɛ ke, wo lé. 10Naa, wo lé wo lalabi valé wo makɔlɛ ’ka lo, té ka wo do kpen ble lo; ’ka wo ye fɛ tiridɔle nya.
11Ka dan miané zinnu faa ble lɛ. 12Naa, wonu lé ka ’ka dan wo ble lɛ lo, wo lé ke ’ko: 13gola koo, vaa koo, wɛyi la gola koo, woo lé; kanwéi koo, plén koo, boblekwa valé é bɔlunu koo, 14kwa valé é bɔlunu faa koo, 15miané lé duo koo, kurubéli koo, yilablaséi koo, gyɛɛnplén valé é bɔlunu koo, 16banblégunbɛ koo, pɔrɔkurubéli koo, pɔblekuu koo, 17valusanbla koo, yilagamian valé burulu koo, 18bwibalo koo, gyɛɛsunani valé é bɔlunu koo, daliwé koo, ban koo, woo lé; té ka wo ble lo. 19Fɛ kénénénu faa lé woo sié, ’ka wo ye fɛ naané nya, wo ’ka wo blé lo. 20Ka dan miané zinnu faa ble lɛ.
21Té ka wi gale do kpen ble lo; ’ka a nɔ bɛn bɛ mi lé ke ka va, a lɛ, dé ’bɛ kaan lo, ’ka a dan bɛn bɛ mi lee; ka a munu lé Gakelebale, kalé Bale wo pa é yɛrama ézé nya, wo nya, ’bɛzama.
Té ka boliné dɔné é bu nyɔyi nya lo.
Fɛvuzan nɔle
(Lév 27:30; 2 BDWS 14:22)
22’Ka fɛvuzan si kalé féifɛnu faa va lɛɛ faa do do ma. 23Fɛna do lé Gakelebale, kalé Bale é dan a si lɛ a va yé ’é tɔ pa a ma, ka dan go lɛ kalé fɛvuzannu nya ’bɛna; kalé ’sa vuzan koo, kalé dɔrɔ’yi vinin vuzan koo, kalé nyɔnɔ vuzan koo, kalé diri valé kalé ’blanu valé kalé bolinu lé né vininnu koo, ka dan wo ble lɛ ’bɛna; ’bɛ zo lé ka dan kanale Gakelebale, kalé Bale lee draan lɛ lɛɛfaama. 24Fɛna do lé Gakelebale, kalé Bale é dan ana si lɛ a va yé ’é tɔ pa a ma, dé ’bɛ a i ma baa, dé Bale ilé féi drɔɔ vo yé zi grɔgrɔ lé we ma lé i ’ka bɔa gole lɛ ilé fɛvuzan nya ana lo, we lé i dan a kɛlɛ lɛ, yee lé ke ’ko: 25i dan ilé fɛvuzan tavɔɔ lɛ gɔɔli nya yé i dan go lɛ fɛna do lé Gakelebale kalé Bale é dan ana si lɛ a va, ana, yee gɔɔli nya i lee. 26Dé i bɔ ’bɛna, i dan ilé blibɔmafɛ faa lɔ lɛ gɔɔli ’ko nya, dé diri léé, dé ’bla léé, dé nwɛ léé, dé dɔrɔ léé, fɛ faa lé é i gi nana, i dan a lɔ lɛ yé i dan a ble lɛ Gakelebale, ilé Bale ’lɛ, yé i gi é dan nana lɛ, bii valé ilé munu nya. 27Lévi mi lé é dan kɛlɛ lɛ ka va bɛ, té ka gi é san a ma lo, naa, azé fɛ ’ka ka va lo, yé ka valé wolé tɔnɔfɛ ’ka ékeva lo.
28Lɛɛ fié a yaazan nya, ka dan kalé lɛɛ yaazan gi féifɛ vuzannu bɔra lɛ yé ka a pla kalé kɔn ’léé. 29Yé Lévi mi lé é ’ka ’ézé tɔnɔfɛ ye lɛ ka va lo, yee koo, bɛn bɛ gi munu koo, ti valé bugalazannu koo, gyɛzaralomu koo, ’té wo ke ka va bɛ, wo dan a ble lɛ yé wo dan kan lɛ; ’ka kɛlɛ ’bɛ zo, Gakelebale, kalé Bale lé ka bɛ panyanama faa drɔɔ vole we gi.
Currently Selected:
Bélidɔwesɛbɛ Fiézan 14: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
