1 Tɛsalɔnik munu 5
5
Bo ma’lɛrɛle Jézu dale we ma
(Mt 24:36–51; Lk 12:35–40; Rom 13:11–14)
1Bwenu, é ’ka lé maa bléyinu valé yinu lé we gyɛ ka lɛ lo. 2Kabozen a gi dɔɔ é zima léé, Mizan dayi é dan bɔ lɛ bélé kyeenwozan zo é béli. 3Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.
4Naa, bwenu, ka ’ka gunutinu va yé ’bɛ yi ’ko é bɔ ka ma fiaa bélé kyeenwozan dale zo lo. 5Ka faa va a é kinile; yé ka a é ziin yiéyi munu nya. Kaa ’ka béli valé gunu vamunu nya lo. 6Bɛwemalé, té kaa yi gyɛ bélé mi pɔnénu zo lo; kaa vo é yuɛma yé kaa kaabo kun. 7Yigyɛzannu éé yi gya é béli; yé nwɛgyɛzannu éé nwɛ minian é béli. 8Naa, kaa lé kaa ke yiéyi munu nya, kaa kaabo kun ma; blipale valé sɔlɛle ’é kɛlɛ kaa golɛtayɔɔfɛ nya; yé bli kɛlɛle sile we gi lɛ ’é kɛlɛ kaalé kanakoro nya ma. 9Naa, Kazambale ’ka kaa kɛlɛ lɛ léé, é bli é fli kaa ma lo; naa, é kaa kɛlɛ léé, Jézu Krist ’é kaa béli. 10É ga kaalé we ma, léé, dé kaa a é yuɛmaoo, dé kaa a yiɛnaoo, kaa béli a va. 11Bɛwemalé, ’ka we pla ka ke lɛ, yé ’ka ka ke dɔ gligli, bélé fɛan zo lé ka ke a kɛlɛna, a zo.
We nyaala valé weale
(Rom 12:17–21; Gal 6:1–2; Ébr 13:7, 17)
12Bwenu, kalé zanté; munu lé woo Bale lé nyanama paan ka va, ’té wa ka zilɛzannu nya Mizan gi, ’té woo we plaan ka lɛ bɛ, ’ka wo lɛdɔma. 13Wo va sɔlɛle ’é kɛlɛ ka bli gi blɛɛn wo panyanama lé we ma. ’Ka vo ka ke va drɔɔ.
14Bwenu, kalé zanté. Munu lé wo ’ka we tegele kɛla lo, ’ka we pla wo lɛ. Munu lé wo fuu si wo ta, ’ka wo tɔrɔ paa. Munu lé wo ’ka plɛplɛ Kazambale lé we gi lo, ’ka bɔ wo va. Ka bli ’é kɛlɛ tiéé munu faa ma.
15’Ka yuɛ pa kabozen va léé, té mi do é wenyané lɛgi pa é bɔluzan ma wenyané nya lo. Naa, ’ka yara pa wezin kɛlɛle ta ka ke lɛ, é valé munu faa lɛ.
16Ka gi ’é nana yifaama ma. 17Té ka daan bazorole ma lo. 18Wean é sɔ Kazambale lɛ léé, ka a kɛlɛ Jézu Krist gi, yee lé ke ’ko: ’ka Kazambale bɔ vɔ we faa gi.
19Té ka Kazambale Léli dɔ lo. 20Té ka balelawefelenu ye boawe nya lo. 21’Ka wenu faa va si. ’Ka kun a zin ma ma. 22’Ka sɔn vɔ wenyané gɔnɔ faa ma.
23Mi vo drɔɔ Bale bozen ’é ka kɛlɛle sauun lɛ sɔɔ; ka léli koo, kabozen koo, ka kɔlɛ koo, wo faa ’é vo é tadɔle, ’té gun ’ka a ma lo fɔɔ yé Kaazan Jézu Krist dayi é bɔ. 24Mi lé é ka laa, é a yarapawelazan nya, yee ɛ dan a kɛlɛ lɛ.
25Bwenu, ’ka bazoro ko tɔ ma.
26’Ka we bwenu faa va ka bɔn gi fu nya.
27An we plaan ka lɛ Mizan tɔ nya léé, ’ka sɛbɛ ’ko ta fe bwenu faa yuɛ va.
28Kaazan Jézu Krist lé zin ’é vo ka ta ma.
Currently Selected:
1 Tɛsalɔnik munu 5: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
