1 Tɛsalɔnik munu 3
3
1Ka lɔrɔ a an ma fɛan zo bɛ, an ’ka bɔalɛ léé, maa a vo ’ko zo lo, amalé ko dére kɛlɛ do léé, an vo an do Atɛne, 2yé ko zuané Timoté lé é ke Kazambale wuozan nya Krist lé Wenéné gi, maa a pa ka lɛ zia, léé, ’é ka bli ta dɔ plɛplɛ, yé ka bli ’é vo Kazambale lɛ tegele, 3léé, té bléyi ’ko va kleblelenu é mi do kpen fuu si é ta lo. Kabozen a gi dɔɔ léé, Bale ko kɛlɛ kle?-?blezannu nya. 4Bléyian va lé ko ke ka va, ko we ’ko lɛ kini ka lɛ. Yé ka a gi dɔɔ léé, é bɔ a zo. 5Amalé dé an ’ka bɔa we ’ko vole lɛ ’ko zo lo, an Timoté pa ka lɛ zia léé, dé kalé blipale a kaa? ’é da ’é a zuo fe an lɛ. Kana a an gi léé, dé migidanzan ka gi dan mii? yé nyanama lé ko pa, dé é vo é plaa?
6Naa, Timoté si ka va yé é bɔ ko va lao. Yé é léé, ka bli a é pale yé sɔlɛle a ka gi, yé é léé, ko sele zin a ka gi yifaama, yé ka a a va léé, ka ko ye, bélé fɛan zo lé ko a a va léé, ko ka ye, a zo. 7Amalé, bwenu, we lɛrɛlɛrɛnu valé kleblelenu lé wo bɔ ko ma bɛ, kalé blipale ko fuu dɔ ko ta wo faa méléna. 8Yé sin, ka dɔle gligli Mizan gi kɛlɛ ko béliwe nya. 9Kalé we ko gi nana fɛan zo kolé Bale ’lɛ, ’bɛlé Kazambale bɔvɔdére ’ka ko ’léé lo. 10Tu valé é kinile ma ko a bazorona Kazambale lɛ ko sɔbɛla nya léé, ’ko ka yara ye, yé ka bli vole Jézu lɛ ’léé lé é vo, yé ko a lɛ sɔɔ.
11Kaa Ti Bale bozen valé Kaazan Jézu ’wo zi nɔ ko lɛ yé ko go ka va tegele. 12Mizan Jézu ’é ka sɔle ka ke lɛ valé munu faa sɔle ka lɛ gi gyɛ, yé é gié é glɛ ta, bélé fɛan zo lé ka sɔ ko lɛ, a zo. 13’É ka bli ta dɔ plɛplɛ, yé Jézu valé élé munu dabléyi va yé ka kɛlɛ sauun kaa Ti Bale ’lɛ, ’té gun ’ka ka ma lo.
Currently Selected:
1 Tɛsalɔnik munu 3: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
