Filipper 2
2
Dit 2. Kapitel.
1Wan er nü bi ju en Formåning ön Kristus es, wan er en Trost üt Lewde, wan di Geminskep me di hellig Geist, wan er en hartelk Lewde en Barmhartigheid bi ju sen:
2Da måke min Frügged vol, dat I jens Sens sen, disallew Lēwde hå, van jen Gemüt en jens Geföl.
3Dö nin Ding dör Strid of Rumsjugt, mar dör Töreghoalden agte I arküder, di jen di üder hoger, üs sik sallew.
4En Arkjen se ek ĂĽp dit, wat sin ein es, mar hi skel#2.4 Weggelassen: se? ĂĽp dit, wat di Ăśdern jar es.
5Arkjen wis Sens, alliküs Jesus Kristus uk wiär.
6Alhurwel hi ön Gottesgestalt wiär, agt hi dit ek foar en Rōw, Gott lik tö wisen.
7Mar hi leid sin Hōgheid of, en nom Knegtsgestalt ön, wåd allik üs en üder Man, en van Önsen üs en Mensk.
8Hi forligert sik sallew, en wåd gehorsam bet tö di Doad, ja bēt tö di Doad ön-t Krüts.
9Diärom hēd Gott höm uk forhogert, en hēd höm en Nōm iwen, welk bowen alle Nomer es.
10Dat ön Jesus sin Nōm alle Knebiner sik büg skel, al danen, diär ön Hemmel sen, en üp di Örd, en önder di Örd.
11En alle Tungen skel bekän, dat Jesus Kristus di Herr es, tö üs Gott en Våders Iär.
12Diärom da, min Lewsten, alliküs I altid frai harket ha, ek alining, wan ik bi ju wiär, mar uk ön di Tid, wan ik van ju wiär, skaffe dat I selig ud me Fürgt en Sjilwin.
13For hat es Gott, diär ön ju wirket bid di Wel, en dit Werk, allik üs-t höm håget.
14Dö Alles sönder Knorrin, en sönder Twiwel.
15Om dat I sönder Tadel en âprogtig sen, en Gottes Biärner, dat I nin Stråf fortinet hå mung dit forkirt en fordürwen Geslegt, mung danen I skin üs Lägter üp di Wârld.
16Diärom, dat I hoald üp dit Urd van-t Lewent, tö min Rum üp Kristus sin Dai, dat ik ek foriws löpen hå, nog foriws årbed hå.
17En wan ik da uk tö en Dankåfer åwert ud aur dit Åfer tö Gottes Iär van ju Glow, da frügge ik mi, en frügge mi me ju al.
18Alliksa skuld I ju uk frĂĽgge, en I skuld ju me mi frĂĽgge.
19Mar ik höpe van di Herr Jesus, dat ik Timotheus bald tö ju stjür wel, omdat ik wel tö Mud sen, wan ik tö weten fo, hurt me ju Såken stånt.
20For ik hå Nemmen, diär sa rogt eter min Sen es, diär sa âprogtig foar ju sörrigt.
21For ja sjuk Al dit, wat JĂĄr es, mar ek dit, wat Kristus Jesus sin es.
22En I wēt, dat hi di Prōw bestönden hed, for üs en Seen, hēd hi mi bistönden ön-t Evangilje.
23Ik hope, dat ik höm alstunds stjur kjen, wan ik tö weten fingen ha, hurdelling et bi ju stånt.
24Mar dag hå ik dit Fortruen tö di Herr, dat ik uk sallew hastig tö ju kom skel.
25Mar ik hå-t foar nödig hölden, di Brödher Epafroditus tö ju tö stjüren, diär min Helper en Meårbeder, en ju Wârwster, en min Diner tö min Nödigheid es.
26Aurdat hi om ju al längt, en vul bekommert diäraur wiär, aurdat I hjert hed, dat hi krånk wessen hed.
27En hi wiär uk sterwenskrånk, mar Gott hed sik aur höm erbarmt, ek alining aur höm, mar uk aur mi, omdat ik ek di jen Bedrüwwing eter di üder ha.
28Mar ik hå höm om sa vul hastiger stjürt, omdat I höm se, en weder blid ud, en ik uk di Bedrüwwing mender hå.
29Nem höm nü da âp ön di Herr, me al Blidheid, en hoald Sokken ön Iären.
30For om Kristus sin Werks wel hēd hi sa nai bi di Doad wessen, en hi hēd sin Lewent diärbi wåget, om dat hi mi tinet ön ju Steid.
Currently Selected:
Filipper 2: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
