Popular Bible Verses from Filipper 2

Share

Dö nin Ding dör Strid of Rumsjugt, mar dör Töreghoalden agte I arküder, di jen di üder hoger, üs sik sallew. En Arkjen se ek üp dit, wat sin ein es, mar hi skel üp dit, wat di Üdern jar es.

Arkjen wis Sens, alliküs Jesus Kristus uk wiär.

Alhurwel hi ön Gottesgestalt wiär, agt hi dit ek foar en Rōw, Gott lik tö wisen. Mar hi leid sin Hōgheid of, en nom Knegtsgestalt ön, wåd allik üs en üder Man, en van Önsen üs en Mensk. Hi forligert sik sallew, en wåd gehorsam bet tö di Doad, ja bēt tö di Doad ön-t Krüts.

For hat es Gott, diär ön ju wirket bid di Wel, en dit Werk, allik üs-t höm håget.

Diärom hēd Gott höm uk forhogert, en hēd höm en Nōm iwen, welk bowen alle Nomer es. Dat ön Jesus sin Nōm alle Knebiner sik büg skel, al danen, diär ön Hemmel sen, en üp di Örd, en önder di Örd. En alle Tungen skel bekän, dat Jesus Kristus di Herr es, tö üs Gott en Våders Iär.

Dö Alles sönder Knorrin, en sönder Twiwel. Om dat I sönder Tadel en âprogtig sen, en Gottes Biärner, dat I nin Stråf fortinet hå mung dit forkirt en fordürwen Geslegt, mung danen I skin üs Lägter üp di Wârld.

Diärom da, min Lewsten, alliküs I altid frai harket ha, ek alining, wan ik bi ju wiär, mar uk ön di Tid, wan ik van ju wiär, skaffe dat I selig ud me Fürgt en Sjilwin.