Markus 11
11
Dat 11. Capitel.
1En diär ja nai bi Jerusalem kam, jen Bethphage en Bethanien bi di Ölibârig, stjürt hi tau van sin Lirlings üt.
2En said tö jam: Gung hen ön di Flekken, diär lik aur voar junk liidt, en metjens, wan at diäriin kom, wel at diär en Fölk önbünden find, üp welk older en Mensk seten heed. Make-t loas, en bring-t hjårt.
3En wan hokken tö junk si wel: Hurom dö at dit? Da si, dat di Herr et nödig hēd. Da wel hi dit metjens hjårt stjür.
4Jat ging hen, en foand dit Fölk önbünden bi di Düür, bütten bi di Weiskiding, en maket et loas.
5En Sommen van danen, welk diär stönd, said tö jam: Wat make at, dat at dit Fölk loas make?
6Mar jat said tö jam, allik üs Jesus befälen hed. En ja let et tö.
7En jat brågt dit Fölk hen tö Jesus, en leid jår Kloader diärüp; en hi säät sik diärüp.
8En Vulen bredet jår Kloader üt üp di Wei. Sommen haut Maitwiggen van di Bomer, en strits üp di Wei.
9En danen, diär voarof ging, en /danen, diär/ eterfölligt, rööp en said: Hosianna! Gesegent es hi, diär komt ön di Herr sin Noom.
10Gesegent wiis dit Könningrik van üs Vader David, welk komt ön di Herr sin Noom.#11.10 welk komt ön di Herr sin Noom steht nicht im Grundtext. Statt dessen steht hier Hosanna im höchsten Himmel.
11En di Herr ging iin ön Jerusalem en iin ön di Tempel, en hi besåg Alles, en ön Indjem ging hi üt jen Bethanien me di Twellef.
12En diär ja üp di üder Dai van Bethanien ging, wiär hi hungrig.
13En hi såg en Figenboom van firens, diär Bleden hed; en hi trat hen tö höm, en lukket, of er wat üp di Boom wiär? Mar diär hi kam, foand hi nönt üs Bleden; for hat wiär jit ek Tid, dat er Figen wiis skuld.
14En Jesus swaret en said tö höm. Older moar skel er Hokken van din Frügt iit. En sin Lirlings hjert dit.
15En ja kam jen Jerusalem, en Jesus ging iin ön di Tempel, en begent di Forkopers en di Kopers, welk ön di Tempel wiär, üttödriwen; en di Weksler jår Staler, en di Düfkramers jår Stöler smeet hi om.
16En hi let et ek tö, dat er Hokken wat döör di Tempel drog.
17En hi lirt en said tö jam: Staant er ek skrewwen: Min Hüs skel en Gebedhüs näämt ud voar al Volk? Mar I hå en Mūrdkǖl diärvan maket.
18En hat kam voar di Skreftlirten en Opperpröster; en ja tragtet diäreter, hurdelling ja höm om- t Lewent bring küd. Mar ja fürgt sik voar höm, for di hile Kär Lid forwundert sik aur sin Lir.
19En ön Indjnem ging hi üt bütten di Stadt.
20En ön Miärnem, diär ja voarbiging, såg ja di Figenboom, dat hi fordorret wiär, van di Röt of ön.
21En Petrus tågt diärom, en said tö höm: Rabbi, sé jens, di Figenboom, welk dü forflökt heest, es fordorret.
22Jesus swåret, en said tö jam: Hå Gloow ön Gott.
23Warelk, ik si ju, hokken tö dös Bârig sprakt: Heew di, en stört di ön di See, en twiwelt ek ön sin Hart, mar liiwt, dat dit ske wel, wat hi said; da wel dit ske, wat hi said.
24Diärom si ik ju: /Om/ alles wat I bed#11.24 Nach bed hat zuerst das Wort om gestanden; Clemens hat es ausradiert und es am Anfang des Satzes gestellt. ön ju Bödig, liiw man, dat I-t fo skel, da skelt ju nog tö Diil ud.
25En wan I stūn en bödige, da foriiw, wan I wat tögen hokken ha, om dat uk ju Vader ön Hemmel ju töjewt ju Feiler.
26Mar wan I ek foriiw wel; da wel uk ju Vader ön Hemmel ju ek di Feiler foriiw.
27En ja kam weder jen Jerusalem. En diär hi iin ön di Tempel ging, kam di Opperpröster, en Skreftlirten, en di Olderlid tö höm.
28En said tö höm: Döör wat Magt däädst dü dit? En hokken heed di di Magt iwen, dat du sok Dåden forrogst?
29Mar Jesus swåret en said tö jam: Ik wel ju uk om en Uurd frage, Swåre mi, da wel ik ju si, döör wat Magt ik dit dö.
30Di Dööp van Johannes, wiär di van Hemmel, of van Mensken? Swåre mi!
31En ja tågt bi jam salw en said: Si wü, hi wiär van Hemmel, da wel hi si: Hurom ha I höm da ek liiwt?
32Mar si wü, hi wiär van Mensken, da fürgt wü üs voar dit Volk. For ja höld al diärfoar, dat Johannes en rogt Profet wiär.
33En ja swåret en said tö Jesus: Wü weet et ek. En Jesus swåret, en said tö jam: Da si ik ju uk ek, döör wat Magt ik sok Dingen dö.
Currently Selected:
Markus 11: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
