Jakobus 5
5
Dit 5. Kapitel.
1Wel en da mar tö, I Rikken, skroale en hüle aur ju Elendigheid, wat aur ju kom skel.
2Ju Rikdom es forrötet, ju Kloader sen van di Würmer âpfreten uden.
3Ju Gold en Sölwer es forrestet, en di Rest skel foar ju en Tjügnis wis, en wel ju Flesk fortiäre üs en Für. I ha ju Skatsen såmelt ön di lēst Dågen.
4Se, di Årbedslid jar Loan, diär ju Lönd beårbedt en inbârigt hå, es van ju forkort uden en räpt; en dit Röppen es voar di Herr Zebaoth sin Oaren kjemmen.
5I hå âphüppet lewwet üp Warld, en ha ju Wellest fölligt, en ju Harten weidet, alliküs üp en Dai, wan er slagtet ud.
6I hå di Rogtfârdig forordilet, en höm dit Lewent nommen, en hi hed sik ek tögen ju apsät.
7Da wis nü geduldig, min lew Brödhern! bet tö-di Herr sin Önkomst. Se, en Löndman es di köstelk Frügt forwagten; en es diärbi geduldig, tö dat hi faid di Miärens-rin en di Indjs-Rin.
8Nü wis I uk geduldig, en stark ju Harten; for di Herr sin Önkomst es naibi.
9Holsikket ek tögen arküder, lew Brödhern! omdat I ek fordammet ud. Se, di Rigter stånt voar di Dür.
10Nem, min lew Brödhern! tö en Voarbild van Liden en Geduld di Profeten, diär ön di Herr sin Nōm tö ju spreken ha.
11Se, wü prise dânen lekkelk en selig, diär geduldig sen en ütharre. I hå hjert van Hiobs Geduld, en di Herr sin Jend hå I sen; for di Herr hēd Meliden me ju, en es barmhartig.
12Voar allen Dingen, min Brödhern! swär ek, nogweder bi di Hemmel, of bi di Ord, of me üder Iid. Mar ju Urd: Jå, bliw Jå! en Nån bliw Nån, omdat I ek ön Huggeli fål.
13Es er hokken mung ju ön Liden, di bödige; en geid-t höm gud, da sjung hi Psalmer.
14Es er hokken krånk, di röp di Olderlid ön dit Geminte, omdat ja aur höm bödige, en hi let sik salwe me Oli ön di Herr sin Nom.
15En di Bödig me di Glow skel di Krånk help, en di Herr wel höm aprogt; en wan hi Send dön hēd, skel-t höm foriwen ud.
16Bekän arküder ju Send, en bödige foar arküder, om dat I sünd ud. Di Rogtfardig sin Bödig formai vul, wan-t iärnsthaftig ment es.
17Elias wiär en swak Mensk, alliküs I sen, en hi bödigt en Gebet van Hartensgründ, dat et ek rin skuld, en hat rintj ek üp di Örd ön tri Jår en sogs Mun.
18En hi bödigt jit jens weder, en di Hemmel jaw Rin en di Örd brågt sin Frügt.
19Lew Brödhern! wan er hokken mung ju van di Wårheid ofwikt, sik irret, en hokken bekirt höm.
20Di skel wet, dat hokken en Sender bekirt hed van sin Dwålin üp di forkirt Wei, de hēd en Seel van di Doad holpen, en wel sin Sends Mängde bedakke.
Currently Selected:
Jakobus 5: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
