Hebräer 6
6
Dit 6. Kapitel.
1Diärom wel wü di Begen van di Lir aur dit kristelk Lewent nü aurgung en tö di Volkommenheid fortfår, ek alweder di Gründ li tö di Bekiring van di doad Werken, en van di Glow ön Gott.
2Van di Döp, van di Lir, van Hund üplien, van dit Apstunen van Doaden, en van dit ewig Gerigt.
3En dit wel wü dö, wan Gott dit tölet.
4For hat es ünmögelk, dat dânen, welk jenmål âplägt sen, en di Hemmels Gåw smakt hå, en di hellig Geist dilhaftig uden sen.
5En Gottes gud Urd smakt hå, en di Kraft van di tökommende Wârld.
6Dat ja offallig ud, en wederom jam sallew Gottes Seen krütsige, en foar Spot hoald, dat ja skuld weder apnit ud tö di Bod.#6.6 Bekiring.
7For di Örd, welk di Rin drinkt, diär manningmal djälfalt, en Krüd en Plånten bringt foar danen, welk-s beg, fo Segen, van Gott.
8Mar di Örd, diär Turner en Tistler drait, dogt nönt, en es nai bi di Forflökking, en tölēst ud danen forbronnen.
9Alhurwel wü sa sprēk mut, da hå wü dag, I Lewsten! dit Fortruen tö ju van dit, wat beter es, en di Seligheid bringt.
10For Gott es ek ünrogtfardig, dat hi ju Werken en Årbed ön di Lewde aurit skuld, welk I bewiset ha ön sin Nōm, üs I di Helligen tinet ha, en jit tine.
11Mar wü forlang, dat Ark van ju disallew Flit bewiset, di Höp fast tö hoalden tö Jend tö.
12Dat I ek tråg ud, mar dânen nåföllige, welk dör di Glow en Geduld di Tölöwing ârwe.
13For üs Gott Abraham di Tölöwing jåw, wil hi bi Nemmen, diär gurter wiär, swär kud, da swōr hi bi sik sallew.
14En sprok: Wårelk, ik wel di segene, en di formiäre.
15Üp di Wis hed hi Geduld, en fing di Tölöwing.
16Di Mensken swär wel bi Jen, diär gurter es, üs ja sen, en di Id måket en Jend üp di Strid, en diärbi mut et da fast bliw.
17Mar Gott, wil dat hi di Arwing van di Tölöwing aurleidig bewise wild, dat sin Beslüt ek wanket, hēd hi en Id swären.
18Omdat wü dör tau ünforanderlik Dingen, (for hat es ünmögelk, dat Gott lög kjen), en stark Trost ha, nämelk, dat wü di Töflögt diärtö nommen ha, om di üs önböden Höp fast tö hoalden.
19Di ha wü üs en seker en fast Anker foar üs Seel, welk uk ingeid ön dit Bennerst van di Voarhang.
20Diärhen ging di Voarloper foar üs in, nämelk Jesus, hi es en Hogpröst uden ön Ewigheid, eter di Ordning van Melchisedek.
Currently Selected:
Hebräer 6: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
