Hebräer 5
5
Dit 5. Kapitel.
1For ark Hogpröst, diär mung di Mensken ütnommen es, ud sät foar di Mensken tö Tinst bi Gott, om Gåw en Afer foar di Send tö bringen.
2Diär Meliden hå küd me dânen, diär ünwetend sen, en dwåle, alliküs hi uk sallew van Swakheid önfegt ud.
3Diärom mut hi uk, alliküs foar dit Volk, uk foar sik sallew åwere foar di Send.
4En Nemmen nemt höm sallew di Iär, mar üs di van Gott röpen wåd, alliküs Åron.
5Sa hed uk Kristus ek sik sallew di Iär töleid, om Hogpröst tö uden, mar di, diär tö höm said hēd: Dü best min Seen, delling ha ik di töwonnen.
6Alliküs hi uk ön en üder Steid sprakt: Dü best en Pröst ön Ewigheid, eter di Wis üs Melchisedek.
7En hi hed ön di Dågen van sin Flesk, Bödig en Fleen me gurtem Klagin en Skroalin voar di brågt, diär höm van di Doad reddige küd, en Gott hed uk diäreter hjert ön sin Ungst, wil hi höm ön Iären höld, en sik ön Gott aurjåw.
8En alhurwel hi Gottes Seen wiär, hēd hi dag ön sin Liden harkin lirt.
9En üs hi dit volbrågt hed, es hi al dânen, diär höm harke, di Oarsåk tö di Seligheid uden.
10En hi es van Gott en Hogpröst nämt uden, eter di Wis üs Melchisedek.
11Diärom hed wü wel vul tö forklårin, mar hat es swår, wil I sa trag sen, om tö liren.
12En I, diär al lung al Lirmeisters wis skuld, hå-t alweder nödig, dat em ju di jest Bokstewer van Gottes Urd lir, en dat em ju Molk, en ek hart Iten jewt.
13For Ark, diär Molk faid, es ek bewandert ön dit Urd van di Geregtigheid, for hi es en litj Biären.
14Mar foar danen, diär volkommen sen, passet dit hart Iten, wil ja dör di Unigheid jar Sennen öwet hå, om dit Guds van dit Arigs tö önderskäden.
Currently Selected:
Hebräer 5: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
