Kolosser 1
1
Dit 1. Kapitel.
1Paulus, en Apostel van Jesus Kristus, dör Gottes Wel en Timotheus, di Brödher.
2Ön di Helligen en di glowigen Brödhern ön Kristus, diär ön Kolossä sen. Gnåd wis er me ju, en Fred van Gott, üs Våder, en di Herr Jesus Kristus.
3Wü danke Gott, en di Vader van üs Herr Jesus Kristus en bed altid foar ju.
4Eter dat wü hjert ha van ju Glow ön Jesus Kristus, en van di Lewde tö alle Helligen.
5Foar di Höp, diär ju töleid es ön Hemmel, hurvan I al tövoaren hjert hå dör dit Urd van di Wårheid ön-t Evangilje.
6Wat tö ju kjemmen es, alliküs ön di hile Warld, en es frugtbar, alliküs ön ju, van di Dai of ön, dat I dit hjert hå, en Gottes Gnåd ön di Wårheid kǟnt hå.
7Sa üs I lirt hå van Epafras, üs lew Mearbeder, diär en tru Diner van Kristus es foar ju.
8Diär üs uk ju Lewde ön di Geist forklåret hed.
9Diärom uk wü, van de Dai of ön, üs wü hjert hå, hoald wü ek âp foar ju tö bödigin, en tö bedden, dat I vol ud van di Känels, wat Gottes Wel es, ön al geistelk Wisheid en Forstand.
10Dat I wandelt ön di Wörd, om di Herr tö hågin, en frugtbar wis ön gud Dåden.
11En wugse ön di Känels van Gott, en starkt ud me Kraft, eter sin herrelk Magt, ön al Geduld en Lidsömheid me Frügged.
12En si Dank tö di Våder, diär üs tügtig måket hēd tö dit Arfdil, wat di Helligen ön-t Lägt tösaid es.
13Diär üs reddigt hēd van di Magt ön Junkens, en hed üs forsät ön dit Rik, wat sin lew Seen töhjert.
14Ön welk wü di Loaslising hå dör sin Blöd, nämelk di Foriwing van Send.
15Welk dit Iwenbild van di ünsigtbår Gott es, di Jestgeboren van alle Kreaturen.#1.15 Skåpninger.
16For dör höm es Alles skåpen, wat ön Hemmel en üp di Örd es, dit Sigtbåre en dit Ünsigtbåre, bid di Tronen en Herskeppen, en Förstendommen, en Obrigheiden: hat es Alles dör höm en tö höm skåpen.
17En hi es voar alle Dinge wessen, en Alles bestånt dör höm.
18En hi es dit Haupt (Haud) van di Likhäm, nämelk dit Geminte, welk di Begen es en di Jestgeboren van di Doaden, om dat hi ön alle Dinge di jest Rang hå skuld.
19For hat hēd di Våders Welhågin wessen, dat ön höm di Volheid une skuld.
20En dat hi Frēd måket dör dit Blöd ön sin Krüts, dör sik sallew, en alle Dinge dör höm forsönet wåd tö höm sallew, hat mai üp di Örd, of ön Hemmel wis.
21En ju, diär I jer främed en findsk wiär, dör di Forstand ön arig Dåden.
22Hed hi nü forsönet me di Likhäm van sin Flēsk, dör do Doad, omdat hi ju henstelt, hellig en stråffri, en sönder dat I beskildjigt ud.
23Wan I ön di Glow bliwt, fast ön di Gründ, en pal ön di Höp van-t Evangilje, wat I hjert hå, wat tö alle Kreaturen prötjet uden es, diär önder di Hemmel sen, bi welk ik Paulus en Diner uden sen.
24Nü frügge ik mi ön min Liden, wat ik foar ju lid, en måke dit vol, hur-t jit wånt ön Bedrüwwetheid ön Kristus, foar sin Likhäm, welk dit Geminte es.
25Huns Diner ik uden sen, eter dit Pröst-Amt van Gott, wat mi iwen es foar ju, omdat ik Gottes Urd rikkelk prötje skel.
26Nämelk dit Hjemmelkheid, wat forborgen wessen hed van Wârlds Begen of ön, en ön di Tid van Stam tö Stam, mar nü ipenbåret es foar alle Helligen.
27Welk Gott bekänt måke wild, wat di herrelk Rikdom van di Hjemmelkheid mung di Heiden es, welk Kristus ön ju es, en hi es di Höpning van di Herligheid.
28Disallew forkindjige wü, en formåne alle Mensken, en lir alle Mensken, me al Wisheid, omdat wü ark Mensk henstel volkommen ön Kristus Jesus.
29Diärön ik uk årbede en ring, eter di Wirking van di diär ön mi wirket me Kraft.
Currently Selected:
Kolosser 1: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
