2 Korinther 3
3
Dit 3. Kapitel.
1Begen wü da weder, üs sallew tö prisin? Of ha wü, üs Sommen, Önbefalingsbrewer ön ju, of Önbefalingsbrewer van ju?
2I sen üs Bref, ön üs Hart skrewwen, diär alle Mensken bekänt es, en van alle lesen ud.
3I ha dit bewiset, dat I en Bref van Kristus sen, klår måket van üs dör üs Tinst, en van üs skrewwen, ek me Blak, mar me di Geist van di Lewendig Gott, ek üp stinen Tafeln mar üp di Flesk Tafeln ön-t Hart.
4Sa'n Fortruen ha wü dör Kristus tö Gott.
5Ek dat wü dügtig sen van üs sallew, wat tö tänken, allik van üs sallew, mar wat wü dügtig sen, es van Gott.
6Diär üs dügtig måket hed, dit Amt van-t ni Testament tö betinin, ek me Bokstewer, mar me di Geist. For di Bokstewer doadige, mar di Geist måket lewendig.
7Mar wan dit Amt, wat dör di Bokstewer di Doad bringt, en üp di stinen Tafeln skrewwen es, Klårheid hed, sa dat Israels Biärner Moses Ansegt ek önlukke küd aur di Klårheid ön sin Ansegt, diär dag aphjert.
8Hur skuld ek vulmoar dit Amt, wat di Geist jewt, ek Klarheid ha?
9For wan dit Amt, wat di Fordamnis forkindjigt, Klårheid hed, da hed dit Amt, wat di Rogtfardigheid forkindjigt aurflödig Klårheid.
10For uk dit Dil, wat Klårheid hed, es ek üs Klårheid tö agten, tögen di aurflödig Klårheid.
11For wan dit Klårheid hēd, wat forgeid, da skel dit vulmoar Klårheid ha, wat blewt.
12Aurdat wü nü sa-n Höp ha, da brük wü vul Frimudigheid ön-t Spreken.
13En wü dö ek üs Moses, diär di Dek voar sin Ansegt hinget, omdat Israels Biärner ek dit, wat ofskaffet ud skuld, se küd, jer dat di Jend diär wiär.
14Mar jår Sen es forstokket. For hen tö delling tö blewt blewt disallew Dēk aur dit oald Testament hingin, wan ja dit les, wat dör Kristus aphewen ud.
15Mar hen tö dös Dai wan Moses lesen ud, lidt di Dek üp jar Hart.
16Mar wan ja jam bekir tö di Herr, da ud di Dek ofnommen.
17For di Herr es di Geist. En hur di Herr sin Geist es, diär es Friheid.
18Ön üs al speilet sik di Klårheid van di Herr, me bloat Ansegt, en wü ud eter ditsallew Bild forwandelt, van jen Klårheid tö di Üder, üs van di Herr sin Geist.
Currently Selected:
2 Korinther 3: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
