2 Korinther 2
2
Dit 2. Kapitel.
1Mar ik hå dit bi mi sallew mi voarnommen, omdat ik ek weder ön Bedrüwwing tö ju kam.
2For wan ik ju bedrüwwet måket, hokken est, diär mi blid måket, üs di sallew, welk van mi bedrüwwet wad.
3En dit sallew hå ik ju skrewwen, omdat ik ek, wan ik kam, bedrüwwet wis måst, aur danen, aur hokken ik mi frügge skuld. Ik forlet mi tö ju diärüp, dat min Frügged uk Frügged foar ju al es.
4For ik skrew ju ön gurt Trungheid en Benautheid ön min Hart, me vul Toaren, ek omdat I bedrüwwet ud skuld, mar omdat I di Lewde kän skuld, welk ik senderlik tö ju ha.
5Wan er hokken en Bedrüwwing önrogt hed, di hed ek mi bedrüwwet üs en Dil, mar om ek tö vul tö sien, ju al.
6Mar hat es nog, dat hi van sa Vulen sa strafet uden es.
7Dat I höm nü metjens om sa vul lewwer foriw, en tröste, omdat hi ek dör oltergurt Kemmer ön-t Sörin komt.
8Diärom bed ik ju, dat I höm di Lewde bewise.
9For diärom ha ik ju uk skrewwen, om ju tö prowin, of I rogtskaffen sen, en ön alle Dingen hold harke wel.
10Hokken I wat foriw, höm foriw ik uk. For wan ik hokken wat foriw, dit foriw ik om ju wel, ön Steid van Kristus.
11Omdat di Satan ek di Voardil diärvan faid. For sin Önslaggen sen üs ek bekänt.
12Mar üs ik tö Troada kam, om dit Evangilje van Kristus tö prötjin, en mi en Dür ipenmaket wiär ön di Herr,
13Hed ik nin Ru ön min Geist, aurdat ik Titus, min Brödher, ek foand; mar ik nom Ofskid me jam en foar na Macedonien.
14Mar Gott se Dank, diät üs altid Sig jewt ön Kristus, en di Harem van sin Känels dör üs aural forbredet.
15For wü sen Gott en gud Harem van Kristus, bid mung danen, diär selig ud, en mung dânen, diär forlesen gung.
16Dössen en Doadhârm tö di Doad, di Üdern en Hârm van Lewent tö dit Lewent. En hokken es diärtö dügtig?
17For wü sen ek sokken, üs Sommen vul, diär Gotts-Urd forfälske, mar ön Aprogtigheid, en üt Gott, voar Gott, sprek wü ön Kristus.
Currently Selected:
2 Korinther 2: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
