1 Johannes 4
4
Dit 4. Kapitel.
1I Lewsten! liw ek ark Geist, mar prowe di Geister, ofs van Gott sen; for diär sen vul falsk Profeten ütgingen ön di Warld.
2Diärbi skel I Gottes Geist kän. Ark Geist, diär bekänt, dat Jesus Kristus es ön dit Flesk kjemmen, di es van Gott.
3En ark Geist, diär ek bekänt, dat Jesus Kristus ön dit Flesk kjemmen es, di es ek van Gott. En dit es di Geist van di Tögenkrist, van welk I hjert ha, dat hi kom skel, en hi es nü al ön di Warld.
4Min Biärner! I sen van Gott, en ha jam aurwonnen; for di diär ön ju es, es gurter üs di, welk ön di Warld es.
5Ja sen van di Warld, diärom sprek ja van di Warld, en di warld hjert jam.
6Wü sen van Gott, en hokken Gott kant, di hjert üs; hokken ek van Gott es, di hjert üs ek. Diärbi kän wü di Geist van di Wårheid, en di Geist van di Dwåling.
7Min Lewsten! let üs arküder lew ha; for di Lewde es van Gott; en hokken lew hed, di es üt Gott geboren en känt Gott.
8Hokken ek lew hed, di känt Gott ek; for Gott es di Lewde.
9Diärön hed Gottes Lewde tögen üs sik ipenbaret, dat Gott sin iningst geboren Seen stjürt hed ön di Warld, om dat wü dör höm lewwe skel.
10Diärön bestånt di Lewde: ek, dat wü Gott lew hed; mar, dat Gott üs lew hed, en sin Seen stjürt hēd tö en Forsöning foar üs Send.
11I Lewsten! hēd Gott üs sa lew hed, da skel wu uk arküder lew ha.
12Nemmen hed Gott bi sin Tid jens sen. Wan wü arküder lew hå, da blewt Gott ön üs, en sin Lewde es volâp ön üs.
13Diärbi kän wü dit, dat wü ön höm bliw, en hi ön üs, wil hi üs van sin Geist iwen hēd.
14En wü hå-t sen, en betjüg dit, dat di Våder di Seen stjürt hed tö en Seligmåker foar di Warld.
15Hokken nü bekänt, dat Jesus Gottes Seen es, ön höm blewt Gott, en hi ön Gott.
16En wü hå di Lewde känen lirt, en liw diärön, welk Gott tö üs hed. Gott es di Lewde, en diär ön di Lewde blewt, di blewt ön Gott, en Gott ön höm.
17Diärön es di Lewde volkommen bi üs, omdat wü Üp di Gerigtdai en früggelk Fortruen ha, for alliküs hi es, sa sen wü uk ön dös Warld.
18Fürgt es ek ön di Lewde, mar di vol Lewde drewt di Fürgt üt; for di Fürgt hed Pin. Hokken sik fürgt di es ek volkommen ön di Lewde.
19Let üs höm lew hå, for hi hēd üs jest lew hed.
20Wan er hokken said: Ik hå Gott lew, en håtet sin Brödher, di es en Lögner. For hokken sin Brödher ek lew hēd, diär hi sjogt, hur kjen hi Gott lew ha, diär hi ek sjogt?
21En dit Gebot hå wü van höm; dat hokken Gott lew hed, di hēd uk sin Brödher lew.
Currently Selected:
1 Johannes 4: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
