1 Johannes 2
2
Dit 2. Kapitel.
1Min Biärner! Ik skriw ju dit, omdat I ju ek forsendige. En wan er hokken sik forsendigt hed, da ha wü en Voarspreker bi di Vader, Jesus Kristus, diär rogtfârdig es.
2En hi es di Forsöning foar üs Send, mar ek alining foar üs Send, mar uk foar di Send van di hile Wârld.
3En diärbi mark wü, dat wü höm kän, wan wü sin Geboten hoald.
4Hokken said, ik kan höm, en halt sin Geboten ek, di es en Lögner, en ön höm es di Wårheid ek.
5Mar hokken sin Urd halt, ön höm es wårelk di Lewde tö Gott volkommen. Diärbi kan wü, dat wü ön höm sen.
6Hokken said, dat hi ön höm blewt, di skel uk wandele, alliküs hi uk wandelt hed.
7Brödhern! Ik skriw ju ek en ni Gebot, mar dit oald Gebot, wat I van jest Begen of ön hed hå. Dit oald Gebot es dit Urd, wat I van jest Begen of ön hjert hå.
8Alweder skriw ik ju en ni Gebot, wat wårhaftig es bi höm en bi ju; for dit Junkens es weggingen, en dit wårhaftig Lägt skintj nü.
9Hokken said, hi es ön-t Lägt, en håtet sin Brödher, di es jit ön Junkens.
10Hokken sin Brödher lew hēd, di blewt önt Lägt, en diär es nin Argernis ön höm.
11Mar hokken sin Brödher håtet, di es ön Junkens, en wandelt ön Junkens, en wēt ek, hur hi hengeid; for dit Junkens hēd sin Ogen forblǟndt.
12Lew Biärner! Ik skriw ön ju, dat ju di Send foriwen ud dör sin Nom.
13Ik skriw ju, Väders! for I hå höm känt, diär van Begen of ön es. Ik skriw ön ju, I Junglid! For I ha dit Arig aurwonnen. Ik skriw ön ju, I Biärner! for I kän di Våder.
14Ik hå ön ju Väders skrewwen, for I hå höm känt, diär van Begen of ön es. Ik hå ön ju, I Junglid skrewwen, wil I stark sen, en Gotts Urd bi ju blewt, en dat I di Arig aurwonnen ha.
15Hå di Warld ek lew, nog wat ön di Warld es. Wan er hokken di Warld lew hed, ön höm es ek di Lewde tö di Våder.
16For Alles, wat ön di Warld es, nämelk di Lest ön-t Flesk, en Ogen-Lest, en di Lewents Hogfârdigheid, es ek van di Våder, mar van di Warld.
17En di Warld forgeid me sin Lest, mar hokken Gottes Wel däd, di blewt ön Ewigheid.
18Biärner! Hat es di lēst Stünd, en üs I hjert ha, dat di Tögenkrist komt, sa sen er nü vul Tögenkristen uden; diäraur wēt wü, dat et di lēst Stünd es.
19Ja sen van üs ütgingen, mar ja wiär ek van üs; for wan ja van üs wessen hed, da wiär ja bi üs blewwen; mar hat skuld ipenbar ud, dat ja ek al van üs sen.
20En I ha di Salwing van di, diär hellig es, en I wet Alles.
21Ik ha ju ek skrewwen, allikĂĽs dat I di WĂĄrheid wust, mar omdat I wet, dat er nin Lain ĂĽt di WĂĄrheid komt.
22Hokken es en Lögner, üs di diär lögnet, dat Jesus di Krist es. Dit es di Tögenkrist, diär di Våder en di Seen lögnet.
23Hokken di Seen lögnet, di hed ek uk de Våder.
24Wat I nü van jest Begen of ön hjert ha, dit bliw bi ju. Wan dit bi ju blewt, wat I van jest Begen of ön hjert ha, da skel I uk bi di Seen en di Vader bliw.
25En dit es di Tölöwing, wat hi üs tölöwet hēd, /nämelk/ dit ewig Lewent.
26Döt ha ik ju skrewwen van danen, diär ju forför.
27En di Salwing#2.27 Inwiing. welk I van höm fingen hå, blewt bi ju; en I hå-t ek nödig, dat er ju hokken lirt; mar alliküs di Salwing Alles lirt, da es dit Wårheid en nin Lögen; en alliküs hi ju lirt hēd, sa skel I diärbi bliw.
28En nü, Biärnkes! bliw bi höm, omdat, wan hi ipenbåret ud, dat wü en früggelk Tötruen ha, en ek tö Skand ud voar höm bi sin Tökomst.
29Wan I wēt, dat hi rogtfardig es, da wēt uk, dat hokken rogt däd, di es van höm geboren.
Currently Selected:
1 Johannes 2: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
