1 Korinther 1
1
Dit 1. Kapitel.
1Paulus, beröpen tö Apostel van Jesus Kristus, dör Gottes Wel, en Brödher Sosthenes.
2Dit Geminte Gottes ön Korinth, di Helligten ön Kristus Jesus, di beröpenen Helligen, samt al danen, diär üs Herr Jesus Kristus sin Nom önröp, ön al jår, en üs Plåtsen.
3Gnad en Fred wis me ju van Gott, üs Våder, en di Herr Jesus Kristus Jesus.
4Ik danke min Gott langsen om ju wel, vanwegen Gottes Gnade, diär ju iwen es ön Kristus Jesus.
5Dat I dör höm rik uden sen ön di hile Lir en ön al Wetenskep.
6Alliküs di Prötji van Kristus ön ju kraftig uden es.
7Sa dat I nin Mangel ha om en iningst Gaw, en tew man üp di Ipenbåring van üs Herr Jesus Kristus.
8Hi wel ju uk fasthoald bet tö Jend tö, om ek stråfbår tö wisen üp üs Herr Jesus Kristus sin Dai.
9For Gott es tru, dör höm sen I beröpen tö di Geminskep me sin Seen Jesus Kristus, üs Herr.
10Mar ik formåne ju, lew Brödhem! dör üs Herr Jesus Kristus sin Nom, dat I altermål likdelling bekän, en let nin Forskel mung ju wis, mar hoald me arküder fast töhop, wis jens Sens, ön jen en disallew Mining.
11For hat es mi said uden, lew Brödhern! van danen üt Chloes Hüs, dat I Strid mung arküder ha.
12Ik si diärvan, dat er mung ju di Jen sprakt: Ik hoald-t me Paulus, di Üder, ik hoald-t me Apollo, di träd, ik hoald-t me Kefas, di viärt, ik hoald-t me Kristus.
13Es Kristus da nü dilet? Es Paulus da foar ju krütsigt? Of sen I ön Paulus sin Nom kressent uden?
14Ik danke Gott, dat ik Nemmen van ju kressent hå, voarbütten Crispus en Gajus.
15Omdat er ek hokken si mai, ik hed üp min Nom kressent.
16Mar ik ha di Lid ön Stefanus Hüs kressent; firder wet ik ek, of ik hok Üdern kressent hå.
17For Kristus hed mi ek stjürt, om tö döpin, mar om dit Evangilje tö forkindigen; en me klok Urden, omdat Kristus Krüts ek di Kraft diäraur forlast.
18For dit Urd van dit Krüts es Tabigheid foar danen, welk forlesen gung; mar foar üs, diär behölden sen, om selig tö uden, es dit en Kraft van Gott.
19For diär stånt skrewwen: Ik wel di Wissen jår Wetenskap tö nönt make; en di Forständigen jår Forstand nönt rekene.
20Hur sen di Wissen? Hur sen di Skreftlirten? Hur sen di Wârlds kloken? Hed Gott ek di Warlds Klokheid tö Tabigheid maket?
21For wil di Warld dör hör Wisheid Gott ön sin Wisheid ek küd, håget et Gott wel, dör tåbig Prötji al dânen selig tö måkin, welk diärön liw.
22Voaral diäraur, dat di Juden Teken forlang, en di Griken om Wisheid fråge.
23Mar wü prötje di krütsigt Kristus, foar di Juden en Argernis, en foar di Griken Döwigheid.
24Mar danen, diär beröpen sen, bid Juden en Griken prötje wü Kristus, Kraft van Gott en Wisheid van Gott.
25For Gottes Döwigheid es wisser üs di Mensken sen; en Gottes Swakheid es starker üs di Mensken sen.
26Betänk, lew Brödhem! watfoar hokken I sen ön ju Berōp: dat I ek vul wis sen eter dit Flesk, ek vul Gewaltigen, ek vul Voarnemmen.
27Mar wat tåbig es voar di Warld, dit hed Gott ütwälet, omdat hi de Wisen tö Skand måket; en wat swak es voar di Warld, dit hēd hi ütwälet, omdat hi tö Skand måket, wat stark es.
28En di Nederigen voar di Warld, en dit Foragtelk hēd Gott ütwälet, en dit, wat nönt es, omdat hi tö nönt maket, wat voarnem wis wel.
29Omdat voar höm sik nin Flesk römet.
30Van höm stamme I of on Kristus Jesus, diar us van Gott måket es tö Wisheid, en Geregtigheid, en tö Helligmaking, en tö Oflösing.
31Omdat et es, alliküs er skrewwen stånt, hokken sik römet, di röme sik ön di Herr.
Currently Selected:
1 Korinther 1: NFNT
Highlight
Copy
Compare
Share
Want to have your highlights saved across all your devices? Sign up or sign in
Translated by Peter Michael Clemens (1804-1870)
