1 Korinther 2
2
Dit 2 Kapitel.
1En ik, lew Brödhem! diär ik tö ju kâm, kâm ik ek me hōg Urden, of hog Wisheid, om ju di Tjügnissen van Gott tö forkindigen.
2For ik höld mi ek diärfoar, dat ik mung ju wat wust, voarbütten Jesus Kristus, diär krütsigt uden wiär.
3En ik wiär bi ju ön Swakheid, en ön Fürgt en me vul Sjilwin.
4En min Rede en min Prötji wiär sönder Könst van menskelk Wisheid, mar en Bewis van Geist en Kraft.
5Omdat ju Glow bestånt, ek üp menskelk Wisheid, mar üp Gottes Kraft.
6Wat wü sprēk, dit es dag Wisheid bi danen, diär moar fåte kjen; ek en Wisheid van dös Warld, uk ek van di Oppersten üp dös Warld, diär forgung.
7Mar wü rede van di hjemmelk forborgen Wisheid van Gott, welk Gott forordnet hed voar di Warld, tö üs Herligheid.
8Welk Nemmen van di Oppersten üp Warld küd hå. For wan ja di küd hed, da hed ja di Herr der Herligheid ek krütsigt.
9Mar üs er skrewwen stånt: Wat nin Oog sen hed, en nin Oar hjert hed, en wat ön nin Menskens Hart kjemmen es, dit hēd Gott dânen töred måket, diär höm lew ha.
10Mar üs hēd Gott dit ipenbåret dör sin Geist, for sin Geist dörskauet alle Dinge, uk di Dipen ön Gott.
11For watfoar en Mensk wēt, wat ön di Mensk es, voarbütten di Mensk sin Geist, welk ön höm es? Sa wet er uk Nemmen, wat ön Gott es, voarbütten Gottes Geist.
12Mar wü ha di Geist van di Warld ek fingen, mar di Geist van Gott, omdat wü wēt kjen, wat üs van Gott iwen es.
13Wat wü uk rede, ek me Urder, welk menskelk Wisheid lir kjen, mar me Urder, welk di hellig Geist lirt, en måket geistelk Såken düdelk me geistelk Urder.
14Di natürelk Mensk begrept nönt van Gottes Geist, hat es höm Tåbigheid, hi kjen dit ek fate, for hat mut geistelk forstönden wis.
15Di geistelk Mensk kjen Alles beordile, en hi ud van Nemmen beordilet.
16For hokken hēd di Hen sin Sen känt? Of hokken wel höm wat lir? Mar wü hå Christus sin Sen.
Currently Selected:
1 Korinther 2: NFNT
Highlight
Copy
Compare
Share
Want to have your highlights saved across all your devices? Sign up or sign in
Translated by Peter Michael Clemens (1804-1870)
