Hakalia 9
9
Ko te Fakamahinoga o nā Mālō e Tuākoi kia Ihalaelu
1 #
Iha 17.1-3; Iel 49.23-27; Amo 1.3-5 #
Iha 23.1-18; Ehk 26.1—28.26; Ioe 3.4-8; Amo 1.9-10; Mat 11.21-22; Luk 10.13-14 He folafolaga o te fekau mai te Aliki:
Ko te Aliki ka nofo i Hatalaka,
ma i te kakai ko Tamaheko.
E moni lava ko ona mata e i luga
o tagata ola uma ma puikāiga o Ihalaelu.#9.1 ona mata… o Ihalaelu pe te kakai lahi o Hulia e o te Aliki e vēnā foki ma nā puikāiga uma o Ihalaelu
2Ko Hamata foki, tēia e tuākoi kia Hatalaka,
vēnā ma Tulo ma Haitonu, e o te Aliki foki
fakatahi ma to lātou popoto.
3Kua fau e Tulo he olo mālohi mo ia,
ma fakaputu te hiliva e vē ko te pefu,
ma te aulo e vē ko te palapala o te auala.
4Kae ka kave kehe e te Aliki ana meatōtino uma,
ma fakahēaogā tona mālohi i luga o te tai,#9.4 fakahēaogā… te tai pe fakagōgoto tona fuāvaka
ma ka fakaumatia ia i he afi.
5 #
Iha 14.29-31; Iel 47.1-7; Ehk 25.15-17; Ioe 3.4-8; Amo 1.6-8; Hef 2.4-7 Ka kitea e Ahekelona te mea tēnei ma ia lagona te mataku;
ko Kaha ka mīgoigoi i te popole lahi,
ma Ekelona foki, auā ko tona fakamoemoe ka mou atu.
Ko te tupu o Kaha ka tāmate;
ko Ahekelona ka hē toe nofoia.
6Ko nā tino lanu fefiloi ka nonofo i Ahatota.
Kua vāgana te Aliki,
“Ka fakamuta e au te fiahili o nā tino Filihitia.
7Ka hē toe kakai kilātou ki nā kanofi manu e iei te toto,
pe ko iētahi meakai e hē mamā.#9.7 I nā tu tau tāpuakiga
Ko kilātou e totoe ka kavea mo te Atua
ka kavea ko he kaukāiga o Iuta,
ma ko Ekelona ka vē ko nā tino o ha-Iepuhī.#9.7 ha-Iepuhī Ko nā tino muamua na nonofo i Ieluhalema, ma na fai ma kaukauna a Tavita i te pukega e ia o te kakai
8Kae ko au ka tū oi leoleo toku fale,
ke puipui mai nā kautau e ōmamai ke ohofaki.
Ka hē toe iei lele he tino ke fakahāuā ki oku tagata,
auā i te taimi nei, e kō leoleoa kilātou.”
Ko te Tupu i te Lumanaki
9 #
Mat 21.5; Ioa 12.15 Fiafia ma olioli, afafine e o Hiona!
Fai kōlolou, afafine e o Ieluhalema!
Kikila, ko te tupu o koutou e hau kia te koutou.
E faimeatonu ma e ia te ia te fakaolataga;
e loto maulalo ma e tiketike i he āhini,
i he punua āhini poa, te punua a he āhini.
10 #
Hal 72.8
Kua vāgana te Aliki,
“Ka kō kave kehea nā kaliota mai Efalaima,
vēnā ma nā holofanua tau mai Ieluhalema,
ma ko nā kaufana o te taua ka tagau lua.
Ko te tupu o koutou ka ia fakatupua te fīlēmū i nā mālō uma.
Ko tana pule ka fanatu mai te tai ki te tai,
ma mai te Vaitafe#9.10 Eufilate ki te gataga o te lalolagi.
11 #
Eho 24.8
Kae vē la kia te koe, ona ko taku feagaiga ma koe,
tēia na fakamautū i te toto o nā tāulaga,
ka tatala ai e au nā pāgotā o koe
mai te lua mātūtū o te fakaaunukuga.”
Ko Tagata o te Atua ka toe Foki ki Kāiga
12Kua vāgana te Aliki,
“Toe foki mai, koutou na fakaaunukua ma kua iei te fakamoemoe;
toe foki mai ki te koutou nofoaga haogalēmū.
Nei, e lea atu au kia te koutou,
ka fakaluagia te kō toe totogia o koutou
i nā fakamanuiaga, mo nā puapuagā uma na maua ai koutou.
13Ka fakaaogā e au ia Iuta e vē ona fakaaogā e au he kaufana,
ma Efalaima e vē he āū.
Ka fakaaogā e au ia ataliki o Hiona e vē he pelu,
ke ohofaki ai ia ataliki o Eleni,
ma fakanainai koe e vē he pelu a he toa.”
14Oi ka kitea atu ai te Aliki i luga o ona tagata;
ko tana āū ka vē ko te kemo o te uila.
Ko te Aliki te Atua ka ilia te pu;
ma fano ki mua i loto i nā āhiohio mai haute.
15Ko te Aliki o Kautau o te Lagi ka puipuia ona tagata,
ma ka kilātou kaia ma holia ki lalo o lātou fili ma a lātou uatogi.
Ka kilātou inua o lātou toto e vē he uaina,
ma ka tūtumu ai kilātou e vē he pēhini,
ma palahuhū e vē ko nā tulimanu o te fata faitāulaga.
16I te aho tēnā, ka lāveaki e te Aliki ona tagata
e vē he leoleomāmoe e lāveakia tana lafumāmoe.
Auā e vē ko nā fatu tāua o he palealiki
ka pāgilagila kilātou i tona fenua.
17Kai te gali ma te mānaia o te mea ka pa kilātou ki ei!
Ko te haito ka ola mākekeke ai ona taumalo,
ma te uaina fōu ona tautiti.
Currently Selected:
Hakalia 9: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Hakalia 9
9
Ko te Fakamahinoga o nā Mālō e Tuākoi kia Ihalaelu
1 #
Iha 17.1-3; Iel 49.23-27; Amo 1.3-5 #
Iha 23.1-18; Ehk 26.1—28.26; Ioe 3.4-8; Amo 1.9-10; Mat 11.21-22; Luk 10.13-14 He folafolaga o te fekau mai te Aliki:
Ko te Aliki ka nofo i Hatalaka,
ma i te kakai ko Tamaheko.
E moni lava ko ona mata e i luga
o tagata ola uma ma puikāiga o Ihalaelu.#9.1 ona mata… o Ihalaelu pe te kakai lahi o Hulia e o te Aliki e vēnā foki ma nā puikāiga uma o Ihalaelu
2Ko Hamata foki, tēia e tuākoi kia Hatalaka,
vēnā ma Tulo ma Haitonu, e o te Aliki foki
fakatahi ma to lātou popoto.
3Kua fau e Tulo he olo mālohi mo ia,
ma fakaputu te hiliva e vē ko te pefu,
ma te aulo e vē ko te palapala o te auala.
4Kae ka kave kehe e te Aliki ana meatōtino uma,
ma fakahēaogā tona mālohi i luga o te tai,#9.4 fakahēaogā… te tai pe fakagōgoto tona fuāvaka
ma ka fakaumatia ia i he afi.
5 #
Iha 14.29-31; Iel 47.1-7; Ehk 25.15-17; Ioe 3.4-8; Amo 1.6-8; Hef 2.4-7 Ka kitea e Ahekelona te mea tēnei ma ia lagona te mataku;
ko Kaha ka mīgoigoi i te popole lahi,
ma Ekelona foki, auā ko tona fakamoemoe ka mou atu.
Ko te tupu o Kaha ka tāmate;
ko Ahekelona ka hē toe nofoia.
6Ko nā tino lanu fefiloi ka nonofo i Ahatota.
Kua vāgana te Aliki,
“Ka fakamuta e au te fiahili o nā tino Filihitia.
7Ka hē toe kakai kilātou ki nā kanofi manu e iei te toto,
pe ko iētahi meakai e hē mamā.#9.7 I nā tu tau tāpuakiga
Ko kilātou e totoe ka kavea mo te Atua
ka kavea ko he kaukāiga o Iuta,
ma ko Ekelona ka vē ko nā tino o ha-Iepuhī.#9.7 ha-Iepuhī Ko nā tino muamua na nonofo i Ieluhalema, ma na fai ma kaukauna a Tavita i te pukega e ia o te kakai
8Kae ko au ka tū oi leoleo toku fale,
ke puipui mai nā kautau e ōmamai ke ohofaki.
Ka hē toe iei lele he tino ke fakahāuā ki oku tagata,
auā i te taimi nei, e kō leoleoa kilātou.”
Ko te Tupu i te Lumanaki
9 #
Mat 21.5; Ioa 12.15 Fiafia ma olioli, afafine e o Hiona!
Fai kōlolou, afafine e o Ieluhalema!
Kikila, ko te tupu o koutou e hau kia te koutou.
E faimeatonu ma e ia te ia te fakaolataga;
e loto maulalo ma e tiketike i he āhini,
i he punua āhini poa, te punua a he āhini.
10 #
Hal 72.8
Kua vāgana te Aliki,
“Ka kō kave kehea nā kaliota mai Efalaima,
vēnā ma nā holofanua tau mai Ieluhalema,
ma ko nā kaufana o te taua ka tagau lua.
Ko te tupu o koutou ka ia fakatupua te fīlēmū i nā mālō uma.
Ko tana pule ka fanatu mai te tai ki te tai,
ma mai te Vaitafe#9.10 Eufilate ki te gataga o te lalolagi.
11 #
Eho 24.8
Kae vē la kia te koe, ona ko taku feagaiga ma koe,
tēia na fakamautū i te toto o nā tāulaga,
ka tatala ai e au nā pāgotā o koe
mai te lua mātūtū o te fakaaunukuga.”
Ko Tagata o te Atua ka toe Foki ki Kāiga
12Kua vāgana te Aliki,
“Toe foki mai, koutou na fakaaunukua ma kua iei te fakamoemoe;
toe foki mai ki te koutou nofoaga haogalēmū.
Nei, e lea atu au kia te koutou,
ka fakaluagia te kō toe totogia o koutou
i nā fakamanuiaga, mo nā puapuagā uma na maua ai koutou.
13Ka fakaaogā e au ia Iuta e vē ona fakaaogā e au he kaufana,
ma Efalaima e vē he āū.
Ka fakaaogā e au ia ataliki o Hiona e vē he pelu,
ke ohofaki ai ia ataliki o Eleni,
ma fakanainai koe e vē he pelu a he toa.”
14Oi ka kitea atu ai te Aliki i luga o ona tagata;
ko tana āū ka vē ko te kemo o te uila.
Ko te Aliki te Atua ka ilia te pu;
ma fano ki mua i loto i nā āhiohio mai haute.
15Ko te Aliki o Kautau o te Lagi ka puipuia ona tagata,
ma ka kilātou kaia ma holia ki lalo o lātou fili ma a lātou uatogi.
Ka kilātou inua o lātou toto e vē he uaina,
ma ka tūtumu ai kilātou e vē he pēhini,
ma palahuhū e vē ko nā tulimanu o te fata faitāulaga.
16I te aho tēnā, ka lāveaki e te Aliki ona tagata
e vē he leoleomāmoe e lāveakia tana lafumāmoe.
Auā e vē ko nā fatu tāua o he palealiki
ka pāgilagila kilātou i tona fenua.
17Kai te gali ma te mānaia o te mea ka pa kilātou ki ei!
Ko te haito ka ola mākekeke ai ona taumalo,
ma te uaina fōu ona tautiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust