Hakalia 8
8
Ko nā Folafolaga a te Atua kia Hiona
1Ko te kupu a te Aliki o Kautau o te Lagi na hau kia Hakalia:
2“Ko au e fuā lele kia Hiona, ma e mū i toku tōkahā#8.2 fuā lele… toku tōkahā pe alofa lahi… alofa kia te ia. 3Ko au ka toe foki ki Hiona ma nofo i te mea e iei ia tagata i Ieluhalema. Ma ko Ieluhalema ka fakaigoa ko te kakai fakamāoni, ma ko te mauga o te Aliki o Kautau o te Lagi#8.3 mauga o te Aliki o Kautau o te Lagi Mauga ko Hiona (kikila ki Hiona i te Lihi o nā Kupu) ka fakaigoa ko te mauga paia. 4Ma ko nā toeaina ma lōmātutua kua mātutua lele, ka toe nonofo i nā malae ma i nā auala o Ieluhalema, e tofu ma te tokotoko i te lima. 5Ma ko nā auala foki o te kakai ka tumu i tama ma teine e fai tāfaoga i luga.”
6Kua vāgana te Aliki o Kautau o te Lagi: “Ko nā mea uma iēnei e ono matuā faigatā lava, i te kikila a kilātou na totoe o nā tino iēnei, kae e hē faigatā ia te au. 7Ka lāveaki e au oku tagata mai nā tino o nā mālō i hahae ma nā mālō i hihifo; 8ma ka toe kaumai e au kilātou ke nonofo i Ieluhalema. Ka kavea kilātou ma oku nuku ma ka fai au ma o lātou Atua, ma ka fakatino taku pule i te fakamāoni ma te āmiotonu.”
9Kua vāgana te Aliki o Kautau o te Lagi: “Koutou ke lima mākekeke, koutou iēnā e hēki mataloa atu he taimi, na fakalogo ai koutou ki nā kupu iēnei mai nā gutu o nā pelofeta, i te taimi na fakatātia ai te fakavae mo te toe fakafōuga o te Mālumalu, te fale o te Aliki o Kautau o te Lagi. 10Ka ko hēki pa ki te taimi tēnā, nae hēai ni gāluega, pe ni tupe ke totogi ai ni tino pe ni manu ke faia nā gāluega. E hēai he tino nae haogalēmū ona ko nā fili o kilātou, ma ona na kō faia ke hē lelei te vā o tētahi ki tētahi. 11Kae i te taimi nei, ka hē kō faia ki nā tino Ihalaelu na totoe e vē ona kō faia i nā aho kua teka,” kua vāgana ai te Aliki o Kautau o te Lagi.
12“Ka totō nā fātoaga ma te haogalēmū, ko nā vine ka fua lahi, ma lahi te fuata mai nā fātoaga; ka liligi ifo te hau ki te kelekele; ma ka kō faia ke maua e nā tino Ihalaelu na totoe, nā mea uma iēnei. 13E vē ona māhani oi fakaaogā e nā mālō nā igoa o koulua, Ihalaelu ma Iuta, ma kupu fakamālaia, oi ko koulua ka kō lāveakia ma ka kavea ma fakamanuiaga. Nahe koutou mātataku, kae lima mākekeke.”
14Kua vāgana te Aliki o Kautau o te Lagi: “E vē ona fuafua e au ke kaumai nā puapuagā ki luga o koutou, i te kua fakatupu e nā tupuna o koutou toku ita, ma na hēki huia lele toku māfaufau. 15I te taimi foki la nei, kua fuafua e au ke toe fai nā mea lelei kia Ieluhalema ma Iuta. Ia koutou la nahe mātataku. 16#Efe 4.25Ko nā mea iēnei e tatau ke fai e koutou: Tautala tētahi ki tētahi i te meamoni, ma ke maua te faimeatonu i te fakamahinoga—te itūkāiga e maua ai te fīlēmū. 17Nahe pulepule kino tētahi ki tētahi, ma nahe fiafia oi tautō pepelo. Ko au e inoino ki nā mea uma iēnei.”
18Ko te kupu a te Aliki o Kautau o te Lagi na hau kia te au, e vē mai, 19“Ko nā fakalāina e māhani fai i te fa, lima, fitu, ma te hefulu o māhina, ka fai ma aho fakamanatu o te fiafia ma te olioli mo tagata o Iuta. Ko koutou la e tatau ke fiafia ki te meamoni ma ki te fīlēmū.”
20Kua vāgana te Aliki o Kautau o te Lagi: “E hau te taimi, ka ōmamai ai ia tagata mai nā kakai e lahi#8.20 e lahi pe takutakua ki Ieluhalema. 21Ko nā tino mai tētahi kakai ka lea vē ki nā tino mai iētahi kakai, ‘Ko kimātou e olo oi tāpuaki ki te Aliki o Kautau o te Lagi, ma tatalo mo tana fakamanuiaga. Ōmamai tātou olo fakatahi!’ 22E tokalahi ia tagata ma mālō mālolohi ka ōmamai ki Ieluhalema ke tāpuaki ki te Aliki o Kautau o te Lagi, ma tatalo mo tana fakamanuiaga 23I nā aho iēnā, e toka hefulu ia tino mai nā mālō o gagana uma lele, ka pipiki atu ki te pito o te kofu o he tino Iutaia, ma lea vē, ‘Ko kimātou e fofou ke olo ma koutou, auā kua fakalogo kimātou ko te Atua e fakatahi ma koutou.’ ”
Currently Selected:
Hakalia 8: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Hakalia 8
8
Ko nā Folafolaga a te Atua kia Hiona
1Ko te kupu a te Aliki o Kautau o te Lagi na hau kia Hakalia:
2“Ko au e fuā lele kia Hiona, ma e mū i toku tōkahā#8.2 fuā lele… toku tōkahā pe alofa lahi… alofa kia te ia. 3Ko au ka toe foki ki Hiona ma nofo i te mea e iei ia tagata i Ieluhalema. Ma ko Ieluhalema ka fakaigoa ko te kakai fakamāoni, ma ko te mauga o te Aliki o Kautau o te Lagi#8.3 mauga o te Aliki o Kautau o te Lagi Mauga ko Hiona (kikila ki Hiona i te Lihi o nā Kupu) ka fakaigoa ko te mauga paia. 4Ma ko nā toeaina ma lōmātutua kua mātutua lele, ka toe nonofo i nā malae ma i nā auala o Ieluhalema, e tofu ma te tokotoko i te lima. 5Ma ko nā auala foki o te kakai ka tumu i tama ma teine e fai tāfaoga i luga.”
6Kua vāgana te Aliki o Kautau o te Lagi: “Ko nā mea uma iēnei e ono matuā faigatā lava, i te kikila a kilātou na totoe o nā tino iēnei, kae e hē faigatā ia te au. 7Ka lāveaki e au oku tagata mai nā tino o nā mālō i hahae ma nā mālō i hihifo; 8ma ka toe kaumai e au kilātou ke nonofo i Ieluhalema. Ka kavea kilātou ma oku nuku ma ka fai au ma o lātou Atua, ma ka fakatino taku pule i te fakamāoni ma te āmiotonu.”
9Kua vāgana te Aliki o Kautau o te Lagi: “Koutou ke lima mākekeke, koutou iēnā e hēki mataloa atu he taimi, na fakalogo ai koutou ki nā kupu iēnei mai nā gutu o nā pelofeta, i te taimi na fakatātia ai te fakavae mo te toe fakafōuga o te Mālumalu, te fale o te Aliki o Kautau o te Lagi. 10Ka ko hēki pa ki te taimi tēnā, nae hēai ni gāluega, pe ni tupe ke totogi ai ni tino pe ni manu ke faia nā gāluega. E hēai he tino nae haogalēmū ona ko nā fili o kilātou, ma ona na kō faia ke hē lelei te vā o tētahi ki tētahi. 11Kae i te taimi nei, ka hē kō faia ki nā tino Ihalaelu na totoe e vē ona kō faia i nā aho kua teka,” kua vāgana ai te Aliki o Kautau o te Lagi.
12“Ka totō nā fātoaga ma te haogalēmū, ko nā vine ka fua lahi, ma lahi te fuata mai nā fātoaga; ka liligi ifo te hau ki te kelekele; ma ka kō faia ke maua e nā tino Ihalaelu na totoe, nā mea uma iēnei. 13E vē ona māhani oi fakaaogā e nā mālō nā igoa o koulua, Ihalaelu ma Iuta, ma kupu fakamālaia, oi ko koulua ka kō lāveakia ma ka kavea ma fakamanuiaga. Nahe koutou mātataku, kae lima mākekeke.”
14Kua vāgana te Aliki o Kautau o te Lagi: “E vē ona fuafua e au ke kaumai nā puapuagā ki luga o koutou, i te kua fakatupu e nā tupuna o koutou toku ita, ma na hēki huia lele toku māfaufau. 15I te taimi foki la nei, kua fuafua e au ke toe fai nā mea lelei kia Ieluhalema ma Iuta. Ia koutou la nahe mātataku. 16#Efe 4.25Ko nā mea iēnei e tatau ke fai e koutou: Tautala tētahi ki tētahi i te meamoni, ma ke maua te faimeatonu i te fakamahinoga—te itūkāiga e maua ai te fīlēmū. 17Nahe pulepule kino tētahi ki tētahi, ma nahe fiafia oi tautō pepelo. Ko au e inoino ki nā mea uma iēnei.”
18Ko te kupu a te Aliki o Kautau o te Lagi na hau kia te au, e vē mai, 19“Ko nā fakalāina e māhani fai i te fa, lima, fitu, ma te hefulu o māhina, ka fai ma aho fakamanatu o te fiafia ma te olioli mo tagata o Iuta. Ko koutou la e tatau ke fiafia ki te meamoni ma ki te fīlēmū.”
20Kua vāgana te Aliki o Kautau o te Lagi: “E hau te taimi, ka ōmamai ai ia tagata mai nā kakai e lahi#8.20 e lahi pe takutakua ki Ieluhalema. 21Ko nā tino mai tētahi kakai ka lea vē ki nā tino mai iētahi kakai, ‘Ko kimātou e olo oi tāpuaki ki te Aliki o Kautau o te Lagi, ma tatalo mo tana fakamanuiaga. Ōmamai tātou olo fakatahi!’ 22E tokalahi ia tagata ma mālō mālolohi ka ōmamai ki Ieluhalema ke tāpuaki ki te Aliki o Kautau o te Lagi, ma tatalo mo tana fakamanuiaga 23I nā aho iēnā, e toka hefulu ia tino mai nā mālō o gagana uma lele, ka pipiki atu ki te pito o te kofu o he tino Iutaia, ma lea vē, ‘Ko kimātou e fofou ke olo ma koutou, auā kua fakalogo kimātou ko te Atua e fakatahi ma koutou.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust