Hakalia 10
10
Kua Folafola e te Aliki te Fakaolataga
1Lea ki te Aliki mo ni ua
i te tau e toe ola ai ia lau o lākau;
ko te Aliki te faia nā ao o ūaga.
E ia kaumaia nā ua ki tagata uma,
ke lauolaola ai ia lākau i te fenua.
2 #
Mat 9.36; Mlk 6.34 Ko nā atua fale e tau fakahehē;
ko nā tino vavaka e vāloia nā mea pepelo,
ma a lātou fakamāfanafanaga e hēai he aogā.
Oi ko tagata e eva holo e vē ni māmoe;
e puapuagātia kilātou auā kua hēai ho lātou leoleomāmoe.
3Kua vāgana te Aliki,
“Ko toku tōkahā e mū ki nā leoleomāmoe,
ma ka fakahala e au nā takitaki;
auā ko te Aliki o Kautau o te Lagi
ka tauhia tana lafumāmoe, ia tagata o Iuta,
ma fai kilātou ke vē he holofanua fāfia i te taua.
4Mai ia te kilātou ka hau ai:
te fatu tulimanu,
te pine falekie,
te kaufana o te taua,
ma takitaki uma o kilātou.
5Fakatahi, ka vē kilātou ko nā toa i te taua,
e holia te fili ki te palapala i luga o nā auala.
Ka tau e kilātou te taua auā e fakatahi te Aliki ma kilātou,
ma ka kilātou togia ki lalo ma fakamāhiahia
nā tino tiketike holofanua a te fili.
6“Ka kō faia ke mākekeke ia lāpuna o Iuta;
ma kō lāveakia ia lāpuna o Iohefa.
Ka toe kaumai kilātou e au
ona ko toku agaalofa mo kilātou,
ma ka vēia kilātou e hēki kō tīakia lele,
auā ko au ko te Aliki to lātou Atua,
ma ka lagona e au a lātou tagi, ma ka tali au ki ei.
7Ko tagata o Efalaima ka vēia ni toa,
ma ka fiafia o lātou loto e vē i he uaina.
Ka kikila a lātou fānau ki te mea tēnei
ma ka olioli lele ai,
ma tumu o lātou loto i te fiafia ona ko te Aliki.
8“Ka kalaga au ki oku tagata
ma fakamāopōpo fakatahi mai.
E moni lava ka lāveaki e au kilātou;
ma ka toe tokalahi lele kilātou,
e vē ko te mea nae i ei ai muamua.
9E ui lava na fakatakape kilātou e au ki nā mālō,
kae i nā fenua mamao ka kilātou manatua au.
Ko kilātou ma alātou fānau ka fakaolatia,
ma ka toe foki mai kilātou.
10Ka kō toe kaumaia kilātou mai Aikupito,
ma fakamāopōpo kilātou mai Ahulia.
Ka kaumai kilātou e au ki Kileata ma Lepanona;
ma ko te fenua kātoa ka tumu i tagata.
11Ka kui kilātou i loto o te tai o puapuagā,
ma ko galu o te tai ka fakatotoka,
ma te loloto o te Naila ka mamaha.
Ko te fiahili o Ahulia ka togi ki lalo
ma te pule a Aikupito ka fakamuta.#10.11 te pule… fakamuta pe te tokotoko o Aikupito ka kave kehe
12Ka kō faia ke mautū kilātou i te Aliki,
ma i tona igoa ka ola ai kilātou ma te toka fīlēmū.”
Ko te Aliki kua vāgana.
Currently Selected:
Hakalia 10: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Hakalia 10
10
Kua Folafola e te Aliki te Fakaolataga
1Lea ki te Aliki mo ni ua
i te tau e toe ola ai ia lau o lākau;
ko te Aliki te faia nā ao o ūaga.
E ia kaumaia nā ua ki tagata uma,
ke lauolaola ai ia lākau i te fenua.
2 #
Mat 9.36; Mlk 6.34 Ko nā atua fale e tau fakahehē;
ko nā tino vavaka e vāloia nā mea pepelo,
ma a lātou fakamāfanafanaga e hēai he aogā.
Oi ko tagata e eva holo e vē ni māmoe;
e puapuagātia kilātou auā kua hēai ho lātou leoleomāmoe.
3Kua vāgana te Aliki,
“Ko toku tōkahā e mū ki nā leoleomāmoe,
ma ka fakahala e au nā takitaki;
auā ko te Aliki o Kautau o te Lagi
ka tauhia tana lafumāmoe, ia tagata o Iuta,
ma fai kilātou ke vē he holofanua fāfia i te taua.
4Mai ia te kilātou ka hau ai:
te fatu tulimanu,
te pine falekie,
te kaufana o te taua,
ma takitaki uma o kilātou.
5Fakatahi, ka vē kilātou ko nā toa i te taua,
e holia te fili ki te palapala i luga o nā auala.
Ka tau e kilātou te taua auā e fakatahi te Aliki ma kilātou,
ma ka kilātou togia ki lalo ma fakamāhiahia
nā tino tiketike holofanua a te fili.
6“Ka kō faia ke mākekeke ia lāpuna o Iuta;
ma kō lāveakia ia lāpuna o Iohefa.
Ka toe kaumai kilātou e au
ona ko toku agaalofa mo kilātou,
ma ka vēia kilātou e hēki kō tīakia lele,
auā ko au ko te Aliki to lātou Atua,
ma ka lagona e au a lātou tagi, ma ka tali au ki ei.
7Ko tagata o Efalaima ka vēia ni toa,
ma ka fiafia o lātou loto e vē i he uaina.
Ka kikila a lātou fānau ki te mea tēnei
ma ka olioli lele ai,
ma tumu o lātou loto i te fiafia ona ko te Aliki.
8“Ka kalaga au ki oku tagata
ma fakamāopōpo fakatahi mai.
E moni lava ka lāveaki e au kilātou;
ma ka toe tokalahi lele kilātou,
e vē ko te mea nae i ei ai muamua.
9E ui lava na fakatakape kilātou e au ki nā mālō,
kae i nā fenua mamao ka kilātou manatua au.
Ko kilātou ma alātou fānau ka fakaolatia,
ma ka toe foki mai kilātou.
10Ka kō toe kaumaia kilātou mai Aikupito,
ma fakamāopōpo kilātou mai Ahulia.
Ka kaumai kilātou e au ki Kileata ma Lepanona;
ma ko te fenua kātoa ka tumu i tagata.
11Ka kui kilātou i loto o te tai o puapuagā,
ma ko galu o te tai ka fakatotoka,
ma te loloto o te Naila ka mamaha.
Ko te fiahili o Ahulia ka togi ki lalo
ma te pule a Aikupito ka fakamuta.#10.11 te pule… fakamuta pe te tokotoko o Aikupito ka kave kehe
12Ka kō faia ke mautū kilātou i te Aliki,
ma i tona igoa ka ola ai kilātou ma te toka fīlēmū.”
Ko te Aliki kua vāgana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust