Hakalia 7
7
Ko te Fakalāina e hē Fakamāoni
1I te fa o tauhaga talu te kavea o Taliu ma tupu, i te fa o aho o te iva o māhina (te māhina ko Kihilevi), na hau ai te kupu a te Aliki kia te au.
2Na uga e nā tino o Peteli ia Haleha ma Lekeme Meleka ma o lātou tāulelea, ke olo oi tatalo mo nā fakamanuiaga a te Aliki, 3ma ke fehili vē ki nā ohitāulaga ma nā pelofeta i te fale o te Aliki o Kautau o te Lagi: “E tatau nei kimātou ke fakanoanoa pea ma ke fakalāina i te lima o māhina#7.3 lima o māhina I te kālena Epelu anamua, ko te lima o māhina ko Apa, ma ko te Mālumalu na fakatāugā e nā tino Papelonia ia (Aokuho 586 t.m.m.); kikila ki te 2 Tup 25.8 e vē ona kimātou faia i nā tauhaga e lahi ke pa mai nei?”
4Oi na hau ai te kupu a te Aliki o Kautau o te Lagi kia te au. 5Na vē mai, “Lea vē ki nā tino uma lele o te fenua ma nā ohitāulaga, ‘I nā taimi nae fakanoanoa ma fakalāina ai koutou i te lima ma te fitu o māhina i nā tauhaga iēnei e fitu hefulu kua teka atu, ko au moni nei te nae fakalāina koutou ki ei? 6Ma i nā taimi nae kakai ma inu ai koutou, nae hē ni faigā kai nei e a koutou mo koutou lava?’ ”
7E hē ko nā kupu nei iēnei te na vāgana ai te Aliki e ala i nā pelofeta i mua atu, i te vāitaimi nae totoka ma tamaokāiga ai ia Ieluhalema ma nā tamā kakai nae pili atu ki ei, ma kua nofoia ai i te itū ki haute ma nā koga i lalo o mauga i te itū ki hihifo?
Fakahalaga mo te Hē Uhitaki
8Na toe hau te kupu a te Aliki kia Hakalia: 9“Ko tēnei te mea na vāgana ai te Aliki o kautau o te Lagi: ‘Fakatino te faimeatonu e koutou ma fakaali te agalelei ma te alofa fakamāgalo e tētahi ki tētahi. 10Nahe fakahāuā ki nā fafine kua oti a lātou tāne, pe ki nā tamāmanu, pe ki nā tino kehe, pe ki ho he tino lava e fia maua e ia he fehoahoani. Ma nahe faufau kino foki tētahi ki tētahi.’
11“Kae na hēki fia fakalogo lele mai oku tagata, ka kua liliu mai o lātou tua ma tapuni o lātou taliga, 12ma o lātou loto kua mākeketū e ve ni fatu. Ona na hēki fia fakalogo kilātou ki te akoakoga tēia na kō tuku atua kia te kilātou e ala i nā pelofeta i nā aho kua loa, na hahao ai toku ita lahi. 13Oi e vē lava ona kalaga au, ma na hēki fia fakalogo mai kilātou, i to lātou kālalaga maiga la, na hēki fia fakalogo foki au kia te kilātou, 14ma na fakatakape ai kilātou e au e vē i he afā, ki nā fenua nae hē kilātou iloa muamua. Ma na tātia vē ai lava te fenua lelei tēnei, e hēai he tino e nofo ai. ”
Currently Selected:
Hakalia 7: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
