Hakalia 6
6
Ko te Valu o Fakaaliga: Ko nā Kaliota e Fa
1Na hau foki hētahi fakaaliga kia te au. I te taimi tēnei, na kitea e au ni kaliota e fa e ōmamai i te vā o ni mauga apamemea e lua. 2#Fkl 6.4, 5Ko te kaliota muamua e toho e ni holofanua lanu kenakena, ko te lua o kaliota e toho e ni holofanua lanu uliuli, 3#Fkl 2.6ko te tolu o kaliota e toho e ni holofanua lanu paepae, ka ko te fa e toho e ni holofanua takatutututu. 4Oi na fehili ai au ki te āgelu, tē nae tautala mai kia te au, “Te tamana, heā te uiga o nā kaliota iēnā?”
5 #
Fkl 7.1
Na tali vē mai ia, “Ko nā matagi iēnei e fa; na fātoā ōmamai lava mai mua o te Aliki o te lalolagi kātoa. 6Ko te kaliota nae toho e nā holofanua uliuli, na fano ki mātū ki Papelonia, ko nā holofanua papae na olo ki hihifo, ka ko nā holofanua takatutututu, na olo ki nā fenua i te itū ki haute.” 7I te ōmamaiga ki fafo o nā holofanua takatutututu, kua hē totoka lele kilātou i te fia olo oi hiaki te lalolagi. Na lea vē ai ki ei te āgelu, “Olo oi hiaki te lalolagi!” Ma na olo ai kilātou. 8Oi na kalaga leo lahi mai ai te āgelu kia te au, na vē mai, “Ko nā holofanua iēia na olo ki mātū ki Papelonia, na totoka lele ai te tōkahā o te Aliki.”
Kua Filifili e te Aliki he Takitaki mo Tagata
9Na toe hau fōki te kupu a te Aliki kia te au. 10Kua vē mai, “Kave nā meālofa mai nā tino kua taunuku ifo mai te fakaaunukuga, ia Heletai, Topia ma Ietaia, oi fano ai lava i te aho tēnā ki te fale o Iohia, te ataliki o Hefanaia. Ko nā tāulelea uma iēnā, na toe foki ifo mai i te fakaaunukuga ki Papelonia. 11Fai he palealiki i te hiliva ma te aulo na fōki mai e kilātou, oi tuku ai ki te ulu o te Ulu Ohitāulaga, ia Iohua te ataliki o Iehohataka. 12#Iel 23.5; 33.15; Hkl 3.8Lea ki ei ko tēnei te vāgana a te Aliki o Kautau o te Lagi: ‘Ko te tamāloa ko tona igoa ko Lālā, ka falala atu ia mai kinei e vē he lālā, ma toe fau e ia te Mālumalu o te Aliki. 13Ko ia te ka faua te Mālumalu o te Aliki, ma ka fakakofu ia i te mamalu e tatau ki he tupu, ma ka nofo ia i tona nofoāliki ma fakatino tana pule. Ka iei he ohitāulaga i tafa o tona nofoāliki, ma ka gālulue fakatahi kilāua i te fīlēmū ma te toka lelei.’ 14Ma ko te palealiki ka kavea ma fakamanatuga i loto o te Mālumalu o te Aliki, ia Heletai,#6.14 E fokotahi te fakaliliuga tuai Heletai Epelu Heleme ia Topia, ia Ietaia, ma Iohia#6.14 E fokotahi te fakaliliuga tuai Iohia Epelu Hene te ataliki o Hefanaia. ”
15Ko nā tino e nonofo mamao, ka ōmamai oi fehoahoani ke toe fau te Mālumalu o te Aliki. Kāfai e uma te toe fau o te Mālumalu, oi ka iloa ai e koutou, ko au na uga mai e te Aliki o Kautau o te Lagi kia te koutou. Ka taunuku lava te mea iēnei, pe kāfai koutou e uhitaki kātoatoa ki te leo o te Aliki te koutou Atua.
Currently Selected:
Hakalia 6: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
