Hakalia 4
4
Ko te Lima o Fakaaliga: Ko te Tūgālāmepa ma nā Lākau Olive
1Ko te āgelu nae tautala mai kia te au, kua toe havali mai oi fafagu au, e vē ko au he tino nae moe. 2Kua fehili mai te āgelu kia te au, “Heā te kitea e koe?”
Na tali vē atu au, “E kō kitea he tūgālāmepa e fai i te aulo. I te pito ki luga, e i ei ai te ipu mo nā lolo. I luga o te tūgālāmepa, e fitu ia lāmepa e iei ma ko nā lāmepa iēnei, e taki fitu ia gutu.#4.2 E tuku ki ei nā vavae 3E lua ia lākau olive i tafa o te tūgālāmepa, e takitahi i ona itū.”#Fkl 11.4
4Na fehili atu au ki te āgelu nae tautala mai kia te au, “Heā te uiga o nā mea iēnei, te tamana?”
5Na tali mai ia, “E hē kē iloa?”
Na lea atu ai au ki ei, “Hēai, e hē kō iloa, te tamana.”
10e #
Fkl 5.6
Kua leamai te āgelu, “Ko nā lāmepa e fitu, ko nā mata iēnā o te Aliki, e ia kitea ai te lalolagi kātoa.”#4.10e Ko nā fuaikupu 10e-14 kua hiki mai ki kinei mai te fakaikuga o te matākupu tēnei, kae ke mulimuli ai ki te fakahologa tonu o te tala
11 #
Fkl 11.4
Oi na fehili vē atu ai au ki ei, “Heā te uiga o nā lākau olive e lua i nā itū takitahi o te tūgālāmepa? 12Heā foki te uiga o nā lālā olive e lua i tafa o nā paipa aulo e lua iēia e liligi ai te lolo olive?”
13Na tali vē mai ai ia kia te au, “E hē kē iloa pe niā nā mea iēnei?”
“Hēai, te tamana,” na tali vēnā atu au ki ei.
14Oi na lea vē mai ai, “Ko te toka lua tēnei kua fakauku e te Atua ke kaukauna ki te Aliki o te laukelekele kātoa.”
Ko te Folafolaga a te Atua kia Helupapelu
6 #
Ehe 5.2
Na lea mai te āgelu kia te au ke fōki te fekau tēnei mai te Aliki kia Helupapelu: “Ko koe ka manumālō, e hē i he mālohi o nā fitafita, pe i hō lava mālohi, kae e ala i toku agaga, kua vāgana mai ai te Aliki o Kautau o te Lagi. 7Ko mauga maualuluga ka mou kehe atu i mua o koe, ma kavea ai ma kelekele laugatahi. Ka toe fau e koe te Mālumalu, ma ka koi tuku ifo e koe te fatu mulimuli o te fakavae, ka tau kālalaga ia tagata, ‘Kai te mānaia! Kai te mānaia.’ ”
8Na toe pa mai foki hētahi fekau mai te Aliki kia te au. 9Na vē mai, “Kua fakatātia e Helupapelu te fakavae o te Mālumalu, ma ka fakauma foki lava e ia te fauga o te fale. Oi ka iloa ai e koutou ko te Aliki te na ia uga maia au. 10aE hē fiafia kilātou auā e tuai te faiga o te gāluega. Kae ka kitea e kilātou ia Helupapelu e galue pea lava i te fauga o te Mālumalu, ma ka fiafia ai kilātou.”
Currently Selected:
Hakalia 4: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
