Hakalia 3
3
Ko te Fa o Fakaaliga: Ko Iohua ma Hatani
1 #
Ehe 5.2; Fkl 12.10 I hētahi fakaaliga, na fakahino mai ai e te Aliki kia te au ia Iohua te Ulu Ohitāulaga, e tū i mua o te āgelu a te Aliki. I kinā i tafa o Iohua nae tū ai ia Hatani,#3.1 Hatani I te Feagaiga Tuai, e fōliga ko he tino pe ko he agaga e ia kaumaia nā mōliaga o tagata ki mua o te Atua (kikila ki te Iopu 2.1-6) e hāuni ke fai he mōliaga o Iohua. 2Ma na lea vē atu ai te āgelu a te Aliki, “Hatani, ke pupuni e te Aliki te gutu o koe! Ke munaia lahi koe e te Aliki, tē e alofa kia Ieluhalema. Ko te taulealea tēnei e vē he mealākau na heki kehe mai loto o he afi.”#Iut 9
3Ko Iohua nae tū lava i kinā i tafa o te āgelu i ona kofu kelekelea. 4Kua lea atu te āgelu ki ona hoa fakatelagi nae tutū i mua o ia, “Kave kehe nā kofu kelekelea e kofu ai te taulealea.” Oi na lea atu ai te āgelu kia Iohua, “Kikila, kua kō kave kehea tō nofohala ma ka fōki atu e au ni kofu fōu ke kofu ai koe.”
5Na ia fakatonua ai ona hoa#3.5 Ko iētahi fakaliliuga tuai e leamai ona hoa Epelu kilātou ke tuku he faufautū mamā ki te ulu o Iohua. Na fai vēnā e kilātou, ma fakakofu i ni kofu fōu, ka koi tū ai lava te āgelu a te Aliki i kinā.
6Oi na lea ai te āgelu a te Aliki kia Iohua, 7ko te Aliki o Kautau o te Lagi e vāgana, “Kāfai ka havali koe i oku ala, ma kē faia nā mea e fofou au ki ei, oi ka pule ai koe ki toku fale ma ona lotoā, ma ka fōki atu e au te fakatagaga ke tū ai koe i mua o ōku, e vē ko nā āgelu iēnei e tutū mai i mua nei. 8Fakalogo mai la, Iohua te Ulu Ohitāulaga, ma nā hoa o koe, koutou iēnā ka kavea ma fakailoga o he lumanaki lelei: Ka kō fakailoa atua taku kaukauna, tē e takua ko Te Lālā!#Iel 23.5; 33.15; Hkl 6.12 9Kikila ki te fatu tāua kua tuku e au i mua o Iohua, e fitu ona tala. Ka vane e au he fakakupuga ki luga, ma i he aho e fokotahi, ka kave kehe e au te nofohala o te fenua tēnei. 10Kāfai e pa ki te aho tēnā, ka valakaulia e koutou tau tokatahi nā tuākoi o koutou, ke fiafia fakatahi ma koutou i te fīlēmū ma te haogalēmū, i lalo o nā vine ma nā mati o koutou.”#Mik 4.4
Currently Selected:
Hakalia 3: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
