Hakalia 13
13
1“Kāfai e pa ki te aho tēnā,” kua vāgana ai te Aliki, “ka puna ake he vai i te kelekele mo nā lāpuna o Tavita ma kilātou e nonofo i Ieluhalema, ke fakamamā ai kilātou mai a lātou agahala ma mea hehē.
2“I te aho tēnā, ka kave kehe e au nā igoa o nā tupua mai luga o te fenua, ma ka hē toe manatua lele ai kilātou e he tino,” kua vāgana ai te Aliki o Kautau o te Lagi. “Ka kave kehe foki e au mai te fenua nā pelofeta, ma te agaga fia tāpuaki ki nā tupua. 3Ma kāfai he tino e fofou lava ke vavalo e vē he pelofeta, ko tona tamana ma tona mātua lava te ka lea vē kia te ia, ‘Ko koe e tatau ke tāmate, auā kua tautala pepelo koe i te igoa o te Aliki.’ Oi ka tui ai ia ke mate e ona lava mātua.
4“I te aho tēnā, e hēai he pelofeta ka toe fāfia i ni fakaaliga, pe galue e vē he pelofeta, pe ke kofu ona kofu pelofeta ke fakahehē ai nā tino. 5Kae ka lea vē, ‘Ko au e hē he pelofeta. Ko au he faifātoaga—ko au nae galue lava i te fenua i toku olaga kātoa.’ 6Kāfai la he tino e fehili vē atu kia te ia, ‘Ni manuka ā la iēnā i te fatafata o koe?’ ka tali mai ia, ‘Ko au na lavea i te fale o taku uō.’ ”
Ko te Fakatonuga ke Tāmate te Leoleomāmoe a te Atua
7 #
Mat 26.31; Mlk 14.27 Kua vāgana te Aliki o Kautau o te Lagi,
“Ala ki luga, te pelu e, ma ohofaki taku leoleomāmoe,#13.7 leoleomāmoe Kikila 11.4
ohofaki te tamāloa tēia e galue mo oku.
Ta te leoleomāmoe,
ma ka takape ai nā māmoe,
ma ka liliu ai toku lima ki nā punuāmāmoe.
8I te fenua kātoa, ko te lua-vae-tolu ka mamate;
kae ko te tahi-vae-tolu ka totoe i luga.
9Ko te tahi-vae-tolu tēnei ka kō tukua ki te afi;
ka huke e au kilātou e vē oi huke te hiliva
ma fakamamā e au kilātou
e vē oi fakamamā te aulo.
Ka kālalaga kilātou i toku igoa
ma ka tali au kia te kilātou:
Ka lea vē au, ‘Ko oku tagata kilātou’
ma ka lea vē kilātou, ‘Ko te Aliki ko to mātou Atua.’ ”
Currently Selected:
Hakalia 13: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Hakalia 13
13
1“Kāfai e pa ki te aho tēnā,” kua vāgana ai te Aliki, “ka puna ake he vai i te kelekele mo nā lāpuna o Tavita ma kilātou e nonofo i Ieluhalema, ke fakamamā ai kilātou mai a lātou agahala ma mea hehē.
2“I te aho tēnā, ka kave kehe e au nā igoa o nā tupua mai luga o te fenua, ma ka hē toe manatua lele ai kilātou e he tino,” kua vāgana ai te Aliki o Kautau o te Lagi. “Ka kave kehe foki e au mai te fenua nā pelofeta, ma te agaga fia tāpuaki ki nā tupua. 3Ma kāfai he tino e fofou lava ke vavalo e vē he pelofeta, ko tona tamana ma tona mātua lava te ka lea vē kia te ia, ‘Ko koe e tatau ke tāmate, auā kua tautala pepelo koe i te igoa o te Aliki.’ Oi ka tui ai ia ke mate e ona lava mātua.
4“I te aho tēnā, e hēai he pelofeta ka toe fāfia i ni fakaaliga, pe galue e vē he pelofeta, pe ke kofu ona kofu pelofeta ke fakahehē ai nā tino. 5Kae ka lea vē, ‘Ko au e hē he pelofeta. Ko au he faifātoaga—ko au nae galue lava i te fenua i toku olaga kātoa.’ 6Kāfai la he tino e fehili vē atu kia te ia, ‘Ni manuka ā la iēnā i te fatafata o koe?’ ka tali mai ia, ‘Ko au na lavea i te fale o taku uō.’ ”
Ko te Fakatonuga ke Tāmate te Leoleomāmoe a te Atua
7 #
Mat 26.31; Mlk 14.27 Kua vāgana te Aliki o Kautau o te Lagi,
“Ala ki luga, te pelu e, ma ohofaki taku leoleomāmoe,#13.7 leoleomāmoe Kikila 11.4
ohofaki te tamāloa tēia e galue mo oku.
Ta te leoleomāmoe,
ma ka takape ai nā māmoe,
ma ka liliu ai toku lima ki nā punuāmāmoe.
8I te fenua kātoa, ko te lua-vae-tolu ka mamate;
kae ko te tahi-vae-tolu ka totoe i luga.
9Ko te tahi-vae-tolu tēnei ka kō tukua ki te afi;
ka huke e au kilātou e vē oi huke te hiliva
ma fakamamā e au kilātou
e vē oi fakamamā te aulo.
Ka kālalaga kilātou i toku igoa
ma ka tali au kia te kilātou:
Ka lea vē au, ‘Ko oku tagata kilātou’
ma ka lea vē kilātou, ‘Ko te Aliki ko to mātou Atua.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust