Hakalia 14
14
Ko Ieluhalema ma Iētahi Mālō
1Kikila, e hau te aho o te Aliki, ka vāevae ai nā koloa puke uma o te taua mai Ieluhalema, i te mea e iei ai koutou. 2Auā ka tuku fakatahi e te Aliki nā mālō uma, ke hiki taua kia Ieluhalema. Ko te kakai ka puke fakamālohi, ko nā fale ka kaihohoa nā mea i loto, ma ko fafine ka fai ki ei nā uiga mātagā. Ko te āfa o nā tino ka fakaaunukua, kae ko nā tino e totoe, ka hē kave kehea lele mai loto o te kakai. 3Oi ka fano ai te Aliki oi tau ma nā mālō iēnā, e vē foki lava ona tau ai ia, i nā taimi kua teka. 4I te aho tēnā, ka tū ona vae i luga o te Mauga o Olive, i te itū ki hahae o Ieluhalema. Oi ka haelua ai te Mauga o Olive mai hahae ki hihifo i he vanu lauefa; ma ko tētahi āfa ka gaoi āgai ki te itū ki mātū ma tētahi āgai ki te itū ki haute. 5Ma ko koutou ka hōhola kui i te vanu o te mauga o te Aliki,#14.5 mauga o te Aliki Epelu ōku mauga auā ko te vanu i te vā o nā mauga ka pa lele ki Ahele;#14.5 E hē mautinoa te uiga o te tuhituhiga Epelu ma ka hōhola kehe koutou e vē ko te hōhola kehega o koutou mai te māfuie i nā aho o te Tupu ko Uhia o Iuta. Oi ka hau ai te Aliki toku Atua, ma te kau paia uma fakatahi ma ia.
6I te aho tēnā, ka hēai he mālūlū,#14.6 Epelu mālama he hau-aiha,#14.6 E ono vē te tuhituhiga hau-aiha E hē manino te uiga o te tuhituhiga Epelu 7pe he pōuli. Ka tūmau pea lava te ao ma tona mālama, auā ko te Aliki oioti lava te ia iloa, pe mafai vēhea he mea vēnei. Ka hēai he ao e vē ona māhani ai pe he pō, auā ka iei pea lava te mālama o te ao i te pō.
8 #
Ehk 47.1; Ioa 7.38; Fkl 22.1 I te aho tēnā, ko te vai e ola ai ka tafe atu mai Ieluhalema, ma ko te āfa ka tafe ki te Tai Mate, ka ko tētahi āfa ka tafe ki te Tai Metitelani. Ka tafe pea lava i aho uma o te tauhaga, i te tau māfanafana ma i te tau mālūlū.
9Ma ko te Aliki ka kavea ma tupu o te lalolagi kātoa. Ko ia oioti te Atua ka tāpuaki ki ei ia tagata, ma ko tona igoa oioti te ka ifo atu kilātou ki ei.
10Ko te fenua kātoa e kāmata mai i Kepa i te itū ki mātū ke pa ki Limoni i te itū ki haute, ka kavea ma kelekele laugatahi. Kae ko Ieluhalema ka tūmau tona maualuga i te koga e tū ai, mai te Alapupuni o Peniamina ki te Alapupuni Tulimanu, te mea nae tū ai he alapupuni muamua, ma mai te Olo o Hananele ki te mea e iei ai nā fātānoa tatau fuāvine a te tupu. 11#Fkl 22.3Ma ka nonofo ia tagata i kinā ma te haogalēmū, ma ka hē toe lamatia lele o lātou ola.
12Ka kaumai e te Aliki he fāmai matakutia ki nā mālō uma na hiki taua kia Ieluhalema. Ko nā kakano o kilātou ka pala ka koi ola lava kilātou; ko nā mata o kilātou ka pala i loto o o lātou pukāmata, ma nā laulaufaiva i loto o o lātou gutu.
13I te taimi tēnā, ka fakatupu ai e te Aliki te mataku kia te kilātou ma te āvalevale ki o lātou māfaufau, oi ka ohofaki ai lava e tētahi tino tētahi tino. 14Ko nā tino o Iuta ka tau ke puipui ia Ieluhalema, ma ko te tamaokāiga o nā mālō e pili mai ka fakaputu mai e kilātou—ko te aulo, te hiliva, ma te lahi o nā kie ma lākei kehekehe.
15Ma ka pakū foki te fāmai matakutia ki luga o a lātou holofanua, nā peleta, nā kāmela, ma nā āhini, ma ki luga o ho he manuvaefa nae i loto o nā api iēnā.
16 #
Lev 23.39-43
Oi ka olo ai nā tino uma na fakaolatia mai nā mālō uma na ohofakia ia Ieluhalema, oi tāpuaki ki te Aliki o Kautau o te Lagi, te tupu, ma fakatino te Kaiga Fakamanatu o nā Fakamalumalu. 17Kāfai ni mālō o te lalolagi e hē olo ki Ieluhalema oi tāpuaki ki te Tupu, te Aliki o Kautau o te Lagi, oi ka hēai ni ua e pakū ki luga o nā fenua o kilātou. 18Kāfai nā tino Aikupito e mumuhu oi olo ki te Kaiga Fakamanatu o nā Fakamalumalu, oi ka maua ai foki kilātou i te fāmai matakutia tēia ka fakapēhi e te Aliki ki nā mālō uma e mumuhu oi olo. 19Ko te fakahalaga tēnei ka pakū ki luga o Aikupito ma ki luga o iētahi mālō uma, kāfai e mumuhu oi olo ki te Kaiga Fakamanatu o nā Fakamalumalu.
20I te taimi tēnā, e pa ki nā logo i nā fāgutu o nā holofanua, ka tuhi ki ei nā kupu iēnei, “Paia ki te Aliki.” Ko nā ulo fai meakai i te fale o te Aliki, ka paia e vē ko nā ipu i mua o te fata ohitāulaga; 21ma ko nā ulo fai meakai uma lele i Ieluhalema ma Iuta, ka fakatō mo te faiga o nā tāpuakiga ki te Aliki o Kautau o te Lagi. Ka fakaaogā e nā tino e ofo atu a lātou tāulaga, ke haka ai nā kanofi o nā tāulaga. Ma ka hē toe iei ni tino faikoloa i loto o te fale o te Aliki o Kautau o te Lagi, i te aho tēnā.
Currently Selected:
Hakalia 14: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Hakalia 14
14
Ko Ieluhalema ma Iētahi Mālō
1Kikila, e hau te aho o te Aliki, ka vāevae ai nā koloa puke uma o te taua mai Ieluhalema, i te mea e iei ai koutou. 2Auā ka tuku fakatahi e te Aliki nā mālō uma, ke hiki taua kia Ieluhalema. Ko te kakai ka puke fakamālohi, ko nā fale ka kaihohoa nā mea i loto, ma ko fafine ka fai ki ei nā uiga mātagā. Ko te āfa o nā tino ka fakaaunukua, kae ko nā tino e totoe, ka hē kave kehea lele mai loto o te kakai. 3Oi ka fano ai te Aliki oi tau ma nā mālō iēnā, e vē foki lava ona tau ai ia, i nā taimi kua teka. 4I te aho tēnā, ka tū ona vae i luga o te Mauga o Olive, i te itū ki hahae o Ieluhalema. Oi ka haelua ai te Mauga o Olive mai hahae ki hihifo i he vanu lauefa; ma ko tētahi āfa ka gaoi āgai ki te itū ki mātū ma tētahi āgai ki te itū ki haute. 5Ma ko koutou ka hōhola kui i te vanu o te mauga o te Aliki,#14.5 mauga o te Aliki Epelu ōku mauga auā ko te vanu i te vā o nā mauga ka pa lele ki Ahele;#14.5 E hē mautinoa te uiga o te tuhituhiga Epelu ma ka hōhola kehe koutou e vē ko te hōhola kehega o koutou mai te māfuie i nā aho o te Tupu ko Uhia o Iuta. Oi ka hau ai te Aliki toku Atua, ma te kau paia uma fakatahi ma ia.
6I te aho tēnā, ka hēai he mālūlū,#14.6 Epelu mālama he hau-aiha,#14.6 E ono vē te tuhituhiga hau-aiha E hē manino te uiga o te tuhituhiga Epelu 7pe he pōuli. Ka tūmau pea lava te ao ma tona mālama, auā ko te Aliki oioti lava te ia iloa, pe mafai vēhea he mea vēnei. Ka hēai he ao e vē ona māhani ai pe he pō, auā ka iei pea lava te mālama o te ao i te pō.
8 #
Ehk 47.1; Ioa 7.38; Fkl 22.1 I te aho tēnā, ko te vai e ola ai ka tafe atu mai Ieluhalema, ma ko te āfa ka tafe ki te Tai Mate, ka ko tētahi āfa ka tafe ki te Tai Metitelani. Ka tafe pea lava i aho uma o te tauhaga, i te tau māfanafana ma i te tau mālūlū.
9Ma ko te Aliki ka kavea ma tupu o te lalolagi kātoa. Ko ia oioti te Atua ka tāpuaki ki ei ia tagata, ma ko tona igoa oioti te ka ifo atu kilātou ki ei.
10Ko te fenua kātoa e kāmata mai i Kepa i te itū ki mātū ke pa ki Limoni i te itū ki haute, ka kavea ma kelekele laugatahi. Kae ko Ieluhalema ka tūmau tona maualuga i te koga e tū ai, mai te Alapupuni o Peniamina ki te Alapupuni Tulimanu, te mea nae tū ai he alapupuni muamua, ma mai te Olo o Hananele ki te mea e iei ai nā fātānoa tatau fuāvine a te tupu. 11#Fkl 22.3Ma ka nonofo ia tagata i kinā ma te haogalēmū, ma ka hē toe lamatia lele o lātou ola.
12Ka kaumai e te Aliki he fāmai matakutia ki nā mālō uma na hiki taua kia Ieluhalema. Ko nā kakano o kilātou ka pala ka koi ola lava kilātou; ko nā mata o kilātou ka pala i loto o o lātou pukāmata, ma nā laulaufaiva i loto o o lātou gutu.
13I te taimi tēnā, ka fakatupu ai e te Aliki te mataku kia te kilātou ma te āvalevale ki o lātou māfaufau, oi ka ohofaki ai lava e tētahi tino tētahi tino. 14Ko nā tino o Iuta ka tau ke puipui ia Ieluhalema, ma ko te tamaokāiga o nā mālō e pili mai ka fakaputu mai e kilātou—ko te aulo, te hiliva, ma te lahi o nā kie ma lākei kehekehe.
15Ma ka pakū foki te fāmai matakutia ki luga o a lātou holofanua, nā peleta, nā kāmela, ma nā āhini, ma ki luga o ho he manuvaefa nae i loto o nā api iēnā.
16 #
Lev 23.39-43
Oi ka olo ai nā tino uma na fakaolatia mai nā mālō uma na ohofakia ia Ieluhalema, oi tāpuaki ki te Aliki o Kautau o te Lagi, te tupu, ma fakatino te Kaiga Fakamanatu o nā Fakamalumalu. 17Kāfai ni mālō o te lalolagi e hē olo ki Ieluhalema oi tāpuaki ki te Tupu, te Aliki o Kautau o te Lagi, oi ka hēai ni ua e pakū ki luga o nā fenua o kilātou. 18Kāfai nā tino Aikupito e mumuhu oi olo ki te Kaiga Fakamanatu o nā Fakamalumalu, oi ka maua ai foki kilātou i te fāmai matakutia tēia ka fakapēhi e te Aliki ki nā mālō uma e mumuhu oi olo. 19Ko te fakahalaga tēnei ka pakū ki luga o Aikupito ma ki luga o iētahi mālō uma, kāfai e mumuhu oi olo ki te Kaiga Fakamanatu o nā Fakamalumalu.
20I te taimi tēnā, e pa ki nā logo i nā fāgutu o nā holofanua, ka tuhi ki ei nā kupu iēnei, “Paia ki te Aliki.” Ko nā ulo fai meakai i te fale o te Aliki, ka paia e vē ko nā ipu i mua o te fata ohitāulaga; 21ma ko nā ulo fai meakai uma lele i Ieluhalema ma Iuta, ka fakatō mo te faiga o nā tāpuakiga ki te Aliki o Kautau o te Lagi. Ka fakaaogā e nā tino e ofo atu a lātou tāulaga, ke haka ai nā kanofi o nā tāulaga. Ma ka hē toe iei ni tino faikoloa i loto o te fale o te Aliki o Kautau o te Lagi, i te aho tēnā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust