Loma 3
3
1E iei la he mea e hili atu ai ia tagata Iutaia i lo tagata nukukehe? Pe, heā foki te aogā o te pelitome? 2E lahi, kāfai e kikila ki nā itū kehekehe. Muamua, na tuku e te Atua tana fekau ki nā tino Iutaia ke kilātou taupaua. 3Kae e vēhea kāfai e iei ni tino o kilātou e hē fakamāoni? Ko tona uiga ko te Atua foki la ka hē fakamāoni? 4Hēai, e hē vēnā! E ui lava ko tagata uma lele e talapepelo, ka ko te Atua lava ia e fakamāoni, e vē oi lea mai ai te tuhituhiga paia,
“Ka fakamāonia te hako o koe
i nā kupu e tautala ai koe,
ma ka mālō koe i tō fakamahinoga.”#Hal 51.4 (LXX)
5Kae e vēhea kāfai ko te fai e kitātou o nā mea hehē e fakaalia ai te hako o nā mea e fai e te Atua? E mafai nei ke lea kitātou ko te Atua e hehē kāfai kitātou e fakahala e ia? (Ko he fehili tēnei e tatau lava ke fehili ai.) 6Hēai! Kāfai te Atua e hē fai meatonu, e vēhea ona fakamahino e ia te lalolagi?
7Kae e vēhea kāfai ko toku talapepelo ka fai ma mea e fakaali lelei ai te meamoni e uiga te Atua, ma lahi ai ona vīkiga e maua? Heā la te fakahala ai pea au e te Atua ko he tino agahala? 8Heā te hē lea ai vē kitātou, “Ōmamai ke kitātou faia nā mea kino, kae ke tupu mai ai he lelei.”? E iei ni tino kua kilātou fakamātagāgia au i te lātou tala kua fai, ko nā fakakupuga iēnei e āku na fai. Ka fakahalagia kilātou ma ko he mea tēnei e tonu ma hako.
E Hēai he Tino e Āmiotonu
9E iei nei la he mea e hili atu ai kitātou tagata Iutaia i lo nā tino nukukehe? E hēai lele. Kua uma te fakailoa atu e au, e tutuha lava nā tino Iutaia ma nā tino nukukehe; ei lalo uma lava o te pule a te agahala. 10E vē oi lea mai nā Tuhituhiga Paia;
“E hēai lele he tino e āmiotonu,
e hēai he tino fokotahi;#Hal 14.1-3 (LXX); Hal 53.1-3 (LXX)
11e hēai he tino e mālamalama,
e hēai he tino e hakili atu ki te Atua.
12Kua liliu kehe uma kilātou;
kua tutuha lava te hē aogā o kilātou.
E hēai he tino e ia faia he mea e lelei,
e matuā hēai lava he tino e fokotahi!
13Ko o lātou fāī e vē ni tugamau e matala;
e fakaaogā o lātou laulaufaiva ke fakahehē ai,
ma o lātou laugutu e vē ko te kona o nā gata;#Hal 5.9 (LXX); Hal 140.3
14ko o lātou gutu e tumu i te fetuku ma te ita.#Hal 10.7 (LXX)
15E vave lele ki te fakaogohia ma te tāmate tino;#Iha 59.7-8
16ho he mea lava e olo kilātou ki ei,
e nā ko te fakatāugā ma te pagātia ai o tagata.
17Ko hēki kilātou iloa te auala o te fīlēmū,
18ma ko hēki kilātou iloa oi mātataku i te Atua.”#Hal 36.1
19Nei, kua iloa e kitātou ko ho he mea lava e lea mai ai te Tūlāfono, e fakaaga kia te kilātou e i lalo o te Tūlāfono, kae ke mafai ai ke tapuni ia gutu o tagata uma, ma kaumai ai te lalolagi kātoa ki lalo o te fakamahinoga a te Atua. 20Auā e hēai he tino e mafai ke fakalelei tona vā ma te Atua, ona e mulimuli ki nā mea e lea mai ai te Tūlāfono; auā ko te Tūlāfono e maua ai e kitātou te mālamalama e uiga ki te agahala.#Hal 143.2; Kal 2.16
Ko te Auala e Fakalelei ai e te Atua to Tātou Vā ma Ia
21Kae i te taimi nei, ko te auala e fakalelei ai e te Atua te vā o tagata ma ia, kua uma te fakailoa mai. E hēki kui mai i te tūlāfono te mea tēnei, e ui lava na molimau te Tūlāfono a Mohe ma te kau pelofeta ki ei. 22E fakalelei e te Atua te vā o tagata ma ia e ala i te fakatuatua kia Iehu Keliho. Ko te mea tēnei e fai e te Atua ki nā tino uma e talitonu kia Keliho, auā ko tagata uma lele e tutuha. #Kal 2.16 23Ko kitātou uma lele kua agahala, ma kua hē kitātou mafaia ai oi fakailoa atu te mamalu o te Atua. 24Kae ona ko te alofa tūnoa o te Atua, tana meālofa fōki tauanoa mai, kua fakalelei ai te vā o kitātou uma ma ia, e ala i te togiola kua hāunia e Keliho Iehu, ke maua ai e kitātou te haolotoga. 25-26Na ofo atu ia e te Atua kae ke kavea ai tona toto ma auala#3.25-26 tona toto ma auala pe tona mate ke fai ma tāulaga e fakamāgalo ai ia agahala a tagata, e ala i to lātou fakatuatua kia te ia. Na fai e te Atua te mea tēnei ke fakakitea ai ko ia e āmiotonu. I nā aho kua teka, ko te Atua nae onohai ma ko te ala ia na hēki fia mātau ai e ia nā agahala a tagata; kae i nā aho nei, kua mātau e ia kae ke fakakitea ai tona āmiotonu. I te faiga tēnei, kua fakaalia ai e te Atua, ko ia lava e āmiotonu, ma e ia fakaleleia te vā o ia ma kilātou uma e talitonu kia Iehu.
27Heā la he mea ke fāfifia ai kitātou? E hēai lele he mea! Aiheā? Ona nei ko kitātou e uhitaki ki te Tūlāfono? Hēai, kae ona ko kitātou e talitonu. 28Auā kua kitātou iloa, ko te fakatuatua oioti lava te fakalelei ai te vā o he tino ma te Atua, kae e hē ko te mulimuli ki nā mea e lea mai ai te Tūlāfono. 29Pe ko te mea ko te Atua, e o tagata Iutaia oioti? E hē ko ia nei foki te Atua o tagata nukukehe? Io, e o tagata nukukehe foki. 30E fokotahi oioti lava te Atua, ma ka ia fakaleleia te vā o tagata Iutaia ma ia, e ala i to lātou fakatuatua. Ka vēnā foki oi ia fakaleleia te vā o tagata nukukehe ma ia, e ala i to lātou fakatuatua.#Teu 6.4; Kal 3.20 31Ko tona uiga e fakahēaogā e kitātou te Tūlāfono ona ko kitātou e fakatuatua? Hēai, kae e fakamautū lelei ai e kitātou te Tūlāfono, e vē ko te tūlaga e tatau ona iei ai.
Currently Selected:
Loma 3: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust