Loma 16
16
He Fakafeiloakiga a Paulo ki nā Tino i Loma
1E fia kavatu e au ni kupu lelei e uiga ki to tātou tuafafine kia Fipe, tē e galue i te Ekalehia i Keneleai. 2Talia kō e koutou i te igoa o te Aliki, e vē ona tatau ke fai e tagata o te Atua, ma fehoahoani ki ei i ho he mea e fofou ki ei; auā e tokalahi na kavea ia ma o lātou fehoahoani, e vēnā foki ona fehoahoani mai ia kia te au.
3E fakafeiloaki atu au kia Pihila ma Akula, oku hoa kaukauna i te gāluega a Keliho Iehu; #Gāl 18.2 4ko kilāua iēnei, na lamatia lele o lā ola ona ko au. Ko au la e fakafetai lahi lele ki ei—e hē nā ko au oioti, kae vēnā foki nā Ekalehia uma a tagata nukukehe. 5E fakafeiloaki atu ki nā tino i nā Ekalehia e fai a lātou māfutaga lotu i o lātou fale.
E fakafeiloaki atu foki ki taku uō pele ko Epaineto, ko ia te tino i te kogāfenua o Ahia, na muamua liliu kia Keliho. 6E fakafeiloaki atu au kia Malia, tē e galue mālohi mo koutou. 7E fakafeiloaki atu foki kia Anitoniko ma Iunia,#16.7 Iunia Ko iētahi tuhituhiga e lea mai Iulia oku uho Iutaia nae i te falepuipui fakatahi kimātou; e iloa lelei lele kilāua e te kau apohitolo, ma na muamua oi kavea kilāua ma Kelihiano i lo au.
8E fakafeiloaki atu kia Amepiliato, he uō pele i te gāluega a te Aliki. 9E fakafeiloaki atu foki kia Oupana, te uho a kaukauna i te gāluega a Keliho, ma Hitahu taku uō pele. 10E fakafeiloaki atu kia Apelehe, ko tona fakamāoni kia Keliho kua fakamāonia. E fakafeiloaki atu kia te koutou i te kau kāiga o Alihitopula. 11E fakafeiloaki atu au kia Helotiona, he uho Iutaia, ma kilātou kua kavea ma Kelihiano i te kaukāiga o Nakihu.
12E fakafeiloaki atu kinā mātua kia Tufaina ma Tufohana, e gālulue i te gāluega a te Aliki, vēnā te mātua ma te uō pele ko Peloita, kua lahi ana gāluega e fai mo te Aliki. 13E fakafeiloaki atu au kia Lufo, te kaukauna uiga kehe tana galue mo te Aliki, ma ki tona mātua kua ia kavea au e vē lava he ataliki moni kia te ia.#Mlk 15.21 14E fakafeiloaki atu au kia Ahukilita, Felegona, Heleme, Patolopa, Helema, ma iētahi tino Kelihiano uma e fakatahi ma kilātou. 15E fakafeiloaki atu kia Filologo ma Iulia, kia Neleuha ma tona tuafafine, kia Olumupaha ma nā tino uma o te Atua e fakatahi ma kilātou.
16Fakafeiloaki e tētahi ki tētahi i te feāhogi o te fīlēmū. E fakafeiloaki atu foki kia te koutou nā Ekalehia uma a Keliho.
Ko nā toe Fakatonuga
17Ko au e fakatagi atu kia te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata, ma e teteke ki nā akoakoga kua uma te akoako ai o koutou. Koutou nā fakapipiki ki ei. 18Auā ko nā tino e faia nā mea iēnā, e hē gālulue mo Keliho to tātou Aliki, kae mo kilātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa. 19Auā e ui kua iloa e tagata uma te koutou fakamāoni, ma ko te mea ia e fiafia ai au, ko au e fofou ke iloa e koutou nā mea e lelei, ma tau mamao lele ma nā mea e kino. 20Ma ko te Atua, te puna o te fīlēmū, ka tuki pala e ia ia Hatani i lalo o outou vae, i he taimi pili mai.
Ke ia te koutou te alofa tūnoa o to tātou Aliki ko Iehu.#16.20 Ko iētahi tuhituhiga e hē i loto te fuaikupu tēnei
21E momoli atu ia alofaaga o Timoteo, toku hoa e gālulue fakatahi kimāua, mo koutou; e vēnā foki ia Loukio, Iahona, ma Hohipate, oku uho Iutaia.#Gāl 16.1
22Ko au, ko Tetiahi, tē na tuhiagia te tuhi tēnei,#16.22 tē na tuhiagia te tuhi tēnei Ko te tuhi ātonu pe na fakakupu e Paulo kae tuhi e Tetiahi e fakafeiloaki atu kia te koutou i te igoa o te Aliki.
23E momoli atu ia alofaaga o Kaio, e o ia te fale e nofo ai au ma fai ai nā lotu; e vēnā foki ia alofaaga o Elahito, te teutupe o te kakai, ma te tātou uho kia Kuata. 24#16.24 Ko iētahi tuhituhiga e fakaopōpo ki ei te fuaikupu e 24: Ke ia te koutou uma te alofa tūnoa o te Aliki ko Iehu Keliho. Amene Ko iētahi e fakaopōpo ki tua o te fuaikupu 27 #Gāl 19.29; 1 Kol 1.14; 2 Tim 4.20
Ko te Tatalo Fakaiku a Paulo
25Tātou tuku atu te vīkiga ki te Atua. E ia mafaia oi fakamautū te koutou fakatuatua, e tuha ai ma te Tala Lelei e kō tālakia e uiga Iehu Keliho, ma e tuha ai ma te fakailoa maiga o te meamoni lilo nae mumuni i nā tauhaga e lahi lele kua teka. 26Kae nei, kua fakailoa te meamoni ki te lalolagi kātoa e ala i nā tuhituhiga a te kau pelofeta; ma e tuha ai ma te fakatonuga a te Atua e fakavavau, ke mafai ai ia tagata nukukehe uma ke talitonu ma uhitaki ki te Atua.
27Ke vīkia te Atua e toka tahi, ko ia oioti te poto, e ala ia Iehu Keliho, ke pa lava ki te fakavavau! Amene.#16.27 Ko iētahi tuhituhiga ko nā fuaikupu 25-27 e i kinei ma e hohoko ki te 14.23; ko iētahi e hohoko oioti ki te 14.23; e fokotahi e hohoko ki te 15.33
Currently Selected:
Loma 16: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust