Malaki 1
1
1Ko tēnei te fekau na tuku mai e te Aliki kia Malaki, ke fakailoa atu ki tagata o Ihalaelu.
Ko te Alofa o te Aliki kia Ihalaelu
2 #
Lom 9.13
#
Iha 34.5-17; 63.1-6; Iel 49.7-22; Ehk 25.12-14; 35.1-15; Amo 1.11-12; Ope 1-14 Kua vāgana te Aliki ki ona tagata, “Mai te kāmataga lava, ko au e alofa pea lava kia te koutou.”
Ka kua tali vē mai kilātou, “E fakaali vēhea mai te alofa o koe kia te kimātou?”
Kua tali mai te Aliki, “Ko Ehau ma Iakopo nae he uho, kae ko au e alofa kia Iakopo ma ona lāpuna, 3kae inoino kia Ehau. Kua fakatāugā e au te fenua maugā o Ehau, ma tīaki tona tofi ki nā ālope o te vao.”
4E ono lea vē ia Etoma, “E ui lava ko nā kakai o kimātou kua fakatāugā, kae ka toe fau fakafōu e kimātou,” oi ka tali atu ai te Aliki o Kautau o te Lagi, “Tukuvē ke toe fakafōu e kilātou, kae ka toe talepe lava e au ki lalo. Ka fakaigoa kilātou e tagata ‘Ko te fenua o te āmiokino’, ma ‘Ko te mālō e ita ki ei te Aliki ke pa ki te hēgata.’ ”
5Ka kikila lava nā mata o tagata ki te mea tēnei, ma ka lea vē ai, “E moni lava ko te hilihilikehe o te Aliki e pa lele ki tua atu o tuākoi o Ihalaelu!”
Kua Akoaki e te Aliki nā Ohitāulaga
6Kua vāgana te Aliki o Kautau o te Lagi ki nā ohitāulaga, “Ko he ataliki e āva ki tona tamana, ma he kaukauna ki tona matai. Kāfai la ia au ko te tamana o koutou—heā la te hē āva mai ai koutou kia te au? Ma kāfai au ko he matai—heā te hē fakaaloalo mai ai koutou kia te au? Ko koutou e inoino mai kia te au, oi kae ko koutou e fehili vē, ‘E vēhea ake ona inoino kimātou kia te koe?’ 7E vēnei—e ala i te ofo mai e koutou o nā tāulaga hē mamā i luga o toku fata ohitāulaga. Oi fehili vē ai koutou, ‘E vēhea ona hē fakaaloalo kimātou kia te koe?’ Ka taku atu e au—e ala i te fakaalia o te koutou inoino ki toku fata faitāulaga. 8#Teu 15.21Kāfai e kaumai e koutou he manu tāuaho, pe tauale, pe pipili, ke fai ma tāulaga kia te au, e hē manatu lele nei koutou e iei he mea e kino i te mea tēnā? Kāfai e koutou faia te mea tēnei ki te kōvana o koutou, e i na ka fiafia nei ia, pe fakaali atu hona alofa kia te koutou?”
9Nei, koutou nā ohitāulaga, taumafai la oi gogō atu ki te Atua ke alofa mai kia te kitātou. Kāfai e hē tali mai ia ki nā tatalo a koutou, ka e o koutou lava te hehē. 10Kua vāgana te Aliki o Kautau o te Lagi, “Māumau ake he tino o koutou ke ia tapunia nā fāitotoka o te Mālumalu, kae ke hē toe tutu ai e koutou nā afi e hēai he aogā, i luga o toku fata ohitāulaga. Ko au e hē fiafia atu kia te koutou, ma ka hē kō talia autou tāulaga e kaumai kia te au. 11Ko tagata, mai tētahi pito o te lalolagi ki tētahi pito, e āva mai kia te au. I ho he koga, e huhunu e kilātou nā meamanogi kia te au, ma ofo mai nā tāulaga e tatau ai. Ko kilātou uma lele e āva mai kia te au! 12Kae ko koutou kua hē āva mai kia te au, i te leaga o koutou ko toku fata faitāulaga e hē aogā, ma i te ofo maiga e koutou i luga, o nā meakai e inoino koutou ki ei. 13E lea koutou, ‘Ko kimātou kua fifiu i nā mea iēnei!’ ma fakamanumi mai outou ihu kia te au. E kaumai e koutou ke fai ma tāulaga kia te au, he manuvaefa na kaihohoa, pe pipili, pe tauale. E vēake nei koutou ka talia e au nā mea iēnā mai ia te koutou? 14Ke fakamālaia te tino fai togafiti, tēia e iei tana manuvaefa poa i tana lafu, ma tautō ke ia fōki maia ma tāulaga kia te au, kae e ia kaumaia he manu e iei ni māila! Auā ko au ko he tupu takutakua, ko tagata o mālō uma e mātataku ia te au.”
Currently Selected:
Malaki 1: TOKU
Highlight
Share
Copy
Want to have your highlights saved across all your devices? Sign up or sign in
Bible Society New Zealand Charitable Trust
