Levitika 25
25
Ko te Fitu o Tauhaga
(Teu 15.1-11)
1 #
Eho 23.10-11
Na vāgana te Aliki kia Mohe i luga o te Mauga ko Hinai, 2“Tautala ki nā tino Ihalaelu ma lea vē ki ei, ‘Kāfai koutou e taunuku atu ki te fenua tēia e fōki atu e au kia te koutou, ko te fenua e tatau ke mālōlō i he hāpati ki te Aliki. 3E ono ia tauhaga ka totō ai outou fātoaga, ma e ono ia tauhaga ka halahala ai ma teuteu nā tōvine o koutou, ma fakaputu mai ai o lātou fua. 4Kae i te fitu o tauhaga, ka iei ai he hāpati e mālōlō lelei ai te fenua, he hāpati ki te Aliki. Ka hē totōa ai nā fātoaga o koutou, pe halahala ma teuteu ai outou tōvine. 5Ko nā mea e ola ake lava kilātou ka hē helehelea e koutou, ma ko nā fuāvine mai nā tōvine o koutou e hēki teuteua e koutou ka hē helehelea foki e koutou; ka kavea ma tauhaga e matuā mālōlō lelei ai te fenua. 6E ui lava ko nā fātoaga e hē totōa i te tauhaga o te hāpati o te fenua, kae ka maua mai ai nā meakai mo koutou, mo autou pologa, mo autou tino faigāluega, ma mo nā tino nukukehe e nonofo ma koutou; 7e vēnā foki mo autou manu tauhi ma manu tāvao i luga o nā fenua o koutou. Ko nā mea uma e maua mai i te fenua, ka mafai koutou ke kakai ai.
Ko te Tauhaga o te Iupelī
8“ ‘Ma ka faitau fakafitu e koutou nā tauhaga hāpati e fitu, oi maua ai nā tauhaga e fa hefulu ma te iva. 9Kāfai la e pa ki te hefulu o aho o te fitu o māhina o te lima hefulu o tauhaga, te Aho o te Fakaleleiga;#25.9 Aho o te Fakaleleiga pe Aho e Fakamāgalo ai nā Agahala Kikila ki te 16.1 ma te 23.27 oi uga ai he tino ke ili te pu i te fenua kātoa. 10I te faiga tēnei, ka fakapaia ai e koutou te lima hefulu o tauhaga ma fakailoga ke folafola ai te haolotoga ki tagata uma i luga o te fenua. Ko he Tauhaga o te Iupelī tēnā e toe fakafoki ai ni fenua na fakatau e koutou, ki nā tino e o kilātou pe ki o lātou lāpuna. Ma ko ho he tino na fakatau ke fai ma pologa, ka toe foki lava ki tona kāiga. 11Ko te lima hefulu o tauhaga ko he tauhaga iupelī tēnā mo koutou; e hē totō ai nā fātoaga o koutou pe helehele ai e koutou nā haito e ola ake lava kilātou, pe fakaputu mai nā fuāvine mai nā vine o koutou e hē tauhia. 12Ko he Tauhaga Iupelī tēnā mo koutou, ma e tatau ke paia kia te koutou; ko koutou ka kakai oioti ki nā mea e ola tauānoa ake i nā fātoaga o koutou.
13“ ‘I te Tauhaga o te Iupelī, ko nā fenua uma na fakatau ka toe fakafoki lava ki nā tino e o kilātou mai te kāmataga.
14“ ‘Ko te mea ia, kāfai e fakatau atu hō fenua ki hō uho Ihalaelu, pe fakatau mai e koe hona fenua, e hē tatau ke fai he mea hehē e tētahi ki tētahi. 15Ko te tau e fua fakatatau ki nā tauhaga e mafai ai ke maua ni fua i te fenua, ka ko hēki pa ki tētahi Tauhaga o te Iupelī. 16Kāfai e lahi nā tauhaga koi totoe ki te Tauhaga o te Iupelī, ko te tau e tatau ke maualuga; kae kāfai e hē lahi nā tauhaga koi totoe, ko te tau e tatau ke maulalo, auā ko te nūmela o nā fuata mai te fenua koi totoe ka ko hēki pa ki tētahi Tauhaga o te Iupelī, kua hē lahi. 17Nahe faia he mea hehē e tētahi ki tētahi, kae ko koutou ke mātataku i te Atua; auā ko au ko te Aliki te koutou Atua.
Nā Fakafītāuli o te Fitu o Tauhaga
18“ ‘Uhitaki la ki aku vāiniuga uma ma tauhi ki aku folahaga, kae ke ola ai koutou ma te haogalēmū i te fenua. 19Ka fua mai e te fenua ona fua, ma ka maua uma mai ai nā meakai e manakomia e koutou, ma ka ola foki koutou ma te haogalēmū.
20“ ‘Kae e ono fehili vē he tino, “Niā nei ta kitātou ka kai i te fitu o tauhaga, pe kāfai ka hē totōa o tātou fātoaga, pe fakaputu mai te fuata?” 21Ka kaumai e au aku fakamanuiaga ki luga o koutou i te ono o tauhaga, kae ke maua ai ni fua o nā fātoaga o koutou e lava mo koutou mo ni tauhaga e tolu.#25.21 tauhaga e tolu E kāmata i te taimi o te helehelega i te ono o tauhaga, fakaopōpo ki ei te fitu o tauhaga ke pa ki te taimi o te helehelega i te valu o tauhaga. Ko he taimi kātoa tēnei e hili atu i te lua tauhaga 22Kāfai e toe totō nā fātoaga o koutou i te valu o tauhaga, ka kakai pea lava koutou i nā fua mai te fuata i te ono tauhaga kātoa kua teka, ke pa ki te taimi e tau ai te fuata i te iva o tauhaga.
Te toe Fakafokiga o nā Fenua
23“ ‘Ko te fenua ka hē mafai ke fakatau atu ke fai mo he tino mo te olaga kātoa, auā ko te fenua e o oku. Ko koutou e vēia ni tino kehe e fakataga ke fakaaogā te fenua. 24Kāfai te fenua e fakatau atu, ko te āiātatau a te tino e o ia mai te kāmataga, e tatau ke fakamautū.
25“ ‘Kāfai tō uho kua mativa ma fakatau atu e ia he vāega o tona fenua, e tatau he tino o tona kāiga ke ia toe fakatau maia te vāega o te fenua na fakatau atu. 26Kāfai e hēai he tino o tona kāiga ke toe fakatau maia te fenua, kae i he taimi mulimuli e ia maua ni tupe e lava ke toe fakatau mai e ia, 27e tatau ke ia totogia ki te tino na fakatau mai ai he tupe e fua ki nā tauhaga koi totoe talu te fakatau atuga o te fenua ke pa ki te Tauhaga o te Iupelī ka hohoko mai, te tauhaga e toe fakafoki ai te fenua ki te tino nae o ia mai te kāmataga. 28Kae kāfai e hē lava hana tupe ke toe fakatau mai ai e ia te fenua, ka tūmau pea lava la te fenua i nā lima o te tino na ia fakatau maia, ke pa ki te Tauhaga o te Iupelī ka hohoko mai. I te Tauhaga o te Iupelī, e tatau ke toe fakafoki ai te fenua ki te tino nae o ia mai te kāmataga.
29“ ‘Kāfai he tino e ia fakatau atua he fale e tū i loto o he kakai fai pāpuipui, e iei tana āiātatau ke ia toe fakatau mai ai te fale tēnei i loto o he tauhaga kātoa mai te aho na ia fakatau atua ai. 30Kāfai e hē ia toe fakatau maia i loto o te taimi tēnei, ko he fale i loto o he kakai fai pāpuipui, ka hē mafai ke toe fakatau mai e ia, ma ka kavea ma meatōtino a tē na ia fakataua mo augā tupulaga uma lava. Ka hē mafai ke toe fakafoki i te Tauhaga o te Iupelī. 31Kae ko nā fale i nā kakai e hēai ni pāpuipui, ka vēia ko nā fātoaga i te fenua kātoa; ko te tino nae e o ia te fale i te kāmataga e iei tana āiātatau ke toe fakatau mai ai e ia, ma ka ia maua te avanoa tēnei i te Tauhaga o te Iupelī.
32“ ‘Kae ko nā tino o te puikāiga o ha-Levī i nā kakai lava o kilātou, e ia te kilātou te āiātatau ke toe fakatau mai ai o lātou fale i ho he taimi. 33Ma kāfai he fale i he kakai o nā kakai iēnei e fakatau atu e he tino ha-Levī ma e hē ia toe fakatau maia, e tatau la ke toe fakafoki kia te ia i te Tauhaga o te Iupelī, auā ko nā fale o nā tino ha-Levī i nā kakai o kilātou, ni meatōtino tūmau e a kilātou i te mea e iei ai ia tagata Ihalaelu. 34Kae ko nā fenua mutia e hiko takamilo i nā kakai o nā tino ha-Levī ka hē mafai lele ke fakatau atu ki ni tino; ko he meatōtino tūmau tēnā mo kilātou ke pa ki te hēgata.
Tupe e Kaitālafu e nā Tino Mātitiva
35 #
Teu 15.7-8
“ ‘Kāfai ni uho Ihalaelu o koutou e maua i te mativa, ma kua hē kilātou mafaia oi ola i to lātou lava mālohi, e tatau koutou ke fehoahoani ki ei e vē ona tatau ke fai e koutou ki nā tino kehe pe ki nā tino nukukehe, kae ke mafai ai kilātou ke nonofo i te koga e iei ai koutou. 36Nahe koutou lea ki ei mo he ola o ni tupe e kilātou kaitālafua mai ia te koutou, kae uhitaki ki te Atua, ma tuku outou uho Ihalaelu ke nonofo i te koga e iei ai koutou. 37#Eho 22.25; Teu 23.19-20Nahe fōkia autou tupe ke kilātou kaitālafua kae ke totogi atu ai e kilātou he ola, pe fakatau e koutou ni meakai kia te kilātou ke maua ni autou tupe mamā. 38Ko au ko te Aliki te koutou Atua, tē na kaumaia koutou mai te fenua ko Aikupito, ke fōki atu mo koutou te fenua ko Kanana, ma ke fai au ma Atua o koutou.
Fakahaolotoga o nā Pologa
39 #
Eho 21.2-6; Teu 15.12-18 “ ‘Kāfai ni uho Ihalaelu o koutou e maua i te mativa i te koga e iei ai koutou, ma e kilātou fakatau atua ai kilātou kia te koutou, ka hē koutou faia nā tino iēnā ke tautua atu kia e koutou e vē ni pologa. 40Ka nonofo kilātou ma momoe e vē ni tino faigāluega ma tautua atu kia te koutou ke pa ki te Tauhaga o te Iupelī ka hohoko mai. 41I te taimi tēnā, ko kilātou ma a lātou fānau ka toe foki ki o lātou lava kāiga ma ki nā fenua o nā tupuna o kilātou. 42Auā ko nā tino Ihalaelu ni pologa e āku, iēia na kō kaumaia mai te fenua ko Aikupito; ka hē fakatau atua lele kilātou ke fai ma pologa. 43Nahe koutou pule fakahāuā kia te kilātou, kae e tatau koutou ke uhitaki ki te Atua. 44Kāfai koutou e fofou ki ni pologa, e mafai ke fakatau mai e koutou mai nā nuku e tuākoi mai kia te koutou. 45E mafai foki ke fakatau mai e koutou nā tamaiti a nā tino nukukehe e nonofo ma koutou. Ko nā tamaiti e fānanau i te fenua o koutou, e mafai ke kavea ma autou meatōtino, 46ma e mafai foki ke fakatofi ai outou ataliki, iēia e tatau ke tautua kilātou ki ei i aho uma o to lātou ola. Kae ia koutou nahe pule fakahāuā ki outou uho Ihalaelu.
47“ ‘Kāfai he tino nukukehe e nonofo ma koutou e ia maua te tamaokāiga, kae ko tō uho Ihalaelu e mativa, ma e ia fakatau atu ia ki he tino nukukehe e nonofo ma koutou ke fai ma ana pologa, pe ke fai foki ma pologa a he tino o tona kāiga, 48ka ia te ia pea lava te āiātatau ke toe fakatau mai ai ia. E mafai e hona uho, 49pe he uho o tona tamana, pe he tino e kāiga pili ia ki ei, ke ia toe fakatau maia ia; pe kāfai foki kua tamaokāiga ia, ka ia mafaia foki lava oi toe totogi mo tona ia lava haolotoga. 50E tatau ke talanoa ma te tino na ia fakataua ia ke fai ma pologa, ma faitau e kilāua nā tauhaga mai te taimi na ia fakataua ai, ke pa ki te Tauhaga o te Iupelī ka hohoko mai, oi fuafua ai te tau o tona haolotoga ki te totogi o he tino e faigāluega totogi. 51Kāfai koi lahi ni tauhaga e totoe oi pa ai ki te Tauhaga o te Iupelī, e tatau ke totogi e ia mo tona haolotoga he vāega e fetaui ma te tau na fakatau atu ai ia. 52Kāfai e hē lahi ni tauhaga koi totoe ki te Tauhaga o te Iupelī, ka ia totogia foki he vāega taigole o te tupe mo tona haolotoga. 53E tatau i te tino nukukehe ke kikila vē ki te tino Ihalaelu kua ia fakatau maia, ko he tino e fakafaigāluega e ia mai tēia tauhaga ki tēia tauhaga. Nahe tukua lele e koutou he tino nukukehe ke pule fakahāuā ki he tino Ihalaelu.
54“ ‘Ma kāfai ka hē maua tona haolotoga i he auala o nā auala iēnei, oi ko ia fakatahi ma tana fānau ka fakahaoloto i te Tauhaga o te Iupelī. 55E hēai he tino Ihalaelu e mafai ke kavea ma pologa tūmau, auā ko tagata Ihalaelu ni pologa e āku. Na kō kaumaia kilātou mai Aikupito. Ko au ko te Aliki te koutou Atua.
Currently Selected:
Levitika 25: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Levitika 25
25
Ko te Fitu o Tauhaga
(Teu 15.1-11)
1 #
Eho 23.10-11
Na vāgana te Aliki kia Mohe i luga o te Mauga ko Hinai, 2“Tautala ki nā tino Ihalaelu ma lea vē ki ei, ‘Kāfai koutou e taunuku atu ki te fenua tēia e fōki atu e au kia te koutou, ko te fenua e tatau ke mālōlō i he hāpati ki te Aliki. 3E ono ia tauhaga ka totō ai outou fātoaga, ma e ono ia tauhaga ka halahala ai ma teuteu nā tōvine o koutou, ma fakaputu mai ai o lātou fua. 4Kae i te fitu o tauhaga, ka iei ai he hāpati e mālōlō lelei ai te fenua, he hāpati ki te Aliki. Ka hē totōa ai nā fātoaga o koutou, pe halahala ma teuteu ai outou tōvine. 5Ko nā mea e ola ake lava kilātou ka hē helehelea e koutou, ma ko nā fuāvine mai nā tōvine o koutou e hēki teuteua e koutou ka hē helehelea foki e koutou; ka kavea ma tauhaga e matuā mālōlō lelei ai te fenua. 6E ui lava ko nā fātoaga e hē totōa i te tauhaga o te hāpati o te fenua, kae ka maua mai ai nā meakai mo koutou, mo autou pologa, mo autou tino faigāluega, ma mo nā tino nukukehe e nonofo ma koutou; 7e vēnā foki mo autou manu tauhi ma manu tāvao i luga o nā fenua o koutou. Ko nā mea uma e maua mai i te fenua, ka mafai koutou ke kakai ai.
Ko te Tauhaga o te Iupelī
8“ ‘Ma ka faitau fakafitu e koutou nā tauhaga hāpati e fitu, oi maua ai nā tauhaga e fa hefulu ma te iva. 9Kāfai la e pa ki te hefulu o aho o te fitu o māhina o te lima hefulu o tauhaga, te Aho o te Fakaleleiga;#25.9 Aho o te Fakaleleiga pe Aho e Fakamāgalo ai nā Agahala Kikila ki te 16.1 ma te 23.27 oi uga ai he tino ke ili te pu i te fenua kātoa. 10I te faiga tēnei, ka fakapaia ai e koutou te lima hefulu o tauhaga ma fakailoga ke folafola ai te haolotoga ki tagata uma i luga o te fenua. Ko he Tauhaga o te Iupelī tēnā e toe fakafoki ai ni fenua na fakatau e koutou, ki nā tino e o kilātou pe ki o lātou lāpuna. Ma ko ho he tino na fakatau ke fai ma pologa, ka toe foki lava ki tona kāiga. 11Ko te lima hefulu o tauhaga ko he tauhaga iupelī tēnā mo koutou; e hē totō ai nā fātoaga o koutou pe helehele ai e koutou nā haito e ola ake lava kilātou, pe fakaputu mai nā fuāvine mai nā vine o koutou e hē tauhia. 12Ko he Tauhaga Iupelī tēnā mo koutou, ma e tatau ke paia kia te koutou; ko koutou ka kakai oioti ki nā mea e ola tauānoa ake i nā fātoaga o koutou.
13“ ‘I te Tauhaga o te Iupelī, ko nā fenua uma na fakatau ka toe fakafoki lava ki nā tino e o kilātou mai te kāmataga.
14“ ‘Ko te mea ia, kāfai e fakatau atu hō fenua ki hō uho Ihalaelu, pe fakatau mai e koe hona fenua, e hē tatau ke fai he mea hehē e tētahi ki tētahi. 15Ko te tau e fua fakatatau ki nā tauhaga e mafai ai ke maua ni fua i te fenua, ka ko hēki pa ki tētahi Tauhaga o te Iupelī. 16Kāfai e lahi nā tauhaga koi totoe ki te Tauhaga o te Iupelī, ko te tau e tatau ke maualuga; kae kāfai e hē lahi nā tauhaga koi totoe, ko te tau e tatau ke maulalo, auā ko te nūmela o nā fuata mai te fenua koi totoe ka ko hēki pa ki tētahi Tauhaga o te Iupelī, kua hē lahi. 17Nahe faia he mea hehē e tētahi ki tētahi, kae ko koutou ke mātataku i te Atua; auā ko au ko te Aliki te koutou Atua.
Nā Fakafītāuli o te Fitu o Tauhaga
18“ ‘Uhitaki la ki aku vāiniuga uma ma tauhi ki aku folahaga, kae ke ola ai koutou ma te haogalēmū i te fenua. 19Ka fua mai e te fenua ona fua, ma ka maua uma mai ai nā meakai e manakomia e koutou, ma ka ola foki koutou ma te haogalēmū.
20“ ‘Kae e ono fehili vē he tino, “Niā nei ta kitātou ka kai i te fitu o tauhaga, pe kāfai ka hē totōa o tātou fātoaga, pe fakaputu mai te fuata?” 21Ka kaumai e au aku fakamanuiaga ki luga o koutou i te ono o tauhaga, kae ke maua ai ni fua o nā fātoaga o koutou e lava mo koutou mo ni tauhaga e tolu.#25.21 tauhaga e tolu E kāmata i te taimi o te helehelega i te ono o tauhaga, fakaopōpo ki ei te fitu o tauhaga ke pa ki te taimi o te helehelega i te valu o tauhaga. Ko he taimi kātoa tēnei e hili atu i te lua tauhaga 22Kāfai e toe totō nā fātoaga o koutou i te valu o tauhaga, ka kakai pea lava koutou i nā fua mai te fuata i te ono tauhaga kātoa kua teka, ke pa ki te taimi e tau ai te fuata i te iva o tauhaga.
Te toe Fakafokiga o nā Fenua
23“ ‘Ko te fenua ka hē mafai ke fakatau atu ke fai mo he tino mo te olaga kātoa, auā ko te fenua e o oku. Ko koutou e vēia ni tino kehe e fakataga ke fakaaogā te fenua. 24Kāfai te fenua e fakatau atu, ko te āiātatau a te tino e o ia mai te kāmataga, e tatau ke fakamautū.
25“ ‘Kāfai tō uho kua mativa ma fakatau atu e ia he vāega o tona fenua, e tatau he tino o tona kāiga ke ia toe fakatau maia te vāega o te fenua na fakatau atu. 26Kāfai e hēai he tino o tona kāiga ke toe fakatau maia te fenua, kae i he taimi mulimuli e ia maua ni tupe e lava ke toe fakatau mai e ia, 27e tatau ke ia totogia ki te tino na fakatau mai ai he tupe e fua ki nā tauhaga koi totoe talu te fakatau atuga o te fenua ke pa ki te Tauhaga o te Iupelī ka hohoko mai, te tauhaga e toe fakafoki ai te fenua ki te tino nae o ia mai te kāmataga. 28Kae kāfai e hē lava hana tupe ke toe fakatau mai ai e ia te fenua, ka tūmau pea lava la te fenua i nā lima o te tino na ia fakatau maia, ke pa ki te Tauhaga o te Iupelī ka hohoko mai. I te Tauhaga o te Iupelī, e tatau ke toe fakafoki ai te fenua ki te tino nae o ia mai te kāmataga.
29“ ‘Kāfai he tino e ia fakatau atua he fale e tū i loto o he kakai fai pāpuipui, e iei tana āiātatau ke ia toe fakatau mai ai te fale tēnei i loto o he tauhaga kātoa mai te aho na ia fakatau atua ai. 30Kāfai e hē ia toe fakatau maia i loto o te taimi tēnei, ko he fale i loto o he kakai fai pāpuipui, ka hē mafai ke toe fakatau mai e ia, ma ka kavea ma meatōtino a tē na ia fakataua mo augā tupulaga uma lava. Ka hē mafai ke toe fakafoki i te Tauhaga o te Iupelī. 31Kae ko nā fale i nā kakai e hēai ni pāpuipui, ka vēia ko nā fātoaga i te fenua kātoa; ko te tino nae e o ia te fale i te kāmataga e iei tana āiātatau ke toe fakatau mai ai e ia, ma ka ia maua te avanoa tēnei i te Tauhaga o te Iupelī.
32“ ‘Kae ko nā tino o te puikāiga o ha-Levī i nā kakai lava o kilātou, e ia te kilātou te āiātatau ke toe fakatau mai ai o lātou fale i ho he taimi. 33Ma kāfai he fale i he kakai o nā kakai iēnei e fakatau atu e he tino ha-Levī ma e hē ia toe fakatau maia, e tatau la ke toe fakafoki kia te ia i te Tauhaga o te Iupelī, auā ko nā fale o nā tino ha-Levī i nā kakai o kilātou, ni meatōtino tūmau e a kilātou i te mea e iei ai ia tagata Ihalaelu. 34Kae ko nā fenua mutia e hiko takamilo i nā kakai o nā tino ha-Levī ka hē mafai lele ke fakatau atu ki ni tino; ko he meatōtino tūmau tēnā mo kilātou ke pa ki te hēgata.
Tupe e Kaitālafu e nā Tino Mātitiva
35 #
Teu 15.7-8
“ ‘Kāfai ni uho Ihalaelu o koutou e maua i te mativa, ma kua hē kilātou mafaia oi ola i to lātou lava mālohi, e tatau koutou ke fehoahoani ki ei e vē ona tatau ke fai e koutou ki nā tino kehe pe ki nā tino nukukehe, kae ke mafai ai kilātou ke nonofo i te koga e iei ai koutou. 36Nahe koutou lea ki ei mo he ola o ni tupe e kilātou kaitālafua mai ia te koutou, kae uhitaki ki te Atua, ma tuku outou uho Ihalaelu ke nonofo i te koga e iei ai koutou. 37#Eho 22.25; Teu 23.19-20Nahe fōkia autou tupe ke kilātou kaitālafua kae ke totogi atu ai e kilātou he ola, pe fakatau e koutou ni meakai kia te kilātou ke maua ni autou tupe mamā. 38Ko au ko te Aliki te koutou Atua, tē na kaumaia koutou mai te fenua ko Aikupito, ke fōki atu mo koutou te fenua ko Kanana, ma ke fai au ma Atua o koutou.
Fakahaolotoga o nā Pologa
39 #
Eho 21.2-6; Teu 15.12-18 “ ‘Kāfai ni uho Ihalaelu o koutou e maua i te mativa i te koga e iei ai koutou, ma e kilātou fakatau atua ai kilātou kia te koutou, ka hē koutou faia nā tino iēnā ke tautua atu kia e koutou e vē ni pologa. 40Ka nonofo kilātou ma momoe e vē ni tino faigāluega ma tautua atu kia te koutou ke pa ki te Tauhaga o te Iupelī ka hohoko mai. 41I te taimi tēnā, ko kilātou ma a lātou fānau ka toe foki ki o lātou lava kāiga ma ki nā fenua o nā tupuna o kilātou. 42Auā ko nā tino Ihalaelu ni pologa e āku, iēia na kō kaumaia mai te fenua ko Aikupito; ka hē fakatau atua lele kilātou ke fai ma pologa. 43Nahe koutou pule fakahāuā kia te kilātou, kae e tatau koutou ke uhitaki ki te Atua. 44Kāfai koutou e fofou ki ni pologa, e mafai ke fakatau mai e koutou mai nā nuku e tuākoi mai kia te koutou. 45E mafai foki ke fakatau mai e koutou nā tamaiti a nā tino nukukehe e nonofo ma koutou. Ko nā tamaiti e fānanau i te fenua o koutou, e mafai ke kavea ma autou meatōtino, 46ma e mafai foki ke fakatofi ai outou ataliki, iēia e tatau ke tautua kilātou ki ei i aho uma o to lātou ola. Kae ia koutou nahe pule fakahāuā ki outou uho Ihalaelu.
47“ ‘Kāfai he tino nukukehe e nonofo ma koutou e ia maua te tamaokāiga, kae ko tō uho Ihalaelu e mativa, ma e ia fakatau atu ia ki he tino nukukehe e nonofo ma koutou ke fai ma ana pologa, pe ke fai foki ma pologa a he tino o tona kāiga, 48ka ia te ia pea lava te āiātatau ke toe fakatau mai ai ia. E mafai e hona uho, 49pe he uho o tona tamana, pe he tino e kāiga pili ia ki ei, ke ia toe fakatau maia ia; pe kāfai foki kua tamaokāiga ia, ka ia mafaia foki lava oi toe totogi mo tona ia lava haolotoga. 50E tatau ke talanoa ma te tino na ia fakataua ia ke fai ma pologa, ma faitau e kilāua nā tauhaga mai te taimi na ia fakataua ai, ke pa ki te Tauhaga o te Iupelī ka hohoko mai, oi fuafua ai te tau o tona haolotoga ki te totogi o he tino e faigāluega totogi. 51Kāfai koi lahi ni tauhaga e totoe oi pa ai ki te Tauhaga o te Iupelī, e tatau ke totogi e ia mo tona haolotoga he vāega e fetaui ma te tau na fakatau atu ai ia. 52Kāfai e hē lahi ni tauhaga koi totoe ki te Tauhaga o te Iupelī, ka ia totogia foki he vāega taigole o te tupe mo tona haolotoga. 53E tatau i te tino nukukehe ke kikila vē ki te tino Ihalaelu kua ia fakatau maia, ko he tino e fakafaigāluega e ia mai tēia tauhaga ki tēia tauhaga. Nahe tukua lele e koutou he tino nukukehe ke pule fakahāuā ki he tino Ihalaelu.
54“ ‘Ma kāfai ka hē maua tona haolotoga i he auala o nā auala iēnei, oi ko ia fakatahi ma tana fānau ka fakahaoloto i te Tauhaga o te Iupelī. 55E hēai he tino Ihalaelu e mafai ke kavea ma pologa tūmau, auā ko tagata Ihalaelu ni pologa e āku. Na kō kaumaia kilātou mai Aikupito. Ko au ko te Aliki te koutou Atua.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust