Levitika 26
26
Nā Fakamanuiaga mo te Uhitaki
(Teu 7.12-24; 28.1-14)
1 #
Eho 20.4; Lev 19.4; Teu 5.8; 16.21-22; 27.1 “ ‘Nahe faia e koutou ni tupua, pe tā ni fakatuha, pe fau ni poutū fatu, pe vane ni fatu ke tāpuaki koutou ki ei. Ko au ko te Aliki te koutou Atua. 2Tauhi ki oku Hāpati ma fakamamalu toku nofoaga paia. Ko au ko te Aliki.
3 #
Teu 11.13-15; 28.1-14 “ ‘Kāfai koutou e mulimuli ki aku vāiniuga ma tauhi ki aku fakatonuga, 4ka kaumai e au nā ua i to lātou taimi tatau, ma ka fua mai ai e te fenua ona haito, ma e nā lākau kaina o lātou fua e lahi. 5Ko te lahi lele o te fuata o autou fātoaga e pa atu ki te taimi e tau ai nā fuāvine ka koi helehele lava te haito, ma ka koi tau mai e koutou nā fuāvine ka kua pa ki te taimi e tatau ke totō ai te haito. Ka maua e koutou nā mea uma e manakomia ke kakai ai koutou, ma nonofo i te fenua o koutou ma te haogalēmū.
6“ ‘Ka fōki atu e au te fīlēmū ki te fenua, ma ka tākokoto koutou ki lalo ma momoe lelei ma hēai he mea e mātataku ai koutou. Ka kave kehe e au nā manu fekai i luga o te fenua, ma e hē toe i ei foki ni taua i kinā. 7Ka tuliloa e koutou nā fili o koutou ma tafahi mate i te pelu. 8E toka lima ni tino o koutou ka tuliloagia he toka helau o kilātou, ma e toka helau o koutou ka tuliloagia he toka hefuluafe o kilātou, ma ko nā fili o koutou ka tāmate i te pelu.
9“ ‘Ka fakamanuia e au koutou ma fōki atu ni autou fānau e tokalahi, ma ka tauhi lava au ki taku feagaiga na fai ma koutou. 10Ko te lahi lele o te fuata ka fakaputu mai e pa atu ki tētahi tauhaga koi totoe lava ma tatau ke fakaātea kehe mo te fuata fōu. 11Ko au ka nofo i te mea e iei koutou i toku Falekie Tapu, ma ka hē teteke lele au kia te koutou. 12#2 Kol 6.16Ma ko au ka i ei pea lava ma koutou; ka fai au ma outou Atua, ma ka kavea koutou ma oku tagata. 13Ko au ko te Aliki te koutou Atua, tē na kaumaia koutou mai te fenua ko Aikupito kae ke nahe faia ai koutou ma a lātou pologa. Kua talepe e au te mālohiaga nae tataoa koutou ki lalo ma kua mafai ai koutou ke hāvavali ma outou ulu e hiki ki luga.
Fakahalaga mo te Hē Uhitaki
(Teu 28.15-68)
14“ ‘Kae kāfai koutou e hē fakalogo mai ma hē uhitaki ki aku fakatonuga,#Teu 28.15-68 15kāfai koutou e teteke ki aku vāiniuga, ma inoino ki aku folahaga kae ke hē mulimuli ai koutou ki aku fakatonuga, ma holi ai te feagaiga na ohi e au ma koutou, 16ko tēnei te mea ka kō faia kia te koutou: Ka kō kaumaia he fakahalaga ki luga o koutou e ala i ni mea fakamātakutaku e tutupu fakafuaheki—ni tauale e hē mafai ke togafitia, ni fiva e tāuaho ai nā mata ma magoivia ai koutou. Ma ka hēai lele he aogā e totō ai e koutou nā fātoaga o koutou, auā ko nā fili o koutou te ka kilātou kaia. 17Ko au ka fakahaga tau atu kia te koutou, ma ko koutou ka fakatōkilalo i mua o nā fili o koutou, ma ko nā tino e ita atu kia te koutou te ka pule ia te koutou; ma ko te mātataku lahi o koutou ka fetutuli ai lava koutou kae e hēai he tino e ia tuliloa atua koutou. 18Kae kāfai nā mea uma iēnei e tutupu kae e hē fakalogo mai ai lava koutou kia te au, oi ka fakafitu ai te mamafa o te fakahalaga ka kō kaumaia ki luga o koutou. 19Ka tukimomo e au te lototutū o koutou; ka hēai ni ua mai te lagi i luga, ma ka mamago uma ai te fenua ma mākeketū te kelekele. 20Ka matuā hēai lava he aogā o nā gāluega a koutou e fai, auā ko te kelekele o koutou ka hē maua mai ai he fuata, ma hē maua foki ni fua mai nā lākau totō a koutou.
21“ ‘Kāfai e tūmau lava te koutou teteke ma te hē fia fakalogo mai kia te au, oi ka fakafitu foki te mamafa o te fakahalaga ka toe fakaopōpo e au mo koutou. 22Ka uga atu e au nā manu fekai ke kilātou ohofakia koutou ma tāmatea autou tamaiti; ma ke fakatāugā autou lafumanu ma fakaitītia te tokalahi o koutou, kae ke tau hēai lele ai ni tino i luga o nā auala o koutou.
23“ ‘Kāfai e tūmau lava te koutou teteke ma te hē fia fakalogo mai kia te au, 24oi ko au foki la ka teteke atu kia te koutou, ma ka fakafitu foki te mamafa o te fakahalaga o koutou ka kō faia i lo te taimi muamua. 25Ka kaumai e au nā taua kia te koutou ke fakahala ai koutou, ona kua holi e koutou te feagaiga i te vā o kitātou. Ka kaumai e au kia te koutou nā fāmai e hē mafai ke togafitia, ma ko koutou ka tuku atu ki lima o nā fili o koutou. 26Kāfai e tāofi e au nā hapalai meakai a koutou, e toka hefulu ia fafine ka mafai ke taoa autou falaoa i he ogāumu e fokotahi. Ka fua tutuha e kilātou te mamafa o nā inati falaoa e fakahoa, ma kāfai e uma te kai e koutou, ka lagona pea lava e koutou te fia kakaia.
27“ ‘Kae kāfai e taunuku nā mea iēnei kae hē fia fakalogo mai lava koutou ma teteke mai kia te au, 28oi ka teteke atu ai au kia te koutou i toku tōkahā, ma ka fakafitugia te mamafa o te koutou fakahalaga ka kō faia i lo te taimi i muamua. 29Ko te fia kakaia lahi o koutou, ka iku ai oi kai e koutou nā ataliki ma nā afafine o koutou. 30Ma ka fakatāugā e au nā fale tāpuaki o koutou i nā koga maualuluga, ma talepe ki lalo nā fata faitāulaga mo nā meamanogi; ka toli e au nā tinooti o koutou ki luga o nā tupua e hēai ni ola a koutou, ma ko au ka teteke kia te koutou. 31Ka fakatāugā e au nā kakai o koutou ma talepe ki lalo outou fale tāpuaki; ma ka hēai lele hoku fiafia i te manogi o autou tāulaga. 32Ko te fenua o koutou ka matuā fakatāugā lava e au, ko nā fili o koutou ka nonofo ai, ka ofo lahi lele. 33Ka kō kaumaia nā taua kia te koutou ma fakatakape koutou ki iētahi mālō. Ka hē nofoia te fenua o koutou, ma ko nā kakai o koutou ka fakahēaogāgia. 34Oi ka fātoā maua ai te fiafia e te fenua i ona tauhaga Hāpati, i nā taimi uma e hē nofoia ai ma e fakaaunukua ai koutou i te fenua o nā fili o koutou. Oi ka mālōlō ai te fenua ma fiafia i ona tauhaga Hāpati. 35I taimi uma lava e hē nofoia ai, ka maua e te fenua te mālōlōga e hēki ia maua i nā tauhaga Hāpati nae nonofo ai koutou i ei.
36“ ‘Ka kō faia ke mātataku lahi lele koutou iēnā e fakaaunukua, ko te gatolo o he lau lākau e pūhia i te matagi ka fetutuli ai koutou. Ka fetutuli koutou e vēia ko koutou e tuliloa i he taua, ma ka pākukū koutou ki lalo kae e hēai he tino e ia tulia koutou. 37Ko koutou ka higa lava tētahi ki luga o tētahi, e vēia ko koutou e hōhola kehe mai he taua, e ui lava e hēai he tino e tuliloagia koutou, ma ka hēai he mālohi o koutou ke teteke atu ai ki nā fili o koutou. 38Ma ko koutou ka mamate i te mea e iei ai nā mālō; ka folo koutou e te fenua o nā fili o koutou. 39Ma ko koutou iēnā e totoe i te fenua o nā fili o koutou, ka pala nā tino o koutou ona ko autou agahala ma nā agahala a outou tupuna.
40“ ‘Kae ka takutaku atu e nā lāpuna o koutou a lātou agahala, vēnā ma agahala a o lātou tupuna, iēia nae teteke ma fakatuikehe mai kia te au, 41ma na liliu kehe ai au ma kilātou ma kave e au oi fakaaunukua i te fenua o nā fili o kilātou. Kāfai la e lagona e nā lāpuna o koutou te loto maulalo, ma kua totogi e kilātou mo a lātou agahala ma to lātou fakatuikehe mai kia te au, 42#Ken 17.7-8; 26.3-4; 28.13-14ka toe manatua e au taku feagaiga na fai ma Iakopo, ma taku feagaiga na fai ma Ihaako, ma taku feagaiga na fai ma Apelaamo, ma ka toe fakafōu taku folafolaga ke fōki te fenua ki oku tagata. 43Kae muamua, ko te fenua e tatau ke nofoia kae ke mālōlō lelei ai i nā tauhaga Hāpati o ia; ma e tatau ke totogi e nā tino te hala mo to lātou teteke ki aku folahaga ma aku vāiniuga. 44Kae e ui i nā mea uma iēnei, i te taimi e iei ai kilātou i te fenua o nā fili o kilātou, ka hē tīakia kātoatoa e au kilātou pe fakatāugā auā ka holi ai taku feagaiga ma kilātou. Ko au ko te Aliki to lātou Atua. 45Mo to lātou lelei, ka manatua e au te feagaiga ma o lātou tupuna, iēia na kō kaumaia mai te fenua ko Aikupito i mua o nā mālō, kae ke fai ai au ma o lātou Atua. Ko au ko te Aliki.’ ”
46Ko nā vāiniuga iēnei ma nā folahaga ma nā tūlāfono na fōki e te Aliki kia Mohe i luga o te Mauga ko Hinai, mo nā tino Ihalaelu.
Currently Selected:
Levitika 26: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Levitika 26
26
Nā Fakamanuiaga mo te Uhitaki
(Teu 7.12-24; 28.1-14)
1 #
Eho 20.4; Lev 19.4; Teu 5.8; 16.21-22; 27.1 “ ‘Nahe faia e koutou ni tupua, pe tā ni fakatuha, pe fau ni poutū fatu, pe vane ni fatu ke tāpuaki koutou ki ei. Ko au ko te Aliki te koutou Atua. 2Tauhi ki oku Hāpati ma fakamamalu toku nofoaga paia. Ko au ko te Aliki.
3 #
Teu 11.13-15; 28.1-14 “ ‘Kāfai koutou e mulimuli ki aku vāiniuga ma tauhi ki aku fakatonuga, 4ka kaumai e au nā ua i to lātou taimi tatau, ma ka fua mai ai e te fenua ona haito, ma e nā lākau kaina o lātou fua e lahi. 5Ko te lahi lele o te fuata o autou fātoaga e pa atu ki te taimi e tau ai nā fuāvine ka koi helehele lava te haito, ma ka koi tau mai e koutou nā fuāvine ka kua pa ki te taimi e tatau ke totō ai te haito. Ka maua e koutou nā mea uma e manakomia ke kakai ai koutou, ma nonofo i te fenua o koutou ma te haogalēmū.
6“ ‘Ka fōki atu e au te fīlēmū ki te fenua, ma ka tākokoto koutou ki lalo ma momoe lelei ma hēai he mea e mātataku ai koutou. Ka kave kehe e au nā manu fekai i luga o te fenua, ma e hē toe i ei foki ni taua i kinā. 7Ka tuliloa e koutou nā fili o koutou ma tafahi mate i te pelu. 8E toka lima ni tino o koutou ka tuliloagia he toka helau o kilātou, ma e toka helau o koutou ka tuliloagia he toka hefuluafe o kilātou, ma ko nā fili o koutou ka tāmate i te pelu.
9“ ‘Ka fakamanuia e au koutou ma fōki atu ni autou fānau e tokalahi, ma ka tauhi lava au ki taku feagaiga na fai ma koutou. 10Ko te lahi lele o te fuata ka fakaputu mai e pa atu ki tētahi tauhaga koi totoe lava ma tatau ke fakaātea kehe mo te fuata fōu. 11Ko au ka nofo i te mea e iei koutou i toku Falekie Tapu, ma ka hē teteke lele au kia te koutou. 12#2 Kol 6.16Ma ko au ka i ei pea lava ma koutou; ka fai au ma outou Atua, ma ka kavea koutou ma oku tagata. 13Ko au ko te Aliki te koutou Atua, tē na kaumaia koutou mai te fenua ko Aikupito kae ke nahe faia ai koutou ma a lātou pologa. Kua talepe e au te mālohiaga nae tataoa koutou ki lalo ma kua mafai ai koutou ke hāvavali ma outou ulu e hiki ki luga.
Fakahalaga mo te Hē Uhitaki
(Teu 28.15-68)
14“ ‘Kae kāfai koutou e hē fakalogo mai ma hē uhitaki ki aku fakatonuga,#Teu 28.15-68 15kāfai koutou e teteke ki aku vāiniuga, ma inoino ki aku folahaga kae ke hē mulimuli ai koutou ki aku fakatonuga, ma holi ai te feagaiga na ohi e au ma koutou, 16ko tēnei te mea ka kō faia kia te koutou: Ka kō kaumaia he fakahalaga ki luga o koutou e ala i ni mea fakamātakutaku e tutupu fakafuaheki—ni tauale e hē mafai ke togafitia, ni fiva e tāuaho ai nā mata ma magoivia ai koutou. Ma ka hēai lele he aogā e totō ai e koutou nā fātoaga o koutou, auā ko nā fili o koutou te ka kilātou kaia. 17Ko au ka fakahaga tau atu kia te koutou, ma ko koutou ka fakatōkilalo i mua o nā fili o koutou, ma ko nā tino e ita atu kia te koutou te ka pule ia te koutou; ma ko te mātataku lahi o koutou ka fetutuli ai lava koutou kae e hēai he tino e ia tuliloa atua koutou. 18Kae kāfai nā mea uma iēnei e tutupu kae e hē fakalogo mai ai lava koutou kia te au, oi ka fakafitu ai te mamafa o te fakahalaga ka kō kaumaia ki luga o koutou. 19Ka tukimomo e au te lototutū o koutou; ka hēai ni ua mai te lagi i luga, ma ka mamago uma ai te fenua ma mākeketū te kelekele. 20Ka matuā hēai lava he aogā o nā gāluega a koutou e fai, auā ko te kelekele o koutou ka hē maua mai ai he fuata, ma hē maua foki ni fua mai nā lākau totō a koutou.
21“ ‘Kāfai e tūmau lava te koutou teteke ma te hē fia fakalogo mai kia te au, oi ka fakafitu foki te mamafa o te fakahalaga ka toe fakaopōpo e au mo koutou. 22Ka uga atu e au nā manu fekai ke kilātou ohofakia koutou ma tāmatea autou tamaiti; ma ke fakatāugā autou lafumanu ma fakaitītia te tokalahi o koutou, kae ke tau hēai lele ai ni tino i luga o nā auala o koutou.
23“ ‘Kāfai e tūmau lava te koutou teteke ma te hē fia fakalogo mai kia te au, 24oi ko au foki la ka teteke atu kia te koutou, ma ka fakafitu foki te mamafa o te fakahalaga o koutou ka kō faia i lo te taimi muamua. 25Ka kaumai e au nā taua kia te koutou ke fakahala ai koutou, ona kua holi e koutou te feagaiga i te vā o kitātou. Ka kaumai e au kia te koutou nā fāmai e hē mafai ke togafitia, ma ko koutou ka tuku atu ki lima o nā fili o koutou. 26Kāfai e tāofi e au nā hapalai meakai a koutou, e toka hefulu ia fafine ka mafai ke taoa autou falaoa i he ogāumu e fokotahi. Ka fua tutuha e kilātou te mamafa o nā inati falaoa e fakahoa, ma kāfai e uma te kai e koutou, ka lagona pea lava e koutou te fia kakaia.
27“ ‘Kae kāfai e taunuku nā mea iēnei kae hē fia fakalogo mai lava koutou ma teteke mai kia te au, 28oi ka teteke atu ai au kia te koutou i toku tōkahā, ma ka fakafitugia te mamafa o te koutou fakahalaga ka kō faia i lo te taimi i muamua. 29Ko te fia kakaia lahi o koutou, ka iku ai oi kai e koutou nā ataliki ma nā afafine o koutou. 30Ma ka fakatāugā e au nā fale tāpuaki o koutou i nā koga maualuluga, ma talepe ki lalo nā fata faitāulaga mo nā meamanogi; ka toli e au nā tinooti o koutou ki luga o nā tupua e hēai ni ola a koutou, ma ko au ka teteke kia te koutou. 31Ka fakatāugā e au nā kakai o koutou ma talepe ki lalo outou fale tāpuaki; ma ka hēai lele hoku fiafia i te manogi o autou tāulaga. 32Ko te fenua o koutou ka matuā fakatāugā lava e au, ko nā fili o koutou ka nonofo ai, ka ofo lahi lele. 33Ka kō kaumaia nā taua kia te koutou ma fakatakape koutou ki iētahi mālō. Ka hē nofoia te fenua o koutou, ma ko nā kakai o koutou ka fakahēaogāgia. 34Oi ka fātoā maua ai te fiafia e te fenua i ona tauhaga Hāpati, i nā taimi uma e hē nofoia ai ma e fakaaunukua ai koutou i te fenua o nā fili o koutou. Oi ka mālōlō ai te fenua ma fiafia i ona tauhaga Hāpati. 35I taimi uma lava e hē nofoia ai, ka maua e te fenua te mālōlōga e hēki ia maua i nā tauhaga Hāpati nae nonofo ai koutou i ei.
36“ ‘Ka kō faia ke mātataku lahi lele koutou iēnā e fakaaunukua, ko te gatolo o he lau lākau e pūhia i te matagi ka fetutuli ai koutou. Ka fetutuli koutou e vēia ko koutou e tuliloa i he taua, ma ka pākukū koutou ki lalo kae e hēai he tino e ia tulia koutou. 37Ko koutou ka higa lava tētahi ki luga o tētahi, e vēia ko koutou e hōhola kehe mai he taua, e ui lava e hēai he tino e tuliloagia koutou, ma ka hēai he mālohi o koutou ke teteke atu ai ki nā fili o koutou. 38Ma ko koutou ka mamate i te mea e iei ai nā mālō; ka folo koutou e te fenua o nā fili o koutou. 39Ma ko koutou iēnā e totoe i te fenua o nā fili o koutou, ka pala nā tino o koutou ona ko autou agahala ma nā agahala a outou tupuna.
40“ ‘Kae ka takutaku atu e nā lāpuna o koutou a lātou agahala, vēnā ma agahala a o lātou tupuna, iēia nae teteke ma fakatuikehe mai kia te au, 41ma na liliu kehe ai au ma kilātou ma kave e au oi fakaaunukua i te fenua o nā fili o kilātou. Kāfai la e lagona e nā lāpuna o koutou te loto maulalo, ma kua totogi e kilātou mo a lātou agahala ma to lātou fakatuikehe mai kia te au, 42#Ken 17.7-8; 26.3-4; 28.13-14ka toe manatua e au taku feagaiga na fai ma Iakopo, ma taku feagaiga na fai ma Ihaako, ma taku feagaiga na fai ma Apelaamo, ma ka toe fakafōu taku folafolaga ke fōki te fenua ki oku tagata. 43Kae muamua, ko te fenua e tatau ke nofoia kae ke mālōlō lelei ai i nā tauhaga Hāpati o ia; ma e tatau ke totogi e nā tino te hala mo to lātou teteke ki aku folahaga ma aku vāiniuga. 44Kae e ui i nā mea uma iēnei, i te taimi e iei ai kilātou i te fenua o nā fili o kilātou, ka hē tīakia kātoatoa e au kilātou pe fakatāugā auā ka holi ai taku feagaiga ma kilātou. Ko au ko te Aliki to lātou Atua. 45Mo to lātou lelei, ka manatua e au te feagaiga ma o lātou tupuna, iēia na kō kaumaia mai te fenua ko Aikupito i mua o nā mālō, kae ke fai ai au ma o lātou Atua. Ko au ko te Aliki.’ ”
46Ko nā vāiniuga iēnei ma nā folahaga ma nā tūlāfono na fōki e te Aliki kia Mohe i luga o te Mauga ko Hinai, mo nā tino Ihalaelu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust