Levitika 24
24
Te Kikilaga o nā Lāmepa i Mua o te Aliki
(Eho 27.20-21)
1Na vāgana te Aliki kia Mohe, 2“Fakatonu ia tagata Ihalaelu ke kaumai kia te koe te lolo olive mamā o te itūkāiga e hili te lelei mo nā lāmepa, kae ke mafai ai ke mumū pea lava he lāmepa. 3I afiafipō uma, ka tutu e Alona nā lāmepa ma fakamumū pea lava ke pa ki te tāeao, i te mea e iei te Aliki i fafo o te kiepupuni i mua o te Puha o te Feagaiga, tēia e i loto o te Nofoaga e Hili te Paia. Ko he vāiniuga tūmau tēnei mo augā tupulaga uma ke pa ki te hēgata. 4Ka kikila pea lava e Alona nā lāmepa i luga o te tūgālāmepa e fai i te aulo mamā,#24.4 e fai i te aulo mamā Epelu mamā i mua o te Aliki.
Ko te Falaoa e Ofo atu ki te Atua
5 #
Eho 25.30
“Ma e kave e koe te falaoa mata e hili lelei oi tao ai ni pāpā falaoa e hefulu lua; e lua vae-hefulu o te epaha#24.5 E tuha ma te 4 lita te falaoa mata e fai ai te pāpā falaoa e fokotahi. 6E tuku e koe nā pāpā falaoa i ni atu e lua, e ono i te atu, i luga o te laulau e fai i te aulo mamā i mua o te Aliki. 7Ma tuku ni meamanogi mamā ki nā atu takitahi ke fai ma meālofa meakai e ofo atu i te afi ki te Aliki, ke hui ai nā pāpā falaoa. 8I aho Hāpati takitahi uma, ma i taimi uma koi hau, ko nā pāpā falaoa e tatau ke tuku ki mua o te Aliki. Ko he tiute o Ihalaelu tēnei ke pa ki te fakavavau. 9#Mat 12.4; Mlk 2.26; Luk 6.4Ko nā pāpā falaoa iēnei e a Alona ma ona ataliki, ma ka kai foki e kilātou i he koga e paia, auā ko he inati e matuā paia lahi tēnei kia te ia, o nā tāulaga meakai e ofo atu i te afi ki te Aliki; ko he inati tēnei e tūmau pea lava.”
He Fakatakitakiga o te Fakahalaga e Tonu ma Fetaui
10-11Nae i ei he tamāloa ko tona tamana ko he Aikupito ka ko tona mātua ko he fafine Ihalaelu nae igoa kia Helomita, te afafine o Tipili mai te puikāiga o Tanu. I kinā i te api na tauai kupu ai te tamāloa tēnei ma he tamāloa Ihalaelu. Ka koi tauai kupu kilāua, na fetuku ai e ia te Atua, ma na kave ai e nā tino kia Mohe. 12Na kilātou tāofia te tamāloa ma tuku ke leoleo e he tino, ma fakatalitali ai ke fakailoa mai e te Aliki te mea e tatau ke fai ki ei.
13Ma na vāgana ai te Aliki kia Mohe, 14“Kave ki fafo o te api te tino na faia nā kupu mātagā; ma ko nā tino uma na kilātou lagona ana kupu mātagā na fai, e tatau ke tuku o lātou lima ki te ulu o te tamāloa ke fakamāonia ai tona nofohala, oi tuku ai ki te fakapotopotoga kātoa ke fetogi e kilātou ke mate. 15Oi lea vē ai ki nā tino Ihalaelu, ‘Ko ai lava e fai kupu mātagā ki te Atua ka pakū lava ki ona luga tana agahala 16ma ka tāmate. Ko ai lava he tino e fetukua te igoa o te Aliki, ka tāmate lava; ka fetogi ia e te fakapotopotoga kātoa ke mate. Ho he tagatā nuku Ihalaelu, pe he tino nukukehe e faia ni kupu mātagā ki te igoa o te Aliki, ka tāmate lava.’
17 #
Eho 21.12
“Ko ai lava he tino e tāmatea hētahi tino, ka fakauma lava tona ola. 18Ko ai lava he tino e tāmatea he manu a hētahi tino, ka hui e ia i hētahi manu—ko te ola ki te ola.
19“Ko ai lava he tino e faia he mea ke lavea ai tona tuākoi, ka fai foki lava kia te ia e vē ona ia faia ki tona tuākoi; 20#Eho 21.23-25; Teu 19.21; Mat 5.38ko te gau o te ivi ki te gau o te ivi, ko te mata ki te mata, ko te nifo ki te nifo; ko te tino e fakamanuka e ia he tino, e tatau foki ke fakamanuka. 21Ko ai lava he tino e ia tāmatea he manu, ka toe hui lava e ia mo te manu tēnā; ma ko ai lava he tino e ia tāmatea hētahi tino, ka fakauma foki lava tona ola. 22#Nūm 15.16Ko te tūlāfono tēnei e mo tagata uma—nā tino nukukehe e nonofo ma koutou, ma tagatā nuku Ihalaelu, auā ko au ko te Aliki te Atua o koutou.”
23I te lea atuga o Mohe ki nā tino Ihalaelu i te mea tēnei, oi na kave ai e kilātou te tamāloa ki fafo o te api, ma fetogi i nā fatu ke mate. I te faiga tēnei na fakatino ai e tagata Ihalaelu te mea na fakatonu e te Aliki kia Mohe ke fai.
Currently Selected:
Levitika 24: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
Levitika 24
24
Te Kikilaga o nā Lāmepa i Mua o te Aliki
(Eho 27.20-21)
1Na vāgana te Aliki kia Mohe, 2“Fakatonu ia tagata Ihalaelu ke kaumai kia te koe te lolo olive mamā o te itūkāiga e hili te lelei mo nā lāmepa, kae ke mafai ai ke mumū pea lava he lāmepa. 3I afiafipō uma, ka tutu e Alona nā lāmepa ma fakamumū pea lava ke pa ki te tāeao, i te mea e iei te Aliki i fafo o te kiepupuni i mua o te Puha o te Feagaiga, tēia e i loto o te Nofoaga e Hili te Paia. Ko he vāiniuga tūmau tēnei mo augā tupulaga uma ke pa ki te hēgata. 4Ka kikila pea lava e Alona nā lāmepa i luga o te tūgālāmepa e fai i te aulo mamā,#24.4 e fai i te aulo mamā Epelu mamā i mua o te Aliki.
Ko te Falaoa e Ofo atu ki te Atua
5 #
Eho 25.30
“Ma e kave e koe te falaoa mata e hili lelei oi tao ai ni pāpā falaoa e hefulu lua; e lua vae-hefulu o te epaha#24.5 E tuha ma te 4 lita te falaoa mata e fai ai te pāpā falaoa e fokotahi. 6E tuku e koe nā pāpā falaoa i ni atu e lua, e ono i te atu, i luga o te laulau e fai i te aulo mamā i mua o te Aliki. 7Ma tuku ni meamanogi mamā ki nā atu takitahi ke fai ma meālofa meakai e ofo atu i te afi ki te Aliki, ke hui ai nā pāpā falaoa. 8I aho Hāpati takitahi uma, ma i taimi uma koi hau, ko nā pāpā falaoa e tatau ke tuku ki mua o te Aliki. Ko he tiute o Ihalaelu tēnei ke pa ki te fakavavau. 9#Mat 12.4; Mlk 2.26; Luk 6.4Ko nā pāpā falaoa iēnei e a Alona ma ona ataliki, ma ka kai foki e kilātou i he koga e paia, auā ko he inati e matuā paia lahi tēnei kia te ia, o nā tāulaga meakai e ofo atu i te afi ki te Aliki; ko he inati tēnei e tūmau pea lava.”
He Fakatakitakiga o te Fakahalaga e Tonu ma Fetaui
10-11Nae i ei he tamāloa ko tona tamana ko he Aikupito ka ko tona mātua ko he fafine Ihalaelu nae igoa kia Helomita, te afafine o Tipili mai te puikāiga o Tanu. I kinā i te api na tauai kupu ai te tamāloa tēnei ma he tamāloa Ihalaelu. Ka koi tauai kupu kilāua, na fetuku ai e ia te Atua, ma na kave ai e nā tino kia Mohe. 12Na kilātou tāofia te tamāloa ma tuku ke leoleo e he tino, ma fakatalitali ai ke fakailoa mai e te Aliki te mea e tatau ke fai ki ei.
13Ma na vāgana ai te Aliki kia Mohe, 14“Kave ki fafo o te api te tino na faia nā kupu mātagā; ma ko nā tino uma na kilātou lagona ana kupu mātagā na fai, e tatau ke tuku o lātou lima ki te ulu o te tamāloa ke fakamāonia ai tona nofohala, oi tuku ai ki te fakapotopotoga kātoa ke fetogi e kilātou ke mate. 15Oi lea vē ai ki nā tino Ihalaelu, ‘Ko ai lava e fai kupu mātagā ki te Atua ka pakū lava ki ona luga tana agahala 16ma ka tāmate. Ko ai lava he tino e fetukua te igoa o te Aliki, ka tāmate lava; ka fetogi ia e te fakapotopotoga kātoa ke mate. Ho he tagatā nuku Ihalaelu, pe he tino nukukehe e faia ni kupu mātagā ki te igoa o te Aliki, ka tāmate lava.’
17 #
Eho 21.12
“Ko ai lava he tino e tāmatea hētahi tino, ka fakauma lava tona ola. 18Ko ai lava he tino e tāmatea he manu a hētahi tino, ka hui e ia i hētahi manu—ko te ola ki te ola.
19“Ko ai lava he tino e faia he mea ke lavea ai tona tuākoi, ka fai foki lava kia te ia e vē ona ia faia ki tona tuākoi; 20#Eho 21.23-25; Teu 19.21; Mat 5.38ko te gau o te ivi ki te gau o te ivi, ko te mata ki te mata, ko te nifo ki te nifo; ko te tino e fakamanuka e ia he tino, e tatau foki ke fakamanuka. 21Ko ai lava he tino e ia tāmatea he manu, ka toe hui lava e ia mo te manu tēnā; ma ko ai lava he tino e ia tāmatea hētahi tino, ka fakauma foki lava tona ola. 22#Nūm 15.16Ko te tūlāfono tēnei e mo tagata uma—nā tino nukukehe e nonofo ma koutou, ma tagatā nuku Ihalaelu, auā ko au ko te Aliki te Atua o koutou.”
23I te lea atuga o Mohe ki nā tino Ihalaelu i te mea tēnei, oi na kave ai e kilātou te tamāloa ki fafo o te api, ma fetogi i nā fatu ke mate. I te faiga tēnei na fakatino ai e tagata Ihalaelu te mea na fakatonu e te Aliki kia Mohe ke fai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust