Levitika 14
14
Fakamamāga mai nā Tauale Kino o te Kili.
1Na vāgana te Aliki kia Mohe, 2#Mlk 1.44; Luk 5.14; 17.14“Ko nā folahaga iēnei mo nā hāuniga mo te fakamamāgia o he tino kua fakamālōlō mai he tauale kino o te kili. I te aho e fakailoa aloakia ai ko ia e mamā,#14.2 I nā tu tau tāpuakiga ka kaumai ai ia ki te ohitāulaga, 3ma kave ai e te ohitāulaga ki fafo o te api ma fai ai i kinā tana iloiloga. Kāfai te tauale kua toe lelei, 4ka fakatonu e te ohitāulaga ke kaumai he luagamata manulele ola e mamā, fakatahi ai ma he mealākau ālahi, he fuhi meakie kukula ma he lālā ihopo. 5Oi ka fakatonu ai e te ohitāulaga ke tāmate tētahi manulele i luga o ni vai fōu i loto o he ulo ele. 6Oi ka kave ai e te ohitāulaga tētahi manulele fakatahi ma te mealākau ālahi, te fuhi meakie kukula ma te lālā ihopo oi lolō ki te toto o te manulele kua tāmate i luga o nā vai fōu. 7Ka hauhau fakafitu e ia te toto ki luga o te tino ka fakamamāgia mai te tauale kino o te kili; ma ka fakailoa aloakia ai e ia ko te tino tēnei e mamā. Ka uma tēnā, oi kave ai e ia te manulele e ola ki he mea lauātea i te fenua, ma tuku ai ke lele kehe.
8“Ko te tino e tuku e fakamamā i nā tu tau tāpuakiga, e tatau ke ufi e ia ona kofu, ma tafi mamā nā fulufulu o tona tino ma tākele tona tino i ni vai, oi ka mamā ai ia i nā tu tau tāpuakiga. Kāfai e uma te mea tēnei, e mafai ia ke hau ki loto o te api, kae e tatau ke nofo lava i fafo o tona falekie mo ni aho e fitu. 9I te fitu o aho, ka tafi mamā e ia ona lāulu uma, i te ulu, te ava ma ona tukemata; ka tafi kehe e ia nā lāulu uma o ia. Oi ka ufi ai e ia ona kofu ma tākele tona tino i ni vai, ma ka mamā ai ia i nā tu tau tāpuakiga.
10“I te valu o aho, ka kaumai e ia ni punuāmāmoe e lua e hēai ni māila i nā tino, ma he punuāmāmoe fafine e fokotahi te tauhaga te matua ma e hēai he māila i te tino, ma he tolu kilokalama o te falaoa mata e hili te lelei kua palu ki ei te lolo, mo he tāulaga haito; ma he tahi vaetolu o he lita lolo olive. 11Oi kave ai e te ohitāulaga e faia te fakamamāga te tino e tuku e fakamamā, fakatahi ma nā mea iēnei ki te faitotoka o te Falekie Tapu.
12“Oi kave ai e te ohitāulaga tētahi punuāmāmoe poa, ma ofo atu ma tāulaga mo te nofohala, fakatahi ma te tahi-vae-tolu lita o te lolo olive, ma hiki ake ai ki luga ke fai ma meālofa fakapitoa ki te Aliki. 13Ka tāmate e ia te punuāmāmoe i te koga paia e tāmate ai nā manu mo nā tāulaga mo nā agahala ma nā tāulaga mū. E tatau ke ia faia te mea tēnei, auā ko te tāulaga mo te nofohala, e vē foki lava ko te tāulaga mo nā agahala, e a te ohitāulaga, ma e hili lele te paia. 14Ka kave e te ohitāulaga he vāega o te toto o te tāulaga mo te nofohala, ma tuku ki te lautaliga taumatau, ki te muamuālima matua o te lima taumatau, ma ki luga o te muamuāvae matua o te vae taumatau o te tino e tuku e fakamamā i nā tu tau tāpuakiga. 15Ka kave e te ohitāulaga he vāega o te lolo olive, ma liligi ki te alofilima o tona lima tauagavale, 16ma lolō tona muamuālima taumatau ki te lolo, ma hauhau fakafitu i kinā, i mua o te Aliki. 17Oi ka tuku ai e ia he vāega o te lolo koi totoe i tona alofilima ki te lautaliga taumatau o te tino e tuku e fakamamā, ma ki te muamuālima matua o te lima taumatau, ma ki te muamuāvae matua o te vae taumatau, ki luga o te toto o te tāulaga mo te nofohala. 18Ko te lolo e totoe i te alofilima o te ohitāulaga, e uku e ia ki te ulu o te tino e tuku e fakamamā. I te faiga tēnei, ka fakatino ai e te ohitāulaga te hāuniga mo te fakamamāgia i mua o te Aliki.
19“Oi ka ohi ai e te ohitāulaga te tāulaga mo nā agahala ma fakatino te hāuniga mo te fakamamāgia. Kāfai e uma, oi ka tāmate ai e ia te manuvaefa mo te tāulaga mū 20ma ofo atu ai fakatahi ma te tāulaga haito i luga o te fata faitāulaga. I te faiga tēnei, ka fakatino ai e te ohitāulaga te hāuniga mo te fakamamāgia, ma ka mamā ai te tino i nā tu tau tāpuakiga.
21“Kae kāfai ko te tino e mativa ma e hē ia nafatia nā mea uma iēnei, e tatau ke kaumai e ia he punuāmāmoe poa e fokotahi, mo he tāulaga mo te nofohala ke hiki ake ki luga, ke fakamamā ai kilātou i nā tu tau tāpuakiga. E kaumai foki e ia he kilokalama e fokotahi o te falaoa mata e hili te lelei kua palu i te lolo olive mo he tāulaga haito, ma he tahi vaetolu o te lita lolo olive. 22Ka kaumai foki e ia ni lupe vao e lua pe ni lupe e lua o te itūkāiga taigogole, pe ko heā lava te ia maua; ko tētahi lupe e mo he tāulaga mo nā agahala, ma tētahi mo he tāulaga mū. 23I te valu o aho o tona fakamamāga, e kaumai e ia nā mea iēnei ki te ohitāulaga i te faitotoka o te Falekie Tapu. 24Oi ka kave ai e te ohitāulaga te punuāmāmoe mo te tāulaga mo te nofohala ma te lolo olive, ma hiki ake ki luga ma meālofa fakapitoa ki te Aliki. 25Ka tāmate e te ohitāulaga te punuāmāmoe o te tāulaga mo te nofohala, kae kave he vāega o te toto oi tuku ki te lautaliga o te taliga taumatau o te tino e tuku e fakamamā, ma ki te muamuālima matua o te lima taumatau, ma ki luga o te muamuāvae matua o te vae taumatau.
26“Ka liligi e te ohitāulaga he vāega o te lolo ki te alofilima o tona lima tauagavale, 27ma lolō tona muamuālima taumatau ki te lolo ma hauhau fakafitu i kinā, i mua o te Aliki. 28Oi kave ai e ia he vāega o te lolo i tona alofilima ma tuku ki nā mea foki lava na tuku ki ei te toto o te tāulaga mo te nofohala—ki te lautaliga o te taliga taumatau o te tino e tuku e fakamamā, ki te muamuālima matua o te lima taumatau, ma ki luga o te muamuāvae matua o te vae taumatau. 29Ko te lolo e totoe i te lima o te ohitāulaga, ka tuku atu e ia ki te ulu o te tino e tuku e fakamamā. I te faiga tēnei, ka fakatino ai e te ohitāulaga te hāuniga mo te fakamamāgia i mua o te Aliki.
30“Oi ka ofo atu ai e ia ma tāulaga nā lupe vao pe ko nā lupe o te itūkāiga taigogole, pe ko heā lava te nafatia e te tino e tuku e fakamamā; 31e fokotahi ke fai ma tāulaga mo nā agahala, ma tētahi ma tāulaga mū, fakatahi ai ma te tāulaga haito. I te faiga tēnei ka fakatino ai e te ohitāulaga te hāuniga mo te fakamamāgia i mua o te Aliki, mo tē e tuku e fakamamā.
32“Ko iēnei nā folahaga mo he tino e maua i te tauale kino o te kili, ma e hē ia nafatia nā tāulaga māhani mo tona fakamamāgia.”#14.32 I nā tu tau tāpuakiga
Nā Taepaloloa i Loto o nā Fale
33Oi na vāgana mai ai te Aliki kia Mohe ma Alona, 34“Kāfai koutou e taunuku atu ki te fenua ko Kanana tēia e kō fōkiatua ke fai mo koutou, ma e tuku e au he taepaloloa#14.34 Kikila ki te 13.47 ki he fale i te fenua tēnā, 35ko te tino e o ia te fale, e tatau ke fano ki te ohitāulaga ma lea vē atu ki ei, ‘Kua kitea e au he mea e vē he taepaloloa i toku fale.’ 36Oi ka fakatonu ai e te ohitāulaga ke kave kehe uma nā mea i loto o te fale, ka ko hēki fano ia oi iloilo te taepaloloa; kāfai e hē faia te mea tēnei, ko nā mea uma i loto o te fale ka fakailoa aloakia e hē mamā i nā tu tau tāpuakiga. Oi fatoā fano ai te ohitāulaga ki loto o te fale ke iloilo. 37Ka iloilo e ia te taepaloloa ma kāfai i ei ni tutututu tai lanu lauvao pe lanu kukula, ma kāfai e fōliga kua hoholo ki loto o te puipui o te fale, 38oi ka fano ai te ohitāulaga ki fafo o te fāitotoka o te fale ma loka te fale mo ni aho e fitu. 39Ka toe hau te ohitāulaga ki te fale i te fitu aho ke toe iloilo. Kāfai te taepaloloa kua hoholo i nā puipui o te fale, 40ka fakatonu e te ohitāulaga ke kave kehe nā fatu kua i ei te taepaloloa, ma kave oi tīaki i he koga e hē mamā#14.40 I nā tu tau tāpuakiga i fafo o te kakai. 41Ka fakatonu e ia ke hali kehe te pani i nā puipui uma i loto o te fale, ma ke kave te pani e hali kehe oi tīaki i he koga hē mamā i fafo o te kakai. 42Oi kaumai ai e kilātou ni fatu fōu oi hui ai nā fatu kua kave kehe, ma ni pani fōu ke vali ai nā puipui o te fale.
43“Kāfai te taepaloloa e toe kitea i loto o te fale, ka kua uma ai te kave kehe o nā fatu ma hali kehe te pani i nā puipui i loto o te fale ma toe vali i ni pani fōu, 44ka toe fai e te ohitāulaga he iloiloga. Kāfai te taepaloloa kua hoholo i loto o te fale, ko te fale e hē mamā. 45E tatau te fale ke tuki ki lalo, ma ko nā fatu, nā laupapa ma nā pani e tatau ke laku ki fafo o te kakai, ki he koga e hē mamā.
46“Ho he tino e ulu ki te fale i te taimi e loka ai, ka nofo hē mamā ia kē pa ki te afiafipō; 47ma ho he tino e moe pe kai i loto o te fale, e tatau ke ufi ona kofu.
48“Kae kāfai te ohitāulaga e hau oi fai tana iloiloga, ma e ia kitea ko te taepaloloa e hē hoholo i loto o te fale i te umaga o te toe valiga i te pani, oi ka fakailoa aloakia e ia ko te fale e mamā; ko te taepaloloa kua uma. 49Mo te fakamamāgia o te fale, e kave e ia ni manulele e lua, he mealākau ālahi, he fuhi meakie kukula, ma he lālā ihopo. 50Ka tāmate e ia tētahi manulele i luga o ni vai fōu i loto o he ulo ele, 51ma kave ai e ia te mealākau ālahi, te lālā ihopo, ma te fuhi meakie kukula, fakatahi ma te manulele ola, ma lolō ki loto o te toto o te manulele kua tāmate ma ki nā vai fōu, ma hauhau fakafitu ai te fale. 52I te faiga tēnei, ka fakamamā ai e ia te fale i te toto o te manulele, te vai fōu, te manulele ola, te mealākau ālahi, te lālā ihopo, ma te fuhi meakie kukula. 53Oi ka tuku ai e ia te manulele ola, ke fano ki fafo o te kakai, ma ki te fenua lauātea. I te faiga tēnei, ka fakatino ai e ia te hāuniga mo te fakamamāgia o te fale, ma ka mamā ai te fale i nā tu tau tāpuakiga.”
54Ko nā folahaga iēnei mo nā tauale kino o te kili; nā pou, 55-56nā fakafoa, pe ko nā mea fulafula; ma nā taepaloloa i nā kofu pe i loto o nā fale.
57Ko nā folahaga iēnei e iloa ai pe mamā pe hē mamā he mea.
Currently Selected:
Levitika 14: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
