Levitika 12
12
Te Fakamamāga o Fafine kā Uma te Fānanau
1Na vāgana te Aliki kia Mohe, ma na lea vē atu, 2“Lea ki nā tino Ihalaelu: ‘Kāfai he fafine e faitama ma fānau mai e ia he pepe tama, ka hē mamā ia i nā tu tau tāpuakiga mo ni aho e fitu, e vē lava ona hē mamā i te taimi e maua ai ia i te tauale o fafine. 3#Ken 17.12; Luk 2.21I te valu o aho, ka pelitome ai te tama. 4Oi fakatali ai te fafine mo ni aho e tolu hefulu tolu ke mamā ai ia i nā tu tau tāpuakiga, mai tona palapala#12.4 palapala Ko te palapala ma te kelekele e fakaaga foki ki te toto na fano. E hē tatau ke paki atu ia ki ho he mea e tapu, pe ulu atu ki te nofoaga paia, heiloga kua kātoa nā aho o tona fakamamāga. 5Kāfai e fānau mai e ia he pepe teine, e hefulu fa ia aho ka hē mamā ai, e vē lava ona hē mamā ia i te taimi e maua ai i te tauale o fafine. Oi ka fakatali ai ia mo ni aho e ono hefulu ono, ke mamā ai ia i nā tu tau tāpuakiga.
6“ ‘Kāfai nā aho o te fakamamāga mo he ataliki, pe mo he afafine e kātoa, ka kaumai e ia ki te ohitāulaga i te faitotoka o te Falekie Tapu, he punuāmāmoe e fokotahi te tauhaga te matua mo he tāulaga mū, ma he tamā lupe, pe he lupe vao, ke fai ma tāulaga mo nā agahala. 7Ka ofo atu e te ohitāulaga te tāulaga tēnei a te fafine ki mua o te Aliki, ma fakatino te hāuniga e kave kehe ai te hē mamā o te fafine i nā tu tau tāpuakiga, mai te fano o tona palapala.
“ ‘Ko nā folahaga iēnei mo te fafine e ia fānau maia he pepe tama pe he pepe teine. 8#Luk 2.24Kāfai e hē ia nafatia he punuāmāmoe, e mafai ke ia kaumaia ni lupe e lua pe ni lupe e lua o te itūkāiga taigogole; ko tētahi mo he tāulaga mū ma tētahi mo he tāulaga mo nā agahala. I te faiga tēnei, ka fakatino ai e te ohitāulaga nā hāuniga mo te fakamamāga o te fafine i nā tu tau tāpuakiga, ma ka mamā ai ia.’ ”
Currently Selected:
Levitika 12: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
