Kenehe 2
2
1Oi na uma ai te foafoaga o te lagi ma te lalolagi, ma nā mea uma lele nae iei. 2I te fitu o aho, na uma ai nā gāluega a te Atua nae fai, ma na mālōlō ai i te aho tēnā.#Epe 4.4, 10 #Eho 20.11 3Oi na fakamanuia ai e te Atua te fitu o aho ma fakailoga e ia ke fai ma aho fakapitoa, auā ko te aho ia na mālōlō ai ia, i te umaga o ana gāluega tau ki te foafoaga.
4Ko te tala tēnā o te foafoaga o te lagi ma te lalolagi.
Ko te Fātoaga ko Etena
I te taimi na foafoa ai e te Aliki te Atua te lagi ma te lalolagi, 5ka ko hēki iei ni lākau i te laukelekele ma ni fatu lākau kua ola ake, auā ko hēki kaumaia e te Aliki te Atua he ua ki te lalolagi, ma ko hēki iei he tino ke galue i te kelekele; 6kae kua puna ake he vai mai lalo o te kelekele ma fakahūhū ai ia luga o te kelekele.
7Oi na kave ai e te Aliki te Atua ni palapala mai te kelekele, kua fālite ai he tamāloa,#2.7 kelekele… tamāloa Ko nā kupu Epelu atamaha ma atamu mo te kelekele ma te tamāloa e tāli tutuha te fakaleoga ma na mānava ai e ia te mānava ola ki loto i nā pūihu, ma na kāmata ai oi ola te tagata.#1 Kol 15.45
8Oi na totō ai e te Aliki te Atua he fātoaga i Etena, i te itū ki Hahae, ma ko kinā na tuku ai ki ei te tagata na ia faia. 9#Fkl 2.7; 22.2, 14Mai te kelekele na fakaola ake e te Aliki te Atua, nā itūkāiga lākau kehekehe e mānanaia i te kikila ki ei, ma lelei ke fai ma meakai. I lototonu o te fātoaga, nae iei ai te lākau e maua ai te ola, ma te lākau e iloa ai te mea e lelei ma te mea e kino.#2.9 iloa ai te mea e lelei ma te mea e kino pe e iloa ai ho he mea, pe lelei pe kino
10Nae tafe mai he vaitafe ki loto o Etena ke fakahūhū ai te fātoaga; ma i fafo atu o Etena, na vāevae ai ki ni vaitafe e fa. 11Ko te vaitafe muamua ko Pihono; e tafe takamilo i te fenua ko Havila. 12(E maua i te fenua tēnā te aulo mamā, ma venā ma itūkāiga mea fakamanogi e hē takalahi, ma nā fatu tāua mānanaia.) 13Ko te lua o vaitafe ko Kihono; e tafe takamilo i te fenua kātoa ko Kuhu.#2.13 Kuhu pe Efiopia 14Ko te tolu o vaitafe ko Tikelihi, e tafe ki te itū ki hahae o Ahulia, ma ko te fa o vaitafe ko Eufilate.
15Oi na kave ai e te Aliki te Atua te tamāloa oi tuku i loto o te Fātoaga ko Etena, ke fakatoka ma ke kikila e ia. 16Ma na fakatonu ai vēnei e te Aliki te Atua te tamāloa, “E mafai koe ke kai ki he fua o hō he lākau i te fātoaga; 17kae vāganā ai te lākau e iloa ai te mea e lelei ma te mea e kino; ko koe e fakahā oi kai ki ei, auā ko te aho e kai ai koe ki ei, ka oti ai foki koe.”
18Oi na vāgana ai te Aliki te Atua, “E hē lelei ke nofo tautahi te tamāloa; ka kō faia hona fehoahoani ke fai ma ona hoa.” 19Oi fai ai e te Aliki te Atua mai te kelekele, nā manuvaefa uma lele ma manulele uma o te ea, ma kaumai uma ai e ia ki te tamāloa pe ni igoa vēhea te ka fakaigoa ai e ia kilātou; ma ko te igoa lava na fakaigoa ai e te tamāloa te manu, ko tona igoa foki lava tēnā. 20Na fai e te tamāloa nā igoa o nā manuvaefa uma lele, ma nā manulele o te ea, ma nā manu tauhi ma nā manu tāvao; kae mo te tamāloa,#2.20 Pe mo Atamu e hēai he mea na maua e talafeagai ke fai ma ona hoa.
21Oi na fakamoe gahe ai e te Aliki te Atua te tamāloa, ma ka koi moe, oi na tō mai ai e ia ki fafo he ivi kahokaho o te tamāloa ma toe pupuni ai i te kakano. 22Mai te ivi kahokaho na kave kehe e te Aliki te Atua mai te tamāloa, na gaohi ai e ia he fafine, oi na kaumai ai te fafine ki te tamāloa. 23Oi na lea vē ai te tamāloa,
“Ko ia la tēnei e vē ko au,
he ivi mai oku ivi
he kakano mai oku kakano,
ka fakaigoa ia he Fafine,
auā e mai te tamāloa
na kave kehe mai ai te fafine.”#2.23 Ko nā kupu Epelu ihiha ma te ihi mo te tamāloa ma te fafine e tāi tutuha te fakaleoga
24Ko te ala ia e tuku ai e te tamāloa tona tamana ma tona mātua, kae fakatahi ma tana āvaga, ma kavea ai kilāua ma tino e tahi.#Mat 19.5; Mlk 10.7-8; 1 Kol 6.16; Efe 5.31
25Ko te tamāloa ma te fafine nae hēai ni o lā lākei, kae nae hē kilā iloa he mā.
Currently Selected:
Kenehe 2: TOKU
Highlight
Share
Copy
Want to have your highlights saved across all your devices? Sign up or sign in
Bible Society New Zealand Charitable Trust
