Thodŏpho 17

Thèssalò̆nika U abu

1Ze lekô hwă Ămphipŏlis kî Apollŏnia, d́ō cè tòcò dolegè d́ŏ Thèssalò̆nika u nu htè d́ŏnu Jŭdapho asinagŏgā ògè tu u nu. 2Păulu acab́ô̆ zè mè nènò nu ze lenīgè d́ŏ sinagŏgā abu kî thŏsòd́è̆ adābu d́òŭd́ò̆sa bija ab́èkja Cè Tcahtĭ awîakè̆ nu, 3cò d́òhlî̆htaphlò̆hta ni lōwa ahtabohtab́ă kî d́òhlî̆hta htè Krĭstu gā khab́è dèssègnè̆bòdò kî gā htabogekò̆ dèthĭ aklè̆ nu. Kî cò d́ò, “Jezŭ ḿî Krĭstu htè jò d́ò̆sa thĭ awîakè̆ dèbwè nu,” cò d́ò lōwa tòcò do. 4D́ŏ cè tòcò aklè̆ tòcò cò ḿî adòniphîni hwă amèkôgè Păulu kî Cĭlas akă, kî d́ŏ Grĭspho ascisăni Kib́ĭcè ale tòcò kî amihmu aniò̆jòa òèòò d́o.

5Jŭdapho tòcò ò pĕhtakî dèthèhtè, le jogè bija d́ŏ aò dèbwîdèsè̆ ale tòcò, thakăhtagè bija aboahò tòcò kî tod́opho lò bija bogalāgè thèd́è̆ u d́o. Bija tòcò legè d́ŏ Jăsòn ahi nu, zo gomo ḿî cè kèhtî lōwa d́ŏnu d́ō zi gī cwi gō hto lōwa d́ŏ bija ladēplo ahlò̆mò̄ nu. 6Ḿî cè kèhtîgè Jăsòn kî thè̆buwe tòcò lò d́ō, zi cwile hwă lōwa d́ŏ u akhoane ahlò̆mò̄ d́ō, cè kèwo, cò d́ò, “Bija htè ab́adogōlatèkè̆hta lākho tòcò le htŏ wu u abu b́ĕjo. 7Cò ògè d́ŏ Jăsòn ahibu nu. Cè tòcò htad́ĕd́ògè Caĕsarè adèhmèla gŏ ahmô̆ htè cò d́ò Saphra alewe ò dèbwè be, htè Jezŭ nu,” cò d́ò do. 8Dèsajò ajo nu mè scisăthabogè ubupho tòcò kî u akhoane tòcò nu. 9Za hnagè bija kî ila hô̆ dèaḿăkhai Jăsòn kî alewe tòcò anikhĭ, hwă khaĺè ca b́ăhlôkò̆ lōwa.

Dèbadèsè̆ Athè̆ d́ŏ Bèrŏa U nu

10B́ĕ dèkhila nu thè̆buthè̆we tòcò thè̆legè Păulu kî Cĭlas d́ŏ Bĕrea u nu taplakhă lò. Zo dole kî bija tòcò lehtîgè cè d́ŏ Jŭdapho tòcò aSinagŏgā abu nu. 11Bèrŏa upho tòcò adègomojò̄ d́olĭ kî aò d́ŏ Thèssalò̆nika u bu tòcò nu. Cè tòcò phîni hjŏkakî tèpwè Kib́ĭcè alēahwè; gŏ ani lò cè tòcò pha Cè Tcahtĭ kî d́ôthò̆drò tèpwè lōwa ḿî ab́è ā? Ńò ā? nu. 12Mèhwă d́ō, Jŭdapho ab́udè òèhtagè. Grĭspho adoabwe amihmu tòcò kî amikhŏ tòcò ḿîgè gōnu nu. 13B́ĕ Jŭdapho aò d́ŏ Thèssalò̆nika u bu tòcò thîhè̆b́è Păulu d́òŭd́ò̆sa Kib́ĭcè Alēahwè d́ŏ Bĕrea u nu d́ō, cè tòcò lekôgè d́ŏnu cab́ô̆htè ca gā thakăhta bija akă kî mèsèsòwò̄hta dè nu. 14Mègōnu d́ō, thè̆buthè̆we tòcò thè̆le plaplăgè Păulu d́ŏ pèllèwe nu, kî agè̄ lè̄lakè̆ Cĭlas kî Timò̆theo d́ŏ Bèrŏa u nu. 15Adôi Păulu tòcò le thè̆gè cè dă Athèn u nu, mèhwă ze geb́a hmèlagè Timò̆theo kî Cĭlas gô̄ lôkôplă Păulu alle.

D́ŏ Athèn U nu

16Păulu òsô̆wô̄ cè tòcò d́ŏ Athèn u nu kî d́ŏnu ca thagèlè̄gè d́ŏ ca tcahtî thèd́è̆ u ò pĕhtakî dèthèb́è̆ bwèjò amŏamo lò acè̆ nu. 17Gōnu akhoacè̆, d́ŏ sinagŏgā abu za daragè Jŭdapho tòcò kî Grĭspho ascisăni Kib́ĭcè ale tòcò kîd́ò̆ d́ŏ bija bwîsè̆dè alle nu bò̄bwè̆ athaè d́òb́èsab́è cè tòcò nu gŏ lumu ani lò. 18Èpikŭreapho kî Stŏik dègomo asarado tòcò hnò̆nu le daragè cè cè. Tòcò cò d́ògè cè, “Htokhwi tèb́è ad́ò danè̄ nu athîhè̆bò̄ aè̆ ā?” cò d́ò lōwa do.

Bija alewe tòcò cò d́ò cè, “Ală ḿî zè hè d́òi htĭge alewe tòcò ab́icèklèhtò awîakè̆ dòkhò̆,” cò d́ò lōwa do. Manè̄, d́ŏ cò d́ò̆htôigè Jezŭ adèmè kî adèhtaboge awîakè̆ akhoacè̆ nu. 19Cè tòcò hmèla lōwa agē le d́ŏ Areopăgo abu nu, htè cò d́ò lōwa, “Nè dèthôdèthò̆ athè̆ dèdè̆ jo wè gè̄ thîhè̆ za d́ò̆ cadè̄? 20Ńò d́ò̆sa wa dè tòcò cò nu, amè htèniwĭniwagè wa, ḿî wa thaè thîhè̆ tèpwè ahtabohtab́ă dòkhò̆,” cò d́ò lōwa do. 21(Athènpho kî tî̆tèḿè̆ tòcò anikhĭ ahtani tèpwè pwe zè mèlōsŏlōkhè̆i ze ne dèsòkhĕńe kî d́òi dè awîakè̆ apòhtathè̆ jo lò.)

22Păulu sò̆hto ò hwă d́ŏ dèladēplo abu, cò d́ò̆htôlanigè bija tòcò dè awîakè̆ gōjo, “Athènpho tòcò, ja tcahtîb́è thè̆ne htŏ ab́èkja dèb́udènè nu thĭ mè ladīlasekò̆ pwedè̄ nu. 23Manè̄, b́ĕ jè hèkô klè nu, ja tcahtî tèpwè d́ŏ thĭ dèthèb́è̆kho nu ahwela, ‘B́ĬCÈ BWÈ DÎ THÎ ŃÒ ANIKHĬ’ aò do. ‘B́ĭcè bwè dî thî ńò!’ B́è tèpwè. Kib́ĭcè jò d́ò̆sa thĭ dèbwè nu ḿî Cè, htè thĭ thèb́è̆hta htŏ, ḿî thĭ dî thîhè̆ ńò dèbwè nu. 24Kib́ĭcè ḿî ab́òla Lākho kî dè aò abu lŏcăcè tòcò d́ŏ Zî ḿî Mò̄kho Lākho Ab́ĭcè, Zò dò sòthŏi Zarādo htè bija prahtai acukhò ńò. 25Kîdò̆ Zo do loba zi nikhĭ bija cu adèmèzo dimĭ ńò. Manè̄ Cè thè̆ne ila bija lŏcăcè dèòthôḿô̆ kî dèthèhtathèla kî dè alewesòsŭ gŏmihtĭda dòkhò̆. 26B́ĭcè b́òla ŭsu bija dèbwè kî anu dèbwè lakhwĭlathèlè̆ bija Lākhopho gŏ akhwĭ pwĕ acab́ô̆ cò òi kèhta Lākho thèd́è̆b́è nu. Kî Ze bela bija ta thara, ta thara gō dohtamuhtab́è dādè̄ nu, kî htôdè̄ nu. 27Zè mè gōjo cab́ô̆htè bija gā wāhlèbò̄ Kib́ĭcè kî bōhlèbāhlèbò̄ htô̆ zo dohtî lōwa nu. Ahnèhnè nu, Cò tò òjîkî wa dèbwè̆ ńò. 28Manè̄,

‘Wò ò d́ŏ zu bu kî gemeelô d́ŏ zu bu nu.’

Kî wò ò kî Cè, acab́ô̆ d́ŏ thĭ klè̆ Skrĭbāpho tòcò d́ò;

‘Wî ḿî lŏ zo pho zi li lò,’ cò d́ògè do.

29Wî ḿî Kib́ĭcè aphoali akhoacè̆, wo do gomob́è Kib́ĭcè cab́ô̆htè dèjòhô̆, dèjòhtè̆ kî dèjòlo, htè bija mèi acubōkhajò nu ńò. 30Bija dî thî dè hnî̆ńò nu Kib́ĭcè tcatôĺô za tèpwè dè ajo tòcò, barasă khŏnujo Cò d́ò̆sa htŏ bija gŏ abwè, gŏlālā, htè za gā bajalage ze ne nu. 31Manè̄, ze bè̄la htŏ munimuthè̆ agī cirra Lākho d́ŏ dèdî̄dèhma abu nu. D́okhlŏ ḿî Zè lè̄hta htŏ bija agī cirradè dèbwè nu. Kib́ĭcè d́è̆lî̄phlò̆hta htŏ d́ŏ Ca b́awè̄htogegè lōwa d́ŏ dèthĭ aklè̆ nu.”

32Cò d́òhtani dèhtaboge dèthĭ aklè̆ d́ō, bija tòcò cò jè̄karagè, alewe tòcò d́òwe, “Wa thaèni ńò d́ò̆sa wa dè ajo tòcò tapla be,” cò d́ò lōwa do. 33Alekă Păulu hèbāgè cè tòcò. 34Barasă bija ò tòcò lè̄la atha akò òkô ca kă kî phî̆htagè ab́udè tòcò, htè d́ŏ cè klè̆ nu Dionĭsio Areopăgo kî amihmu ami ḿî Damărîs kî alewe tòcò be nu.

Currently Selected:

Thodŏpho 17: GRNT21

Highlight

Copy

Compare

Want to have your highlights saved across all your devices? Sign up or sign in

Geba Roman New Testament © Bible Society of Myanmar, 2021.

Learn More About Geba Roman New Testament

Popular Bible Verses from
Thodŏpho 17

Videos for Thodŏpho 17

Acts 13-20

BibleProject

Second Missionary Journey - Part One: The Book of Acts

Eyewitness Bible Series

Timothy: The Book of Acts

Eyewitness Bible Series

Second Missionary Journey - Part Two: The Book of Acts

Eyewitness Bible Series

Thodŏpho 17

Popular Bible Verses from
Thodŏpho 17

Videos for Thodŏpho 17

Acts 13-20

Second Missionary Journey - Part One: The Book of Acts

Timothy: The Book of Acts

Second Missionary Journey - Part Two: The Book of Acts

Bible:

Karen, Geba

Version: Geba Roman New Testament - GRNT21

Thodŏpho 17

Thodŏpho 17

Popular Bible Verses from Thodŏpho 17

Videos for Thodŏpho 17

Acts 13-20

Second Missionary Journey - Part One: The Book of Acts

Timothy: The Book of Acts

Second Missionary Journey - Part Two: The Book of Acts

Bible:

Karen, Geba

Version: Geba Roman New Testament - GRNT21

Thodŏpho 17

Popular Bible Verses from
Thodŏpho 17